Дэлхий дахинд

Хуавэй компани гар утсандаа microSD карт ашиглах эрхгүй боллоо

Нийтэлсэн

6 жил өмнө

2019-05-25

Нийтэлч

Хятадын Хуавэй компанийн эсрэг тавьсан АНУ-ын засгийн газрын хориг улам өргөжиж байна. Хоригийн дагуу тус компани SD Association байгууллагын гишүүн байх эрхгүй болжээ.

Уг байгууллага нь SD, microSD санах ойн картнуудын стандартыг тогтоогч юм. Ингэснээр Хуавэй цаашид үйлдвэрлэх гар утас, зөөврийн компьютертаа SD, microSD картны стандартыг ашиглах боломжгүй болж байна.

Одоо хэрэглэгчдийн гар дээр ашиглагдаж байгаа болон нэгэнт үйлдвэрлэгдсэн бүтээгдэхүүнүүдэд SD, microSD картнууд хэвээр ажиллах юм. Харин Хуавэй компаниас гаргах шинэ төхөөрөмжүүдэд ийм стандартын карт ашиглах боломжгүй байх ажээ.

Дараагийн ээлжинд утасгүй сүлжээний стандартыг тогтоодог Wi-Fi Alliance

байгууллага мөн АНУ-ын хоригийн дагуу Хуавэйн гишүүнчлэлийг түдгэлзүүлэх төлөвтэй байна.

Гэхдээ Андроидын хоригтой харьцуулахад SD картны хориг Хуавэйн хувьд харьцангуй жижиг асуудал гэгдэж байгаа ажээ. Учир нь тус компани microSD картнаас овор хэмжээ багатай, өөрийн бий болгосон Nano Memory (NM) карттай бөгөөд сүүлийн үеийн зарим бүтээгдэхүүндээ нэвтрүүлээд байгаа юм.

Эх сурвалж: The Verge

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...