Дэлхий дахинд

Жэймс Бондын ээлжит кинонд “Фрэдди Меркури” сөрөг дүр бүтээхээр болжээ

Нийтэлсэн

6 жил өмнө

2019-04-26

Нийтэлч

Домогт тагнуулч Жэймс Бондын тухай 25 дахь киног бүтээх ажил өчигдөр Ямайкад нээлтээ хийжээ.

Нэрийг нь хараахан өгөөгүй байгаа уг бүтээлд жүжигчин Даниэл Крэйг тав дахь удаагаа, бас сүүлчийн удаа Жэймс Бондын дүрийг бүтээх юм. Өөр нэг сонирхолтой мэдээлэл нь уг киноны гол сөрөг дүрд “Bohemian Rhapsody” кинонд рок од Фрэдди Меркуригийн дүрийг бүтээж, Оскарын шагнал хүртсэн жүжигчин Рами Малек тоглохоор болжээ.

Тэрээр шинэ технологиор бүтээсэн аюултай зэвсэг бүхий дайсны дүрийг бүтээх гэнэ. Малек уран бүтээлийн ажилтай байснаас өчигдрийн нээлтэд оролцож чадаагүй байна.

Гэхдээ тэр видео мэндчилгээг Жэймс Бондын уран бүтээлчдэд илгээж, хамтран ажиллах болсондоо баяртай байгааг илэрхийлжээ. “25 дахь кино нь ноён Бондын хувьд амаргүй байх болно гэдгийг би амлаж байна” гэж Малек мэндчилгээндээ хошигносон байна.

Тэтгэвэртээ гарч, Ямайка аралд тайван амьдрал хөөж байсан Бондоос хуучин найз Фэликс Лэйтер тусламж гуйснаар үйл явдал өрнөхийг киноны албан ёсны тайлбарт өгүүлжээ.

007 дугаартай алдарт тагнуулчийн тухай 25 дахь уран бүтээл ирэх оны дөрөвдүгээр сард нээлтээ хийнэ.

Эх сурвалж: BBC

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...