Дэлхий дахинд

Оросуудыг Венесуэлиэс явахыг Дональд Трамп шаардав

Нийтэлсэн

6 жил өмнө

2019-03-28

Нийтэлч

Өчигдөр Цагаан ордонд Венесуэлийн сөрөг хүчний удирдагч Хуан Гуайдогийн гэргийг хүлээж авч уулзсан АНУ-ын ерөнхийлөгч Дональд Трамп ОХУ-ыг Венесуэлиэс цэргээ гаргахыг шаарджээ.

Дэлхийн 50 гаруй улс орны засгийн газар Хуан Гуайдог Венесуэлийн хууль ёсны удирдагч хэмээн хүлээн зөвшөөрөөд байгаа. Гуайдогийн гэргий Фабиана Розалесыг өчигдөр Трамп болон дэд ерөнхийлөгч Майк Пэнс нар хүлээн авч уулзсан юм.

Өнгөрсөн долоо хоногийн сүүлээр ОХУ-ын армийн нисэх онгоцоор Венесуэльд Оросын 100 орчим цэргийн алба хаагч ирж буусан гэх мэдээлэл тараад байгаа. Тэднийг тусгай хүчний цэргүүд болон кибер аюулгүй байдлын мэргэжилтнүүд гэж АНУ-ын засаг захиргаа таамаглаж байна.

Сэтгүүлчид Трампаас Оросын цэргийг ямар арга замаар Венесуэлиэс гаргах төлөвлөгөөтэй байгааг асуухад тэр “Юу болохыг харцгаая. Бүх аргыг хэрэглэх боломж нээлттэй байгаа” гэж хариулжээ.

Дэд ерөнхийлөгч Майк Пэнс “Өнгөрсөн долоо хоногт Оросын цэргийн нисэх онгоцнууд Венесуэльд ирснийг АНУ-ын засгийн газар өдөөн хатгалга гэж харж байна” хэмээн ярьсан юм.

“Бид Орос улсыг Мадурогийн дэглэмийг дэмжихээ зогсоож, Хуан Гуайдо болон түүнийг дэмжигч улс орнуудтай нэгдэхийг уриалж байна” гэж тэр цааш нь ярьжээ.

Сөрөг хүчний хяналтад байгаа Үндэсний Ассемблэйн дарга Хуан Гуайдо нэгдүгээр сард өөрийгөө Венесуэлийн албан ёсны ерөнхийлөгчөөр зарласан.

Николас Мадуро 2018 оны тавдугаар сард болсон ерөнхийлөгчийн сонгуулиар дахин сонгогдож, мөн нэгдүгээр сард үүрэгт ажилдаа орсон юм.

Венесуэльд олон тэрбумын хөрөнгө оруулсан ОХУ-ын эрх баригчид одоог хүртэл Мадурогийн засаглалыг дэмжиж байна.

Эх сурвалж: Reuters

Сэдвүүд:ДОНАЛД ТРАМП онцлох

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...