Дэлхий дахинд

540 донор COVID-19-ийн эмчилгээнд зориулан цусаа өгчээ

Нийтэлсэн

5 жил өмнө

2020-05-21

Нийтэлч

Москва хотын захиргаанаас мэдээлснээр коронавирусийн халдвар аваад эдгэсэн 540 гаруй донор бусад өвчтөнүүдэд зориулан цусаа өгчээ. Тэдгээр донорын цусыг 300 орчим хүнд байгаа өвчтөнд хэрэглэсэн байна.

COVID-19-ийн халдвар аваад эдгэсэн зарим хүний биед эсрэг биет үүсч байгаа бөгөөд тийм хүний цусны плазмыг өвчтэй хүнд хэрэглэх нь зарим тохиолдолд үр дүнтэй байгаа гэдгийг Москва хотын Эрүүл мэндийн газрын шинжээч хэллээ. Ялангуяа биеийн байдал нь хүнд байгаа хүмүүст цусны плазмаар сэлбэх нь тодорхой үр дүнтэй байгаа юм.

Халдвар аваад эдгэсэн хүмүүс дундаас сайн дураар цусаа өгөх шуурхай утсыг Москва хотод ажиллуулж байна. Ойролцоогоор 1500 хүн цусаа хандивлахаа илэрхийлжээ. Гэхдээ эдгэсэн хүн болгонд эсрэг биет үүсэхгүй, мөн маш цөөн тооны эсрэг биет байгаа хүний цус нь эмчилгээний шаардлага хангахгүй юм. Тиймээс сайн дураараа хүсэлт гаргасан иргэнээс нарийвчилсан шинжилгээ авч цусны донор болж чадах эсэхийг тодруулах хэрэгтэй. Мөн уг хүн ямар нэг суурь өвчингүй, ХДХВ болон М, С вирусийн халдваргүй байх ёстой. 600 миллиграм плазмад 5000 рублийн урамшууллыг олгож байна.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

12 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...