Дэлхий дахинд

Хүн амины хэрэгт холбогдсон Оросын улс төрчийг парламентын гишүүнээс чөлөөлөв

Нийтэлсэн

6 жил өмнө

2019-05-23

Нийтэлч

Өчигдөр ОХУ-ын Холбооны Зөвлөлийн бүх 153 гишүүний саналаар Рауф Арашуковыг парламентын гишүүнээс чөлөөлөх шийдвэр гаргажээ.

Түүнийг хуулинд заасан хугацаанд буюу дөрөвдүгээр сарын 1-ний дотор хөрөнгө орлогын мэдүүлгээ өгөөгүй шалтгаанаар хууль тогтоох байгууллагаас хөөсөн байна.

Одоо 32 настай Арашуков нь хүн амины хэрэгт холбогдож, нэгдүгээр сарын 30-нд болсон Холбооны Зөвлөлийн чуулганаар халдашгүй эрхээ цуцлуулж байсан юм. Шийдвэр гармагц чуулганы танхимд Арашуковыг баривчлах ажиллагаа явагдаж байжээ.

Түүнийг Умард Кавказын Карачай-Черкес мужид 2010 онд хоёр удаа захиалгаар хүний амь хөнөөлгөсөн хэрэгт холбогдуулан шалгаж байгаа юм.

Үүнээс гадна орон нутгийн гэмт хэргийн бүлэгтэй холбоотой гэгдэж байгаа Арашуков бүх насаар хоригдох ял сонсох төлөвтэй байна.

Түүний эцэг Раул Арашуков нь Карачай Черкесийн хууль тогтоох байгууллагын гишүүн, Газпром компанийн орон нутаг дахь салбарын зөвлөхөөр ажилладаг. Түүнийг бас хэд хэдэн гэмт хэрэгт холбогдуулан нэгдүгээр сард баривчилсан юм.

Эх сурвалж: ТАСС

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...