Нийгэм

Хэсгийн мөрдөгч нотлох баримт хуурамчаар бүрдүүлсэн хэргээр ял авлаа

Нийтэлсэн

6 жил өмнө

2019-04-04

Нийтэлч

Admin

Найз нар хамт архи ууж байгаад нэгийгээ хутгалж, биед нь гэмтэл учруулсан хэргийг харъяа газрын цагдаагийн алба хаагч шалгасан байна.

Гэвч цагдаа уг хэргийг шалгахдаа мэдүүлэг өгөөгүй хүнийг өгсөн болгож, ШШҮХ-ийн шинжээчийн дүгнэлтийг танилцуулсан гэх хуурамч тэмдэглэл үйлдсэн, хавтаст хэргийг танилцуулсан тэмдэглэл зэргийг хуурамчаар үйлдсэн байна. Энэ нь хууль бус үйлдэл бөгөөд хууль сахиулагчийн гаргасан хууль бус үйлдлийг бид сэрэмжлүүлэг болгон хүргэж байна.

Цагдаагийн алба хаагчийн энэхүү үйлдлийг АТГ-аас шалгасан. Улмаар цагдаагийн алба хаагч Р.М нь эрүүгийн 1822001370051 дугаартай Б.Б-д холбогдох хэрэгт мөрдөн шалгах ажиллагаа явуулахдаа хэрэг шалган шийдвэрлэхэд ач холбогдол бүхий нотлох баримтуудыг буюу

Д.У-аас 2018.04.26-ны өдөр авсан гэрчийн мэдүүлэг
Ц.Б гэх хүнээс 2018.05.20-ны өдөр авсан гэрчийн мэдүүлэг
Т.Х гэх хүнээс 2018.05.20-ны өдөр авсан гэрчийн мэдүүлэг
Шүүхийн шинжилгээний албаны шинжээчийн №180200150 дугаартай дүгнэлтийг 2018.04.20-ны өдөр танилцуулсан тэмдэглэл
Б.Б-д 2018.05.17-ны өдөр хувийн баталгаа гаргах таслан сэргийлэх арга хэмжээ авсан тогтоол, баталгааны хуудас яллагдагчаар авсан мэдүүлэг,
2018.05.25-ны өдөр хавтаст хэргийн материалыг танилцуулсан тэмдэглэлийг тус тус хуурамчаар үйлдсэн гэмт хэрэгт үйлдсэн байж болзошгүй тохиолдол илэрсэн.

Тиймээс прокурорын байгууллагаас уг хэргийг яллах дүгнэлттэйгээр шүүхэд шилжүүлсэн.

Цагдаагийн алба хаагч гэм буруутай эсэхийг хэлэлцэх шүүх хуралдаанд Р.М мэдүүлэхдээ: “…Би тус хэрэгт мөрдөн шалгах ажиллагаа явуулахдаа гэрчүүдийн мэдүүлгийг хуурамчаар үйлдсэн. Мөн Б-ийн гарын үсгийг хуурамчаар үйлдсэнээ хүлээн зөвшөөрч байна. Шинжээчийн 60/88 дугаартай дүгнэлтийг хүлээн зөвшөөрч байна. Хувийн ашиг сонирхол байхгүй. Б-ийн хувийн байдлыг тогтоох зорилгоор аав, ээжийг нь дуудуулсан. Б-ээр дамжуулж бас дуудуулсан. Хөдөө айлд ямаа самнаж байна гээд ирэхгүй байсан. Утсаар ярихаар утсаар авчихаж болохгүй юм уу гээд байсан…” гэж мэдүүлжээ.

Харин гэрчээр мэдээлсэн гэх Ц.Б , Т.Х нар “…Р.М-д огт мэдүүлэг өгч байсан удаа байхгүй, 2018 оны 05 сарын 20-ны өдөр авсан гэрчийн мэдүүлэгтэй танилцлаа. Уг мэдүүлэгт дурьдагдсан зүйлс худал байна. Р.М нь мэдүүлэг авахаар дуудаж байсан удаа байхгүй…” гэдгийг мэдүүлсэн байна.

Хамгийн ноцтой нь цагдаагийн алба хаагч хэргээ нуун далдлахыг завдсан байгаа юм. Энэ талаар гэрчүүд мөн мэдүүлсэн байдаг. Тодруулбал, дээрх гэрчүүдээс дахин мэдүүлэг авахад: “…Өчигдөр орой 12:00 цагийн үед Р.М /цагдаагийн алба хаагч/нь албан өрөөндөө буюу энэ өрөөнд намайг дуудаад Авлигатай тэмцэх газраас мөрдөгч ирээд мэдүүлэг авбал гарын үсгээ ингээд зураад өгчих гээд миний нүдэн дээр одоогийн энэ цаасан дээрх бичгийг буюу эхнэр бид 2-ын нэрийг бичээд, бичсэн хэсгээ ураад, үүнтэй ижил гарын үсгээ зураарай гэж хэлээд өгсөн. Тэгээд охин Б.Б-ийн шүүхээс авсан торгуулийн мөнгийг би төлье гэж хэлсэн. Уг мөнгө нь 450,000 төгрөг юм. Би тэгээд өчигдөр эхнэртээ Р.М мөрдөгч ингэж хэлж байна гэхэд юу ярьж байгаа юм, үнэн зөвөөр нь л байна ш дээ гэж байсан…”

Цагдаагийн алба хаагчийн дээрх үйлдэл нь ШШҮХ-ийн шинжээчийн дүгнэлтээр тогтоогдсон байна. Өөрөөр хэлбэл Р.М нь Б.Б-д холбогдох эрүүгийн 1822001370051 дугаартай хэрэгт мөрдөн шалгах ажиллагаа явуулахдаа хэрэг шалган шийдвэрлэхэд ач холбогдол бүхий нотлох баримтуудыг буюу Д.Ууганбаяраас 2018.04.26-ны өдөр, Ц.Бүжинлхам, Т.Х нараас 2018.05.20-ны өдөр авсан гэрчийн мэдүүлгийг, Б.Балданцэрэнд Дундговь аймаг дахь Шүүхийн шинжилгээний албаны шинжээчийн №180200150 дугаартай дүгнэлтийг 2018.04.20-ны өдөр танилцуулсан тэмдэглэл, мөн Б.Б-д 2018.05.17-ны өдөр хувийн баталгаа гаргах таслан сэргийлэх арга хэмжээ авсан тогтоол, баталгааны хуудас болон яллагдагчаар авсан мэдүүлэг, 2018.05.25-ны өдөр хавтаст хэргийн материалыг танилцуулсан тэмдэглэлийг тус тус хуурамчаар үйлдсэн болох нь тогтоогдож байна. Р.М-ын үйлдэл нь Эрүүгийн хуулийн 21.1 дүгээр зүйлд заасан гэмт хэргийн шинжийг бүрэн агуулсан бөгөөд Р.М нь тухайн үед Дундговь аймгийн Өлзийт сумын хэсгийн төлөөлөгчөөр буюу мөрдөгчөөр ажиллаж байсан болох нь Цагдаагийн ерөнхий газрын даргын 2016 оны 05 сарын 31-ний өдрийн Б/279 дугаартай тушаалаар / хх-ийн 204/ тогтоогдож байх тул түүнд Эрүүгийн хуулийн 21.1 дүгээр зүйлийн 2 дахь хэсэгт зааснаар эрүүгийн хэрэг үүсгэж, яллагдагчаар татах тогтоол, яллах дүгнэлт үйлдэж ирүүлсэн хэргийн зүйлчлэл тохирсон байна гэж шүүх үзсэн. Тиймээс Гэцэл овгийн Р.М-ыг хэрэг хянан шийдвэрлэхэд ач холбогдол бүхий нотлох баримтуудыг хуурамчаар үйлдсэн гэмт хэргийг үйлдсэн гэм буруутайд тооцож,Эрүүгийн хуулийн 21.1 дүгээр зүйлийн 2 дахь хэсэгт зааснаар шүүгдэгч Гэцэл овгийн Р.М-д 5400 нэгжээр буюу 5.400.000 /таван сая дөрвөн зуун мянган/ төгрөгөөр торгох ял оногдуулсан байна.

Сэдвүүд:

Дэлгэрэнгүй ...

Сэтгэгдэл үлдээх

Нийгэм

Нийслэлийн иргэдийн спортын XII наадмын шигшээ тоглолтууд эхэллээ

Нийтэлсэн

13 цаг өмнө

2024-11-26

Нийтэлч

24barimt

Иргэдийн эрүүл мэнд, биеийн тамирын үйл ажиллагааг идэвхжүүлэх, спортын уралдаан тэмцээнд өргөнөөр хамруулах зорилгоор нийслэлийн Биеийн тамир, спортын газраас нийслэлийн иргэдийн спортын XII наадмыг өнгөрсөн долоодугаар сарын 1-ний өдрөөс арваннэгдүгээр сарын 27–ны хооронд зохион байгуулж байна.

Спорт явган аялал, ширээний шагайн наадгай, аэробик, хийн дасгал, олс таталт, сагсан бөмбөг, дартс, софт волейбол болон волейбол гэсэн есөн төрөлтэй зохион байгуулсан уг наадамд есөн дүүргийн 204 хорооны 90 мянга гаруй иргэн оролцсон. Ийнхүү хэсэг, хороо, бүс, дүүрэг, нийслэл гэсэн таван үе шатнаас шалгарсан шилдэг 71 хорооны 124 багийн 1044 иргэн шигшээ тэмцээнд оролцож байгаа аж.

Багануур дүүргийн 1 дүгээр хорооны иргэн Т.Эрдэнэбулган “Миний хувьд иргэдийн спортын их наадамд долоо дахь жилдээ оролцож байна. Өнгөрсөн жил эмэгтэйчүүдийн сагсан бөмбөгийн төрөлд аварга болсон. Энэхүү амжилтад долоон жил хөдөлмөрлөн, багаараа суралцаж, ойлголцон их замыг туулж хүрсэн. Чадахгүй хүн ч суралцаж эгч дүүс, хамт олонтой болдог энэ наадам хүн бүхэнд нээлттэй байдаг” xэмээн уриаллаа.

Мөн энэ жилийн хувьд “Эрүүл Монгол хүн” хөтөлбөр, “Соёлын бүтээлч аян”-ы хүрээнд зохион байгуулж буй тус наадам нь бие бялдрыг чийрэгжүүлэх, хөдөлгөөний хомсдолоос сэргийлэх, хүн амыг биеийн тамир, спортын уралдаан тэмцээнд өргөнөөр хамруулах, иргэдийн идэвх санаачилгыг өрнүүлэх, хөршийн холбоог сайжруулах зэрэг ач холбогдолтой. Түүнчлэн тус наадамд 31-ээс дээш насны энгийн иргэд болон 45-аас дээш насны спортын дэд мастераас дээш цолтой иргэд оролцох боломжтой бөгөөд шалгарсан баг тамирчид үндсэн бүрэлдэхүүнээрээ шат шатны тэмцээнд оролцох юм.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Дэлгэрэнгүй ...

Нийгэм

Улс тунхагласны баяраар зарим хилийн боомтууд амарна

Нийтэлсэн

2 өдөр өмнө

2024-11-25

Нийтэлч

24barimt

Арваннэгдүгээр сарын 26-нд буюу Мягмар гарагт Улс тунхагласны баяр тохионо. Тухайн өдөр Чингис хаан олон улсын нисэх онгоцны буудал, Алтанбулаг, Сүхбаатар, Эрээнцавын боомтууд, Булган, Замын-Үүдийн төмөр замын боомт цагийн хуваарийн дагуу ажиллана. Харин Цагааннуур, Ханх, Ульхан, Арцсуурь, Боршоо, Тэс, Хавирга, Hанги, Гашуунсухайт, Шивээхүрэн, Бургастай, Бичигт, Сүмбэр, Баянхошуу зэрэг боомт амарна.

Дэлгэрэнгүй ...

Нийгэм

Ой модны салбар үүсэж хөгжсөний 100 жилийн ойн барилдаанд улсын начин Л.Энхсаруул түрүүллээ

Нийтэлсэн

2 өдөр өмнө

2024-11-25

Нийтэлч

24barimt

Монгол Улсад Ой модны салбар үүсэж хөгжсөний 100 жилийн ойд зориулан Ойн инженер, Шинжлэх Ухааны Академийн Ботаникийн хүрээлэнгийн эрдэм шинжилгээний ахлах ажилтан, Монгол Улсын арслан Мядагийн Мөнгөний нэрэмжит Улс, аймаг, цэрэг, сумын алдар цолтой хүчит 128 бөхийн барилдаанд Увс аймгийн Ховд сумын харьяат, “Алдар” спорт хороо, “Алсын Жим” ХХК, “Алтаргана Констракшн” ХХК, “Увснуур” дэвжээний бөх, улсын начин Лхагвасүрэнгийн Энхсаруул түрүүлж, Булган аймгийн Сэлэнгэ сумын харьяат, “Сүлд” спорт хороо, “Ньюмайнд” групп, “Булганхан” дэвжээний бөх улсын начин Дэлгэрсайханы Амарсайхан үзүүрлэв.

Дөрөвт Говь-Алтай аймгийн Жаргалан сумын харьяат, Хилчин спорт хороо, “Юү Би Ойл” ХХК, “Хантайшир” дэвжээний бөх, улсын начин Ш.Шинэбаяр, Архангай аймгийн Хайрхан сумын харьяат, “Алдар” спорт хороо, “Арвин Үр Үндэс” ХХК, “Бөхбилэгт” дэвжээний бөх, аймгийн арслан Г.Мөнхбаяр нар шалгарлаа.

Наймд улсын начин Э.Ванданцэрэн, аймгийн арслан Х.Наранбаяр, аймгийн арслан Б.Ганбаяр, цэргийн арслан Д.Цэрэнням нар үлдэв.

Уг барилдааны түрүү бөх 8 сая, үзүүр бөх 5 сая, дөрөвт үлдсэн бөхчүүд тус бүр 1.5 сая төгрөгийн бай гардсан бол “Увснуур” дэвжээний зүгээс М.Мөнгөн арслангийн нэрэмжит “Улсын цолонд ойрхон бөх”-ийн шагналыг цэргийн арслан Дэлгэрийн Цэрэннямд гардуулсан юм.

Дараагийн барилдаан арваннэгдүгээр сарын 26-ны 13:30 цагаас Анхдугаар үндсэн хуулиа баталж Бүгд Найрамдах Улсаа тунхагласаны “ТҮҮХТ 100 ЖИЛ”-ийн ойд зориулсан Улс, аймаг, цэрэг, сумын цолтой хүчит 128 бөхийн барилдаанаар үргэлжилнэ.

МОНГОЛЫН ҮНДЭСНИЙ БӨХИЙН ХОЛБОО

Дэлгэрэнгүй ...