Дэлхий дахинд

АНУ-ын засгийн газар Хуавэйд Android системээс шилжих 90 хоногийн хугацаа өгөв

Нийтэлсэн

6 жил өмнө

2019-05-21

Нийтэлч

Ням гарагт Google компани Хятадын Хуавэй компанид өгсөн Андроид системийнхээ лицензийг цуцалж байгаа тухай мэдээлсэн билээ.

Ингэснээр Хуавэй компанийн гар утаснууд Андроид системийн шинэ хувилбар, системийн засвар сайжруулалтуудыг авах боломжгүй болж, хэрэглэгчид нь Андроидыг дагалдаж ирдэг Play Store, Gmail зэрэг үйлчилгээнүүдийг хэрэглэх боломжгүй болох юм.

Тэгвэл АНУ-ын засгийн газар Даваа гарагт Хуавэй компанид шилжилт хийх 90 хоногийн хугацаа өгсөн байна. Өнөөдрийн байдлаар зах зээлд борлуулагдаж байгаа Хуавэй компанийн гар утаснуудын ажиллагаа хэвийн үргэлжилнэ.

Харин өнөөдрөөс хойш шинээр гарах гар утас, төхөөрөмжүүдэд нь Google компани Андроид системээ ашиглуулахгүй болжээ. Хуавэй компани наймдугаар сарын 19-нөөс өмнө амжиж гар утаснуудынхаа үйлчилгээг тасалдуулахгүй байх арга хэмжээ авах ёстой болж байна.

Өөрөөр хэлбэл энэ өдрөөс эхлэн Хуавэйн шинэ, хуучин бүх гар утаснуудад суусан Андроид системийн засвар, шинэчлэл, үйлчилгээнүүдийг Google компани биш, Хуавэй өөрөө хариуцна.

Наймдугаар сарын 19-нөөс хойш Хуавэй нэг бол өөрийн хөгжүүлсэн үйлдлийн систем рүү бүх гар утаснуудаа шилжүүлнэ, эсвэл Андроидын нээлттэй эхийг ашигласан өөрийн хувилбарыг нэвтрүүлнэ гэсэн үг.

Мөн энэ өдрөөс хойш Хуавэйн хэрэглэгчид Google-ийн Play Store, Gmail зэрэг үйлчилгээнүүдийг ашиглах боломжгүй болж, оронд нь Хуавэй компаниас гаргасан ижил төстэй үйлчилгээнүүдийг авах ажээ.

Эх сурвалж: Business Insider

Сэдвүүд:HUAWEI АНУ онцлох

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...