Дэлхий дахинд

ОХУ-ын олимпийн ирээдүй ирэх 11-р сард тодорхой болно

Нийтэлсэн

4 жил өмнө

2020-06-04

Нийтэлч

WADA буюу Дэлхийн допингийн эсрэг агентлаг болон ОХУ-тай холбоотой сонсгол ирэх арваннэгдүгээр сарын 2-5-ны хооронд Щвейцарийн Лозанна хотноо байрладаг CAS буюу Спортын Арбитрын шүүх дээр болох гэж байна.

Дэлхийн допингийн эсрэг агентлагийн зүгээс ОХУ-ын баг тамирчдыг дөрвөн жилийн турш өвөл, зуны олимпийн наадмууд болон бусад спортуудын ДАШТ-үүдэд оролцохыг хориглосон шийдвэр гаргаж, Оросыг тамирчдадаа зохион байгуулалттай сэргээш, допингийн агууламжтай эм бэлдмэлүүдийг хэрэглүүлдэг байсан хэмээн буруутгаж байгаа юм. Мөн Русада буюу Оросын допингийн эсрэг агентлагийг улсынхаа тамирчдын шинжилгээний хариуг өөрчилдөг байсан хэмээн буруутгаж, үйл ажиллагаа явуулах эрхийг нь хассан билээ.

WADA-ийн зүгээс Орост тавьсан хориг арга хэмжээнүүдийг хэвээр нь үлдээхийг хүсч байгаа бол РУСАДА болон ОХУ энэ бүх хориг арга хэмжээг хүчингүй болгохыг хүсч байгаа.

Хэрэв арваннэгдүгээр сард сонсгол төлөвлөсний дагуу явагдах юм бол Токио-2020 олимпийн наадмын нээлт болохоос зургаан сарын өмнө шүүхийн эцсийн шийдвэр гарч магадгүй аж. Гэвч шинэ коронавирусийн улмаас талуудыг шүүх хуралдаанд биечлэн оролцуулах эсэх нь одоогоор тодорхойгүй байна. Өнгөрсөн тавдугаар сард Спортын арбитрын шүүхээс сонсгол зохион байгуулахыг тавдугаар сарын 17-н хүртэл хориглосон бөгөөд цар тахлын улмаас энэхүү хориг үргэлжлэн сунгагдсан ажээ. Мөн түүнчлэн нээлттэй сонсголыг цахим хурлаар дамжуулан зохион байгуулах боломжтой ч гол нь Спортын арбитрын шүүх зөвхөн бичгээр өгсөн мэдүүлэгт үндэслэн шийдвэр гаргах аж.

WADA-ийн зүгээс сонсголыг олон нийтэд нээлттэй явуулахыг хүссэн боловч талууд харилцан тохиролцоогүй тул энэхүү хүсэлтийг нь CAS буцаажээ.

Олон улсын олимпийн хороо, Оросын олимпийн хороо, Оросын нэрээ нууцалсан тамирчид энэхүү хаалттай сонсголд “хөндлөнгийн оролцогч талууд”-ын хувиар оролцоно.

Австралийн шүүгч Марк Л. Виллиамс шүүх бүрэлдэхүүнийг даргалж Италийн Луижи Фумагалли, Ираны Хамид Г. Гарави нар шүүгчээр ажиллана. Спортын арбитрын шүүхийн зүгээс өнгөрөгч хоёдугаар сард тус шүүхийн бүрэлдэхүүнийг “төрөл бүрийн урьдчилсан процедур”-аар хянан томилсон гэнэ.

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

15 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...