Дэлхий дахинд

Дэлхийг интернэтээр бүрхэх зорилготой Илон Маск эхний 60 хиймэл дагуулаа хөөргөх гэж байна

Нийтэлсэн

6 жил өмнө

2019-05-13

Нийтэлч

SpaceX, Тесла компаниудын үүсгэн байгуулагч Илон Маск дэлхийн өнцөг булан бүрт өндөр хурдтай интернэтийг хиймэл дагуулаар хүргэх төсөл эхлүүлээд байгаа билээ.

Төлөвлөгөө ёсоор дэлхийг тойроод 12,000 орчим хиймэл дагуул ажиллах ёстой. Тэгвэл эдгээрийн эхний 60 хиймэл дагуулыг ирэх Лхагва гарагийн шөнө хөөргөх гэж байгаагаа Маск өнгөрсөн Бямба гарагт твиттер хуудсаараа зарлажээ.

Тэрээр SpaceX компанийн 70 метр урт Falcon 9 пуужинд зай завсаргүй ачсан хиймэл дагуулуудын зургийг энэ үеэр үзүүлсэн байна.

2015 онд анх ярьж эхэлсэн Starlink төсөл нь дэлхийн бөмбөрцгийг интернэтийн сүлжээнд бүрэн холбох зорилготой. Хиймэл дагуулаар холбогдох интернэтийн хурд нь өнөөдрийн дунджаас 40 дахин өндөр байна гэж тооцож байна. Хүн төрөлхтөн дэлхийн бөмбөрцгийн аль цэгт байгаагаасаа үл хамааран ийм өндөр хурдтай интернэт ашиглах юм.

Амазоны Жэф Безос мөн ийм зорилготой Project Kuiper төслийг эхлүүлээд байгаа. Тиймээс өрсөлдөөн ширүүн болж, үнэ өртөг нь хямд байх ирээдүй харагдаж байна.

Маскын төсөл амжилттай хэрэгжвэл 2020 он гэхэд интернэтийн сүлжээ нь дэлхийн зарим бүс нутагт ажиллаж эхлэх юм. SpaceX компани 2020 онд 120 метр урт, 150 тонн даацтай, дахин ашиглагдах Starship аварга пуужинг ашиглаж эхлэх төлөвлөгөөтэй байгаа. Хэрвээ энэ төлөвлөгөө хэрэгжвэл илүү олон хиймэл дагуулыг нэг дор тойрог замд хүргэх боломжтой болно.

Эх сурвалж: Tech Insider

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...