Дэлхий дахинд

Энэтхэг эмэгтэй автомашинаа үхрийн баасаар шавжээ

Нийтэлсэн

6 жил өмнө

2019-05-22

Нийтэлч

Тоёота үйлдвэрийн суудлын автомашиныг үхрийн баасаар битүү шавсан байгаа зураг Энэтхэгийн сошиал сүлжээнд өргөн тархжээ.

Тус улсын баруун бүсийн Ахмедабад хотын оршин суугч эмэгтэй агаарын хэт халалтаас хамгаалахын тулд ийм арга бодож олсон байна. Тус хотод сүүлийн өдрүүдэд агаарын температур Цельсийн 45 хэмийг даваад байгаа юм.

Энэтхэгийн зарим бүс нутгуудад агаар хэт халж буй тул эрх баригчид хүмүүсийг өдрийн 10:30-аас 15:00 цагийн хооронд гадагшаа гарахгүй байхыг зөвлөжээ.

Энэтхэгийн хиндү шашинтнуудын дунд ариун амьтанд тооцогддог үхрийн баасыг тусгаарлах чадвар сайтай гэж үздэг. Энэтхэгчүүд байр сууцныхаа хана, шалыг үхрийн баасаар шавснаар хүйтэнд дулаан, халуунд сэрүүн байдаг гэнэ. Үүнээс гадна үхрээс гардаг бусад түүхий эдийн ач холбогдлын талаар янз бүрийн ойлголт Энэтхэгт байдаг.

Өнгөрсөн сард болсон парламентын сонгуульд эрх баригч намаас өрсөлдсөн улс төрч Прагя Сингх Тхакур саяхан өөрийн хорт хавдрыг үхрийн шээс ууж эдгээсэн тухай ярьжээ.

Гэхдээ тус улсын томоохон эмч эрдэмтэд түүний эмчилгээний арга шинжлэх ухаанаар батлагдаагүйг анхааруулсан байна. Уттар Прадеш мужийн захиргаа мужийнхаа долоон дүүрэгт 1,000 хүртэл тооны үхэртэй үхрийн шээсээр эрүүл мэндийн ундаа үйлдвэрлэх үйлдвэр нээх төлөвлөгөө боловсруулсныг саяхан бас хэлэлцэж байв.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...