Нийгэм

Бүлгийн зохион байгуулалтанд орсон 795 иргэн, 53 га талбайд хүнсний ногоо тариалж байна

Нийтэлсэн

7 жил өмнө

2018-08-01

Нийтэлч

Admin

Нийслэлийн хөдөлмөр эрхлэлтийн газар нь Хөдөлмөр эрхлэлтийн Үндэсний зөвлөлөөс батлагдсан “Ажлын байрыг дэмжих” хөтөлбөрийн хүрээнд бүлгийн зохион байгуулалттайгаар хүнсний ногоо тариалах арга хэмжээг хэрэгжүүлж ажиллаж байна. Хөтөлбөрийн зорилго нь хүнсний ногоо тариалах хүсэлтэй иргэд болон ажил олоход хүндрэлтэй, ажилгүй, хөдөлмөрийн байгууллагад бүртгэлтэй зэрэг иргэдийг хамруулан, ажлын байр бий болгох, сургалтанд хамруулах, орлого нэмэгдүүлэх юм. Арга хэмжээнд шалгарсан бүлэг болоод иргэдийг Нийслэлийн Хөдөлмөр эрхлэлтийн газраас тодорхой төлөвлөгөөний дагуу хүнсний ногоо тариалах арга барилд сурган, иргэдийг бүлгийн зохион байгуулалттайгаар ажиллуулж байна. Арга хэмжээний хүрээнд иргэдийн хураасан ургацыг хамрагдсан иргэдэд олгодог.

Энэ жилийн тухайд тус арга хэмжээнд 795 иргэнийг хамруулан, 53 га талбайд хүнсний ногоо тариалах, ургуулах ажлыг амжилттай хэрэгжүүлж байна. Мөн 42 хүлэмжинд өргөст хэмх, чинжүү, улаал лооль, буйцаа, жижиг салат навч, гэх мэт хүлэмжийн ногоо тариалсан бол сонгино, манжин, лууван, байцаа зэрэг нарийн ногоог ил талбайд тариалан ургуулж байна. Түүнчлэн мэргэжлийн агрономич иргэдэд төмс, хүнсний ногоо тариалах, арчлах технологи, ургамал хамгааллын цогц арга хэмжээ, хог, өвчин, хортон бий болоход хэрхэн тэмцэх, хүнсний ногоогоо хадгалах, даршлах зэрэг аргыг зааж сурган, зөвлөгөө өгч ажиллаж байна. Иргэдийн хувьд амьдрал ахуйгаа дээшлүүлэн, ажилтай орлоготой болох боломжийг олгож буй төсөл хөтөлбөрт хамрагдсандаа баяртай байгаагаа хэлж байлаа. Ялангуяа 40-өөс дээш насныханд ажил олдохгүй, хөдөлмөр эрхлэх боломжоос хязгаарлагдаж байдаг тул энэ нь бидэнд маш том боломж бий болгосон гэдгийг тэд онцолж байсан юм.

Ж. Сүрэнжав Нийслэлийн хөдөлмөр эрхлэлтийн газрын зөвлөх агрономич:

– Би газар тариалангийн салбарт 42 жил, Нийслэлийн хөдөлмөр эрхлэлтийн газарт 2012 оноос хойш ажиллаж байна Арга хэмжээнд хамрагдсан иргэдэд хэрхэн ургац тариалах, яаж арчилж ургуулах вэ гэдэгт анхаарч, зааж сургаж байна. Иргэдийн хувьд сэтгэгдэл өндөртэй. Энэ жил хур бороо ихтэй зуншлага сайхан болж байгаа тул тариалсан төмс бүрэн соёолсон Удахгүй эхний ургац хураалтаа авна гэсэн төлөвлөгөөтэй ажиллаж байна.

Сэдвүүд:Нийслэлийн Хөдөлмөр Эрхлэлтийн Газар

Дэлгэрэнгүй ...

Сэтгэгдэл үлдээх

Нийгэм

АТГ: Иргэн, хуулийн этгээдээс 46 гомдол, мэдээллийг хүлээн авав

Нийтэлсэн

3 минут өмнө

2025-04-03

Нийтэлч

24barimt

Авлигатай тэмцэх газрын Судалгаа шинжилгээний алба нь 2025 оны 03 дугаар сарын 24-28-ны өдрүүдэд иргэн, хуулийн этгээдээс ирүүлсэн 46 өргөдөл, гомдлыг хүлээн авч, харьяалах чиг үүргийн нэгжид хүргүүллээ.

Хүлээн авсан өргөдөл, гомдол, мэдээллийн 63.04 хувь нь гэмт хэргийн шинжтэй байх бөгөөд хүний нөөц, томилгоотой холбоотой гомдол давамгайлж байна. Өнгөрсөн долоо хоногт авлигыг мэдээлэх 110 тусгай дугаараар 108 дуудлага хүлээн авчээ.

Дэлгэрэнгүй ...

Нийгэм

Үндэсний бөхийн тамирчдаас допингийн хяналтын зорилгоор сорьц авч шинжлүүлжээ

Нийтэлсэн

53 минут өмнө

2025-04-03

Нийтэлч

24barimt

Монгол Улсын Засгийн газрын 2022 оны 10 дугаар сарын 19-ний өдрийн 376 дугаар тогтоолоор баталсан Допингийн Эсрэг Үндэсний Дүрмийн дагуу үндэсний бөхийн тамирчдаас допингийн хяналтын зорилгоор тэмцээний болон тэмцээний бус үеийн шинжилгээнд биологийн сорьц цуглуулан авч Дэлхийн Допингийн Эсрэг Агентлагийн итгэмжлэгдсэн ХБНГУ, БНСУ, Швейцарь улсын лабораторт хүргүүлэн шинжлүүлэв.

Допингийн эсрэг үндэсний дүрмийн дагуу Монголын Допингийн Эсрэг Үндэсний Байгууллага нь допингийн шинжилгээний үр дүн, зөрчил, авсан арга хэмжээний талаар олон нийтэд мэдээлэх үүрэгтэй тул мэдээлж байна. Үүнд:

⁃ Шинжилгээний үр дүн

⁃ Допингийн зөрчил гаргасан тамирчин болон холбогдох этгээдийн мэдээлэл

⁃ Илэрсэн хориглосон бодис, хориотой арга

⁃ Тухайн тамирчинд оноосон шийтгэл болон түр түдгэлзүүлэлт хийсэн талаар

Допингийн шинжилгээнд зөрчил илэрсэн тамирчдад дүрмийн дагуу дараах эрхийг ханган ажиллаж байна:

• Лабораторийн шинжилгээний хуудас, А сорьцын баримт бичгийн багцыг нэмэлтээр авах

• В сорьцыг шинжлүүлэх

• Тайлбар өгөх

• Допингийн Эсрэг Үндэсний Дүрмийн хүрээнд хамтран ажиллах нөхцөлийг бүрдүүлэх

Монгол Улсад допингийн эсрэг олон улсын жишигт нийцсэн хяналт, шалгалтыг хэрэгжүүлж, үндэсний бөхийн нэр хүндийг хамгаалах, шударга өрсөлдөөнийг дэмжих бодлогыг баримтлан ажиллаж байна.

Допингийн эсрэг хяналт, үр дүнгийн талаарх мэдээллийг олон нийтэд тухай бүрд нь хүргэн ажиллах болно гэж Монголын Допингийн Эсрэг Үндэсний Байгууллагаас мэдээллээ.

Дэлгэрэнгүй ...

Нийгэм

Барилгын ажил хийх үедээ унаж гэмтжээ

Нийтэлсэн

2 цаг өмнө

2025-04-03

Нийтэлч

24barimt

Урин дулааны улирал эхлэн, барилга бүтээн байгуулалтын ажил эд өрнөж байгаа энэ үед хөдөлмөрийн аюулгүй ажиллагааны дүрэм журмыг баримтлаагүйгээс үүдэн иргэд гэмтэх цаашлаад амь насаа алдах эрсдэл үүсч байна.

Тодруулбал, Баянзүрх дүүргийн цагдаагийн газрын хоёрдугаар хэлтэст барилга дээр засвар хийж байсан хүн уналаа гэх дуудлага мэдээлэл бүртгэгдсэн.

Дуудлага мэдээллийн дагуу шалгалтын ажиллагаа явуулахад 51 настай иргэн Б нь барилгын ажил хийх явцдаа 16 давхраас 13 давхарлуу унаж зүүн далны доод хэсгийг хугалж гэмтээжээ.
Иймээс иргэд та бүхэн барилга байшингийн засвар үйлчилгээ, бүтээн байгуулалтын ажил гүйцэтгэхдээ хөдөлмөрийн аюулгүй ажиллагааг хангаж, дүрэм журмын дагуу ажиллахыг цагдаагийн байгууллагаас сэрэмжлүүлж байна.

Дэлгэрэнгүй ...