Дэлхий дахинд

Зэвсэглэсэн, аюултай эмэгтэй ирсэн сургаар АНУ-д 20 гаруй сургуулийг түр хаагаад байна

Нийтэлсэн

6 жил өмнө

2019-04-17

Нийтэлч

АНУ-ын Колорадо мужийн Денвер хотын ойролцоох Колумбайн дунд сургуульд 1999 оны дөрөвдүгээр сарын 20-ны өдөр зэвсэгтэй сурагчид халдаж, ангийнхаа 12 хүүхэд болон нэг багшийн амийг хөнөөж байжээ.

Энэ долоо хоногийн сүүлээр уг аллага болсны 20 жилийн ой тохиох гэж байна.

Гэтэл энэхүү өдрийг тохиолдуулан аллага үйлдэхээр нэгэн эмэгтэй Колорадо мужид ирсэн гэх мэдээллийн дагуу цагдаа нар Колумбайн дунд сургууль болон Денвер орчмын 20 гаруй сургуулийг түр хааж, хамгаалалтад авжээ.

18 настай Сол Пэйз гэгч эмэгтэй Даваа гарагийн шөнө Колорадод ирээд сургууль руу сүрдүүлэг илгээсэн тухай Холбооны Мөрдөх Товчоо мэдээлсэн байна.

Сүрдүүлэг ямар агуулгатай байсан, эмэгтэйг хаанаас ирсэн тухай дэлгэрэнгүй мэдээлэл өгөөгүй байна.

Уг эмэгтэй хамгийн сүүлд Денверийн баруун талд орших уулын бэлд харагдсан гэнэ. Зэвсэглэсэн, онц аюултай этгээд тул тааралдвал уулзахгүй, хол байхыг иргэдэд анхааруулжээ.

Эмэгтэйг эрэн сурвалжлах ажил үргэлжилж байна.

Эх сурвалж: Associated Press

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...