Нийгэм

Өнөөдөр болох үйл явдал: Төсвийн зардлын тойм судалгааг танилцуулна

Нийтэлсэн

6 жил өмнө

2019-06-24

Нийтэлч

09.00 цагт “Асаргааны хэрэгцээ ба шийдэл” хэлэлцүүлэг Кемпински Хаан Палас зочид буудалд эхэлнэ.Ахмад настан, хөгжлийн бэрхшээлтэй иргэд, нөхөн сэргээх эмчилгээ хийлгэх шаардлагатай байгаа хүмүүст зориулсан асаргааны чанар, хүртээмжийг хэрхэн нэмэгдүүлэх талаар оролцогч талууд хэлэлцэх юм.

09.30 цагт Монгол Улсад албан ёсны айлчлал хийж байгаа Швейцарийн Холбооны Улсын Үндэсний Зөвлөлийн дарга, хатагтай Марина Кароббио Гүшэтти тэргүүтэй төлөөлөгчдийг угтах ёслол Сүхбаатарын талбайд болно.

10.30 цагт НМХГ-аас зөрчилтэй барилга, ухсан нүх, хөдөлмөрийн аюулгүй ажиллагаа алдагдсаны улмаас гарсан зөрчлийн талаар мэдээлэл хийнэ.

11.00 цагт Дэлхийн Банкнаас гаргаж буй Төсвийн зардлын тойм судалгааг танилцуулах хэвлэлийн бага хурал Дэлхийн банкны байранд болно.Энэ удаагийн тайлан нь “ӨРИЙН ДАРАМТГҮЙ, ТОГТВОРТОЙ БӨГӨӨД ХҮРТЭЭМЖТЭЙ ЭДИЙН ЗАСГИЙН ӨСӨЛТИЙГ БИЙ БОЛГОХ НЬ” нэртэйгээр гарч байна.Төсвийн орлого, зардлын сүүлийн үеийн чиг хандлагад дүн шинжилгээ хийх зорилготой уг судалгаагаар улс орны урт хугацааны хөгжил, ядуурлын эсрэг тэмцэлд амин чухал үүрэгтэй боловсрол, эрүүл мэнд зэрэг гол салбаруудын зарлагын тусгай шаардлага, хэрэгцээг мөн судалжээ.

-Авлигатай тэмцэх газрын дэргэдэх Олон нийтийн зөвлөлөөс “Албан тушаалын гэмт хэрэгтэй тэмцэхэд сэтгүүлчдийн оролцоо, эрч хүч сэдвээр” нээлттэй уулзалт зохион байгуулна.

11.30 цагт Шүүхийн шинэчлэлийн талаар болон дээд шүүхийн шүүгч нарыг огцруулах тухай баримтыг дэлгэж “Иргэний хөдөлгөөн, ТББ”-уудаас мэдээлэл хийнэ.

Сэдвүүд:

Дэлгэрэнгүй ...

Сэтгэгдэл үлдээх

Нийгэм

“Олимпын боловсрол ба бие бялдрын хүмүүжил” аянд 12,821 сурагч хамрагдлаа

Нийтэлсэн

34 минут өмнө

2025-05-02

Нийтэлч

24barimt

Биеийн тамир, спортын улсын хороо, МҮОХ, Монголын үндэсний академи хамран “Олимпын боловсрол ба бие бялдрын хүмүүжил” сэдэвт зорилтот аяныг улс даяар байгуулж, өнөөдөр дүнг танилцууллаа. Арга хэмжээнд БТСУХ-ны Төрийн захиргааны удирдлагын газрын дарга О.Баттулга, МҮОХ-ны тэргүүн дэд ерөнхийлөгч Ч.Наранбаатар, Спортын төв сургуулийн захирал Ч.Зоригтбаатар болон аянд оролцсон сургуулийн удирдлага, багш нар оролцов.

Аяны хүрээнд 10 дугаар ангийн 80 сурагчдын дунд онолын болон бие бялдрын сорилын хэлбэрээр уралдаан зохион явуулахад 69 дүгээр сургууль тэргүүлж, “Эрдмийн ундраа”, 67 дугаар сургууль удаалжээ.

Түүнчлэн багш, дасгалжуулагчдын дунд сурган хүмүүжүүлэх илтгэл, Монгол бичгийн уралдаан зохион байгуулсан ба Монгол бичгийн уралдаанд Эрдмийн хөтөч сургуулийн биеийн тамирын багш О.Анхзаяа түрүүлж, сурган хүмүүжүүлэх илтгэлийн уралдаанд Налайх дүүргийн 109 дүгээр сургуулийн биеийн тамирын багш Б.Цэрэннадмид тэргүүн байр эзэлсэн байна.

“Боловсрол-Бие бялдрын хүмүүжил-Олимпизм” аяны хүрээнд кросс гүйлтийн УАШТ-нд 20 багийн 300 орчим тамирчин өрсөлдөхөд Дархан-Уул аймгийн 4 дүгээр сургууль тэргүүлсэн бол багийн дүнгээр Дархан-Уул аймгийн 4 дүгээр сургууль түрүүлж, 122 дугаар сургууль, Өмнөговь аймгийн 4 дүгээр сургууль удаах байр оржээ.

“Боловсрол-бие бялдрын хүмүүжил-Олимпизм” аянд 10 сургуулийн нийн 12,821 сургач хамрагдсан нь үр дүнтэй ажил болохыг оролцоч талууд өгүүлж байна. Мөн хамрагдсан сургууль бүр Олимпын танхимаа шинэчлэн засварлаж, урлаг спортын олон арга хэмжээг зохион байгуулсан нь онцлог ажил юм.

Дэлгэрэнгүй ...

Нийгэм

Хангайн уулархаг нутаг болон говийн бүс нутгаар бороо, нойтон цас орно

Нийтэлсэн

51 минут өмнө

2025-05-02

Нийтэлч

24barimt

2025 оны 05 дугаар сарын 02-ноос 05 дугаар сарын 11-нийг хүртэлх

10 хоногийн цаг агаарын урьдчилсан төлөв

Тавдугаар сарын 04, 06-нд Хангайн уулархаг нутаг болон говийн бүс нутгаар бороо, нойтон цас орно.

Хур тунадас: Тавдугаар сарын 02-нд Хангайн уулархаг нутаг болон говийн бүс нутгийн өмнөд хэсгээр, 03-нд баруун аймгуудын нутгийн зарим газраар, 04-нд баруун аймгуудын нутгийн зүүн хэсэг, төвийн аймгуудын ихэнх нутаг, говийн аймгуудын нутгийн зарим газраар, 05-нд төв болон говийн аймгуудын нутгийн зарим газраар, 06-нд баруун аймгуудын нутгийн зарим газар, төвийн аймгуудын нутгийн баруун хэсгээр, 07-нд Хангайн уулархаг нутаг болон говийн бүс нутгаар, 08-нд Хангайн нурууны өмнөд хэсгээр бороо, нойтон цас орно.

Салхи: Тавдугаар сарын 03-нд Алтайн салбар уулс болон Арц Богдын өвөр хоолойгоор, 04-нд нутгийн зарим газраар, 06-нд Алтайн салбар уулсаар, 07-нд нутгийн өмнөд хэсгээр секундэд 7-12, зарим үед секундэд 15-17 метр хүрч, шороон шуурга шуурна.

Агаарын температур: Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс голын хөндийгөөр шөнөдөө 4-9 хэм хүйтэн, өдөртөө 5-10 хэм, говийн бүс нутгийн өмнөд хэсгээр шөнөдөө 3-8 хэм, өдөртөө 17-22 хэм дулаан, бусад нутгаар шөнөдөө 2 хэм хүйтнээс 3 хэм дулаан, өдөртөө 10-15 хэм дулаан байна.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: Тавдугаар сарын 04-нд оройдоо бага зэргийн бороо орно. Бусад хугацаанд хур тунадас орохгүй.

Салхи: Ихэнх хугацаанд секундэд 6-11 метр, 04-нд баруун өмнөөс хойш эргэж секундэд 12-14 метр хүрч, шороон шуурга шуурна.

Агаарын температур: Шөнөдөө Яармаг-Сонгины орчмоор 1-6 хэм хүйтэн, бусад хэсгээр 2 хэм хүйтнээс 3 хэм дулаан, өдөртөө 10-15 хэм дулаан байна

Дэлгэрэнгүй ...

Нийгэм

“Зээлийн апплейкешны эрх нэмэгдүүлж өгнө” гэж бусдыг залилжээ

Нийтэлсэн

3 цаг өмнө

2025-05-02

Нийтэлч

24barimt

Иргэн Б.П нь фэйсбүүк цахим орчинд “Nary Narut, Shimer shimka, Suki Nay, Anujin, Marlaa Marlaa, kimmyya InkIop” гэх нэртэй хуурамч хаяг нээн, түүнийгээ ашиглаж, “Токи.мн, Ленд.мнь Hipay” зэрэг зээлийн аппликейшны эрх нэмэгдүүлнэ” гэх зар оруулж хэрэглэгчийн нэвтрэх нэр, нууц үгийг хууль бусаар авч тухайн мэдээллээр иргэдийн цахим мэдээллийн сүлжээнд зөвшөөрөлгүйгээр нэвтэрч, олон удаагийн үйлдлээр зээл авч залилах, хулгайлах гэмт хэргийг үйлдэн их хэмжээний ашиг олж, амьдралын эх үүсвэрээ болгосон хэргийг илрүүлж, мөрдөн шалгах ажиллагааг үргэлжлүүлж байна.

Шалгалтын явцад гэмт этгээдүүд нь тухайн үйлдлийн аргыг ашиглаж, олон иргэдийг хохироосон байж болзошгүй нөхцөл байдал тогтоогдож байгаа тул дээрх нэр бүхий цахим фэйсбүүк хаягтай холбогдон зээлийн аппликейшны эрхээ нэмэгдүүлэх гэж хувийн мэдээллээ өгч, залилах гэмт хэргийн хохирогч болсон иргэд цагдаагийн байгууллагын 8822-2255 дугаарт холбогдохыг зөвлөлөө.

Хувийн мэдээллээ алдах нь цахим гэмт хэргийн хохирогч болох гол шалтгаан болж таныг санхүүгийн эрсдэлд оруулах аюул дагуулдаг гэдгийг ямагт анхаарч, таатай санал бүхий мэдээллүүдэд хянуур байж, дээр дурдагдсан эрсдэлээс урьдчилан сэргийлэхийг анхааруулж байна.