Нийгэм
Хамтран ажиллах санамж бичиг байгууллаа

Нийслэлийн Хөдөлмөр эрхлэлтийн газар нь Самушил HR хувийн хөдөлмөрийн биржтэй хөдөлмөр эрхлэлтийн нийтлэг үйлчилгээ болон хөдөлмөр эрхлэлтийг дэмжих ажил үйлчилгээг хэрэгжүүлэхэд хамтран ажиллах, мэдээлэл солилцох, шинэ технологи нэвтрүүлэх, төр хувийн хэвшлийн түншлэлийг сайжруулах зорилгоор хамтран ажиллах санамж бичигт гарын үсэг зурлаа.
Санамж бичгийн хүрээнд нийслэлийн иргэдэд хөдөлмөр эрхлэлтийн үйлчилгээг хүртээмжтэй хүргэх үр дүнтэй арга хэлбэр, сайн туршлага, үйл ажиллагааны талаарх мэдээ мэдээлэл солилцох, тодорхой арга хэмжээнүүдийг хэрэгжүүлэх, Хөдөлмөр эрхлэлтийн чиглэлээр нийслэлийн хэмжээнд баримталж буй бодлого шийдвэр болон хөтөлбөрүүдийг хамтран зохион байгуулах зэрэг үйл ажиллагааг хэрэгжүүлнэ.

Нийгэм
Онлайн худалдаа хийх нэрийдлээр иргэдийг залилж байна

Онлайн худалдаа өргөжиж байгаа энэ үед иргэдийн эрэлт хэрэгцээнд тулгуурлан залилан мэхлэх тохиолдол цөөнгүй бүртгэгдэж байна. Тодруулбал, Иргэд фэйсбүүк сүлжээгээр дамжуулан онлайн дэлгүүрээр бараа бүтээгдэхүүн худалдан авахдаа төлбөрөө бүрэн шилжүүлснээр тухайн гэмт хэргийн хохирогч болсоор байна.
Тодруулбал өнгөрсөн 1 хоногийн хугацаанд цагдаагийн байгууллагад энэ төрлийн гомдол мэдээлэл 12 бүртгэгдсэн.
Дархан-Уул аймгийн нутаг дэвсгэрт онлайн шопоос бараа материал худалдаж авахаар 700,000 төгрөг шилжүүлээд залилуулсан, Сонгинохайрхан дүүргийн нутаг дэвсгэрт онлайн шопоос гутлын тавиур худалдаж авахаар 490,000 төгрөг шилжүүлж залилуулсан мөн олон нийтийн цахим сүлжээ болох фейсбүүкээр хөргөлтийн контенер худалдаж авахаар 2.400.000 төгрөгийг шилжүүлж залилуулсан гэх гомдол мэдээллүүдийг бүртгэлд авч, шалгалтын ажиллагааг явуулж байна.
Залилах гэмт хэрэгт өртөж байгаа шалтгаан нөхцөл нь залилагч таны хэрэгцээ шаардлагад тулгуурлаж, танд хамгийн таатай нөхцөл, зах зээлийн үнээс доогуур хямд үнийг санал болгож залилах гэмт хэргийг үйлдэж байгаа тул иргэд та бүхэн цахим орчинд тэр дундаа онлайн дэлгүүрээс бараа бүтээгдэхүүн худалдаж авахдаа төлбөрөө бүрэн шилжүүлэхгүй байх мөн энэ төрлийн залилах гэмт хэргийн арга, төрөл нарийсаж байгаа учир мэдээллээ сайтар нягтлахыг цагдаагийн байгууллагаас сэрэмжлүүлж байна.
Нийгэм
Экстрем спортын талбай байгууллаа

Баянзүрх дүүргийн 10 дугаар хороонд экстрем спортын талбай тохижуулж дууслаа. Тус бүтээн байгуулалтад экстрем спортын талбай, авто синема, задгай тайз, элсний волейбол, хүүхдийн тоглоомын талбай, гэрэлт гудамж, худалдааны гудамж, явган болон дугуйн зам, дугуй түрээсийн талбай, ногоон байгууламж, чийрэгжүүлэлтийн талбай, 3х3 сагсан бөмбөгийн талбай болон болон бусад тохижилтыг хийлээ. Мөн дээрх экстрем спортын талбайд тэшүүрийн хэсгийг байгуулна.
Нийгэм
Нөөцийн махны өргөтгөсөн худалдаа болно

Энэ амралтын өдрүүдэд 9 дүүргийн 32 байршилд нөөцийн махны өргөтгөсөн худалдаа зохион байгуулна. Хонины махыг гулуузаар, 1 кг нь 11800 төгрөгөөр худалдан борлуулна.
-
Нийгэм11 цаг өмнө
Онлайн худалдаа хийх нэрийдлээр иргэдийг залилж байна
-
Нийгэм15 цаг өмнө
Жендэрт суурилсан хүчирхийлэлтэй тэмцэх төсөлд хамтран ажиллана
-
Нийгэм11 цаг өмнө
Нөөцийн махны өргөтгөсөн худалдаа болно
-
Нийгэм15 цаг өмнө
ОХУ-ын “Эконива” компанийн төлөөлөлтэй уулзлаа
-
Нийгэм17 цаг өмнө
“Магнит Импорт” компанийн хуурай хольцын үйлдвэрийг нүүлгэн шилжүүлнэ
-
Нийгэм15 цаг өмнө
Төрийн албаны шинэчлэлийг эрчимжүүлнэ
-
Нийгэм15 цаг өмнө
Т.Мөнхсайхан: Эмч нарын нэр төр цаашлаад биед халдах байдал газар авч эхэлснийг хуулиар зохицуулдаг болно
-
Нийгэм17 цаг өмнө
ХӨСҮТ: Улаанбурхан өвчний батлагдсан тохиолдол 328 болжээ