Дэлхий дахинд

Малайз улс ганцхан эм хирстэй үлдлээ

Нийтэлсэн

5 жил өмнө

2019-05-28

Нийтэлч

Суматрын хирс гэгддэг ховор төрөл зүйлийн амьтны Малайз дахь сүүлчийн эрэгчин үхснийг өчигдөр тус улсын байгаль хамгаалагчид мэдээлжээ.

Ингэснээр тус улсад ганцхан эм хирс үлдэж байна.

Там нэртэй уг хирсний дотор эрхтэн өвчлөөд удаж байсан юм. Суматрын хирс нь энэ төрлийн амьтад дотроос хамгийн жижиг нь бөгөөд нас биед хүрэхдээ 130 см орчим өндөртэй болдог.

Ази тивд амьдардаг хос эвэртэй цорын ганц төрөл зүйл болох Суматрын хирс нь үсэрхэг биетэйгээрээ онцлог юм. Энэ төрлийн хирс нь Индонез, Малайзын зарим хэсэг, Тайландын өмнөд хэсэгт цөөн тоогоор амьдардаг.

Одоогоор дэлхий даяар нийт 80 орчим Суматрын хирс үлдсэн тухай Олон Улсын Хирсний Сан мэдээлжээ.

Там хирсийг үржүүлэх зорилгоор Малайзын засгийн газар тусгай хамгаалалттай газарт хоёр эмэгчинтэй нутагшуулсан байна. Харамсалтай нь хоёр эм хирс хээлтэх чадваргүй нь батлагдсан юм.

Одоо хоёр эм хирснээс Иман нэртэй нэг нь үлдээд байна. Малайзын засгийн газар өөрийн байгальд амьдардаг Суматрын хирсийг устахаас аврахын тулд зохиомлоор үр тогтоох технологийн судалгаанд хөрөнгө зарцуулсан ч үр дүн муутай байна.

Дэлхий даяар хирсний төрөл зүйлүүд устахын ирмэгт хүрээд байгаа. Баруун Африкийн хар хирс бүрэн устаж үгүй болсныг 2013 онд зарласан байдаг. Өнгөрсөн онд Африкийн цагаан хирсний сүүлчийн эрэгчин үхснээр мөн устах аюул нүүрлээд байна.

Эх сурвалж: CNN

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...