Дэлхий дахинд

Хулгайгаар нүүрс тээвэрлэдэг Умард Солонгосын хөлгийг АНУ хураан авжээ

Нийтэлсэн

6 жил өмнө

2019-05-10

Нийтэлч

Олон улсын эдийн засгийн хоригийг зөрчиж, гадаадын зах зээлд нүүрс хулгайгаар гаргадаг байсан Умард Солонгосын тэнгисийн ачааны хөлгийг хураан авснаа АНУ-ын засгийн газар өчигдөр мэдээлжээ.

Америкийн тал анх удаа Умард Солонгосын хөлгийг олон улсын хориг зөрчсөн шалтгаанаар хураасан нь энэ юм.

Умард Солонгосын хоёр дахь хамгийн том ачааны хөлөг анх 2018 оны дөрөвдүгээр сард Индонез рүү зорчиж явах замдаа саатуулагдсан байна. Харин одоо уг хөлгийг Индонез улсаас Америкийн харьяа Самоа арлууд руу шилжүүлж байгааг АНУ-ын хууль зүйн яам өчигдөр мэдээлжээ.

Энэ мэдэгдлээс хэдхэн цагийн өмнө Пёньяны дэглэм зүүн тэнгисийнхээ усанд ойрын тусгалын пуужин харваж, туршсан тухай Өмнөд Солонгосын тал мэдээлсэн юм.

Сүүлийн тав хоногийн дотор Умард Солонгос хоёр дахь удаагаа зэвсэг туршсан нь энэ ажээ. 177 метр урт, “Wise honest” гэх нэртэй энэхүү ачааны хөлөг Хятад, Орос зэрэг улсуудын боомт руу нүүрс тээвэрлэдэг байсныг тогтоосон байна.

Нүүрсээ буулгаад буцахдаа хүнд машин механизм тээвэрлэдэг байжээ. Хөлгийг Умард Солонгосын армийн хяналтад байдаг ачаа тээврийн байгууллага эзэмшдэг. Хөлгийг хурааж авсан явдал сүүлийн саруудад эрчимтэй муудаж байгаа хоёр орны харилцааг улам доройтуулах нь гарцаагүй болоод байна. Хэрвээ шүүх хориг зөрчсөнийг нь тогтоовол уг хөлөг АНУ-ын өмч болох юм.

Хөлгийн ахмадыг Индонезийн усан хилийг хууль бусаар зөрчсөн шалтгаанаар ялласан гэдэг. Харин хөлгийн багийн үлдсэн 20 орчим гишүүний хувь заяа тодорхойгүй байгаа юм.

Эх сурвалж: Associated Press

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...