Дэлхий дахинд

Путин санал хураалт явуулахыг зөвлөсний дараа Екатеринбургийн мөргөлдөөн завсарлажээ

Нийтэлсэн

6 жил өмнө

2019-05-17

Нийтэлч

ОХУ-ын дөрөв дэх том хот Екатеринбургт сүм байгуулахын эсрэг мянга мянган иргэн Даваа гарагаас эхлэн тэмцэж байгаа юм.

Хотын захиргаа 1930-аад оны үед коммунистуудын нураасан Гэгээн Катериний сүмийг дахин босгох ажлыг саяхан эхлүүлээд байв. Ингэхдээ хотын төвийн ногоон байгууламжийн газар дээр байгуулахаар болсон нь иргэдийн эсэргүүцэлтэй тулгарсан юм. Хотод хангалттай олон сүм байхад цөөн үлдсэн ногоон байгууламжуудын нэгийг сүйтгэхийг тэд эсэргүүцэж байв.

Өнгөрсөн дөрөв хоногийн хугацаанд иргэд барилгын хашааг буулгаж, цагдаа нартай мөргөлдсөний улмаас гурван хүн бэртэж, 23 хүн баривчлагдаад байгаа.

Тэгвэл өчигдөр ОХУ-ын ерөнхийлөгч Владимир Путин хотын захиргаа, иргэдийн хооронд гарсан зөрчлийг шийдвэрлэх санал гаргасан байна. Тэрээр иргэдийн дунд санал хураалт явуулж, олонхын саналаар эцсийн шийдвэр гаргахыг зөвлөжээ. Үүний дараа хотын захиргаа сүмийн барилгын ажлыг зогсоож, иргэд ч тэмцлээ завсарласан байна.

“Санал хураалтын дараа олонхоо цөөнх нь дагах энгийн шийдлийг би зөвлөж байна. Ардчилал ингэж л хэрэгждэг. Мэдээж цөөнхийн дуу хоолойг ч гэсэн сонсох нь зөв” гэж Путин сэтгүүлчидтэй уулзахдаа ярьжээ.

Путиний мэдэгдлийн дараа Екатеринбург хотын дарга Александр Высокинский тэмцэгч иргэдтэй очиж уулзахдаа санал хураалтаар асуудлыг шийдэж, үр дүнг гарах хүртэл барилгын ажлыг зогсоох болсноо мэдэгдсэн байна.

Шинэ сүмийг 2023 онд Екатеринбург хот байгуулагдсаны 300 жилийн ойн үеэр нээх төлөвлөгөөтэй байгаа юм.

Эх сурвалж: Russia Today

Сэдвүүд:онцлох

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...