Дэлхий дахинд

Хятадад суугаа АНУ-ын Элчин сайдад Төвдөд нэвтрэх ховор боломж олджээ

Нийтэлсэн

6 жил өмнө

2019-05-20

Нийтэлч

Өрнөдийн иргэдэд хаалттай байдаг Төвдийн өөртөө засах оронд нэвтрэх эрхийг Бээжинд суугаа АНУ-ын Элчин сайдад олгосныг өнөөдөр мэдээлжээ. Элчин сайд Тэрри Брэнстэд өнгөрсөн Ням гарагаас эхлэн Бямба гарагийг хүртэл Циньхай муж болон Төвдийн өөртөө засах оронд аялахаар явсныг Бээжин дэхь элчин сайдын яам мэдээлсэн байна.

Аялалын зорилго нь шашин шүтэх эрх чөлөө, Төвдийн хэл соёлыг хамгаалах асуудал ямар байдалтай байгаатай газар дээр нь танилцах гэнэ. 2015 оны тавдугаар сард Брэнстэдийн өмнөх Элчин сайд Макс Баукус хамгийн сүүлд Төвдөд хөл тавьж байжээ.

2018 онд Төвдөд зорчих АНУ-ын иргэдийн есөн хүсэлт тутмын тавд нь Хятадын эрх баригчид татгалзсан хариу өгч байсныг төрийн департмент мэдээлсэн байна. Тэдгээрийн дотор тус улсад суугаа АНУ-ын Элчин сайдын хүсэлтэд ч мөн татгалаж байжээ.

Хятадын тал татгалзсан шалтгаанаа Төвдийн газар зүй, цаг уурын онцгой нөхцөл байдалтай холбон тайлбарладаг байна.

Энэ онд Хятадын дэглэмийн эсрэг Төвдөд бослого гарсны 60 жилийн ой тохиож байгаа юм. Уг бослого бүтэлгүйтэж, үр дүнд нь Далай лам Энэтхэгт дүрвэж байв.

2009 оноос хойш Бээжингийн бодлогыг эсэргүүцсэн 150 гаруй хүн Төвдөд өөрийгөө зулын гол болгож шатаасны ихэнх нь амиа алджээ.

Эх сурвалж: AFP

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...