Дэлхий дахинд

Амьд үлдэхийн тулд хөлөө эвхдэг хутгаар тайрсан Америк фермер

Нийтэлсэн

6 жил өмнө

2019-05-16

Нийтэлч

АНУ-ын Небраска мужийн фермер, 63 настай Курт Кэйсер амьд үлдэхийн тулд эвхдэг хутгаар өөрийн нэг хөлийг тайрсан аймшигтай хэрэг саяхан гарсан байна.

Өнгөрсөн сард тэрээр ферм дээрээ ганцаар ажиллаж байхдаа үр тариаг нөөцийн сав руу сорж, оруулдаг машины амсар дээр нэг хөлөө санамсаргүй тавьсан аж.

Хүчтэй машин хөлийг нь ахиулан сорсоор амьд үлдэх найдвар тасрах үед Кэйсер түргэн шийдвэр гаргаж, халаасандаа байсан эвхдэг хутгаар хөлөө тайрчээ.

Үхлийн аюулаас мултарсан фермер гэртээ мөлхөж ороод утсаар тусламж дуудсанаар эмнэлэгт хүргэгдсэн байна.

Эмнэлэгт долоо хоног хэвтэж эмчлүүлснийхээ дараа Кэйсер өнгөрсөн Баасан гарагт гэртээ харьсныг орон нутгийн хэвлэлүүд мэдээлжээ. Одоо тэр хиймэл хөл хийлгэж, дахин явдаг болно гэдэгтээ итгэлтэй байгаа гэнэ.

“Би ажилдаа улайрч яарснаас болоод анхаарал болгоомж алдсан байсан” хэмээн ярьсан Кэйсер өөрт нь тохиолдсон явдал бусад фермерүүдэд сургамж болно гэдэгт найдаж байгаагаа илэрхийлжээ.

Сошиал сүлжээний хэрэглэгчид энэ түүхийг 2010 онд дэлгэцэнд гарсан Дэни Бойлын “127 цаг” киноны үйл явдалтай харьцуулан хэлэлцэж байна.

Хаданд хавчуулагдаж тав хоносны дараа нэг гараа тайрч, амьд гарсан аялагч Арон Рэлстоны бодит түүхээр бүтээсэн уг киноны гол дүрд жүжигчин Жэймс Франко тоглосон юм.

Эх сурвалж: AFP

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...