Дэлхий дахинд

Ши Жиньпиний айлчлалыг японы Ерөнхий сайд цуцлахыг шаарджээ

Нийтэлсэн

4 жил өмнө

2020-07-08

Нийтэлч

Японы Ерөнхий сайд Абэ Шинзогийн эх барих намаас Мягмар гаригт (2020.7.8) Хятадын даргын айлчлалыг цуцлахыг шаардсан шийдвэр гаргажээ. Хонгконгод аюулгүй байдлыг сахиулах хуулийг Хятадын Засгийн газар баталсныг эсэргүүцэн Ши Жиньпиний Японд хийх айлчлалыг цуцлахыг шаардсан байна. Японы Либерал ардчилсан намын дипломат албаны дарга Ясухидэ Накаяма мэдэгдэхдээ “Эрх чөлөө, хүний эрх, ардчиллын зарчмуудын тухай олон улсаас санаа зовниж буй энэ нөхцөл байдалд бид Ши Жиньпиний айлчлалыг цуцлахыг шаардахаас өөр аргагүй байна” хэмээжээ.

Үүний зэрэгцээ Японы сайд нарын танхимын Ерөнхий нарийн бичгийн дарга Ёшихидэ Суга мэдэгдэхдээ “Ши Жиньпин даргын айлчлалыг товлох нь одоо тохиромжгүй үе. Хараахан шийдвэр эцэслэгдээгүй байна” хэмээсэн байна. Гэхдээ Японы Засгийн газраас хоёр орны төрийн дээд түвшний яриа хэлэлцээгээр дамжуулан одоогийн нөхцөл байдлыг хэлэлцэх нь зүйтэй гэсэн байр суурийг баримталж байгааг Ёшихидэ Суга тодруулжээ. Япон дахь Ши Жиньпиний айлчлал өнгөрсөн хавар товлогдсон ч коронавирусийн халдварт өвчний цар тахлаас болж тодорхойгүй хугацаагаар хойшлогдсон юм.

Хонгконгод аюулгүй байдлыг сахиулах хуулийг баталснаар Хятад нь Коммунист систем болон хуучин Их Британийн колони хотын хоорондох эрх зүйн зохицуулалтыг үгүй хийсэн хамгийн шийдвэртэй алхам хэмээн шүүмжлэгчид дүгнэж буй.

Эх сурвалж: Associated Press

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

19 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...