Энтертайнмент
Шинэ жилээр үзэхэд тохиромжтой кинонууд

Шинэ бүхний эхлэл болсон 2019 онтой удахгүй золгох гэж байна. Бид шинэ жилийн баяраар бүхий л муу муухай зүйлсээ мартаж, гэрэл гэгээтэй, хөгжөөнтэй зүйлс үзэж дор бүрнээ баярлан цэнгэдэг. Тэгвэл доорх кинонууд та бүхний мэдрэмжийг хөглөнө гэдэгт итгэлтэй байна.
34 дүгээр гудамжны гайхамшигт түүх
1947 онд дэлгэцнээ гарч байсан энэхүү кино нь Санта Клаусын талаарх гайхалтай бүтээлүүдийн нэг юм. “34 дүгээр гудамжны гайхамшигт түүх” киног Жорж Сийтон найруулсан бөгөөд Валентин Дэвисын адил нэрт зохиолоос сэдэвлэн бүтээсэн байна. Кинонд жүжигчин Морин О’Хара, Жон Пейн, Натали Вуд болон Эдмунд Гвен нар тоглосон юм. “34 дүгээр гудамжны гайхамшигт түүх” кинонд зул сарын баяр болон жинхэнэ Санта Клаус байдаг гэдэгт итгэдэггүй охины талаар өгүүлдэг.
Гэртээ ганцаараа
Олон олон хүүхдүүдийг өөртөө татаж чадсан адал явдал бүхий тус киног мэдэхгүй хүн үгүй гэхэд хилсдэхгүй болов уу. Хүүхэд гэлтгүй томчуудын хувьд ч шинэ жилийн баяр дөхөх үед сэтгэлд дотно, дурсамж сэргээсэн нэгэн кино санаанд ордог нь “Гэртээ ганцаараа” билээ. Шинэ жилийн баяраар санамсаргүйгээр гэртээ ганцаараа үлдэж хоцорсон сэргэлэн адтай жаалхүүгийн адал явдал олон хүний сэтгэлд хоногшсон юм.
Каролын зул сар
Алдарт зохилч Чарльз Дикенсийн “Каролын зул сар” зохиолоос сэдэвлэн бүтээсэн маш олон кино бүтээл байдгаас 1984 онд гарч байсан “Каролын зул сар” кино нь үзэгчдийн таашаалд ихээхэн нийцсэн юм. Гол дүр болох санхүүч Скружа энэ дэлхийд хамгийн их гутаж гунихарсан, итгэл алдсан хүнийг ч шинэ жил дахин сэргээж, баярлуулж чаддаг гэдэгт итгүүлнэ. Мөнхүү Дикенсийн “Зул сарын сүнсний тухай хүүрнэл” зохиолыг киноны дараа уншихад тохиромжтой байж мэднэ.
Сантагийн хүүдийн дотор
Бадди асрамжийн газраас Санта Клаусын хүүдийнд орж хойд туйлд ирснээр анаахай нартай өссөн хүү юм. Харин одоо бол нас биед хүрсэн залуу болсон тэрээр өөрийгөө Санта Клаусын анаахай биш гэдгээ ойлгож, төрсөн эцэг Вольтер Хоббсыг олохоор Нью-Йорк руу явна. Урьд нь хүмүүсийн дунд байж үзээгүй түүнтэй ямар адал явдал тохиолдохыг та бүхэн шинэ жилийн орой тухлан сууж “Эльф” киноноосоо үзээрэй.
Гахай хамартай гүнж
Шинэ жилийн орой үзэхэд хамгийн тохиромжтой кинонуудын нэг. Гол дүрд Жейк Маквой болон Риз Уизерспун нар тоглосон юм. Киноны гол дүр Пенелопа гахай хамартай төрдөг ба түүнийг харсан залуус бүр зугтаадаг. Харин залуухан хөгжимчин түүний хараалыг тайлах учиртай байдаг. Пенелопа биднийг ганцхан зүйлд сургана. Энэ бол өөрийгөө байгаагаар нь хайрлах юм. Тэгж чадвал бусад бүх хүмүүс чамайг хайрлах нь зайлшгүй билээ.
Элсатай хамт
Шинэ жилийн цасгүйгээр төсөөлшгүй. Тэгүүл дэлгэц дүүрэн цас бударсан түүхээр аялахыг хүсвэл “Frozen” хүүхэлдэйг үзээрэй. Нээлтээ хийсэн даруйдаа дэлхий дахиныг шуугиулж кино театруудын хамгийн их ашиг орлогтотой хүүхэлдэйгээр тодорч байсан бүтээл бол яахын аргагүй “Frozen”. Тус хүүхэлдэйн киноны дуу 40 өөр хэл дээр орчуулагдсан Диснеэйн анхны бүтээл болсон төдийгүй 1,2 тэрбум долларын ашиг олсон юм. Хүүхэд болгон энэ дууг аялаж, сурсан байсан гэхэд хилсдэхгүй.
Гринч
Мэдээж “Гринч зул сарыг хулгайлсан нь” киногүйгээр энэ жагсаалт дуусчихаж болохгүй. Уг киног 1957 оны бичсэн Доктор Сьюзын “Гринч Зул сарыг хэрхэн хулгайлав” зохиолоос сэдэвлэн бүтээсэн юм. “Universal Pictures” болон “Imagine Entertainment”-ын хамтын бүтээл энэхүү зул сарын тухай кино нь 2000 онд дэлгэцнээ гарсан түүхтэй. Түүнчлэн уг киног Рон Ховард найруулан бүтээж продюсераар нь Бриан Жразер ажилласан бөгөөд гол дүрд нь жүжигчин Жим Керри тоглосон билээ. Энэхүү сонирхолтой бүтээл нь АНУ-ын кино чартыг дөрвөн долоо хоног тэргүүлж байсан бөгөөд бүхий л цаг үеийн дэлхийн хамгийн өндөр ашиг орлоготой, зул сарын сэдэвтэй кино бүтээлийн жагсаалтын хоёрт ордог юм. Мөнхүү Гринчийг хүүхэлдэйн кино болгон хийсэн бөгөөд яг одоо кино театруудын дэлгэцнээ гарч буйг мартаж болохгүй.
Эх сурвалж: www.montsame.mn
|

Энтертайнмент
Монгол Улсын арслан М.Лхагвын нэрэмжит 256 бөхийн барилдаан болно

МҮБХ болон “Эвт Монгол” клубээс санаачлан Завхан аймгийн Идэр сумын Улаанбаатар хот дахь нутгийн зөвлөл, Завхан аймгийн Засаг даргын тамгын газар, Идэр сумын Засаг даргын тамгын газар хамтран түмэн олноо “Хамбын бор”, “Урт гарт” хэмээн алдаршсан Монгол улсын арслан Маамын Лхагвын нэрэмжит улс, аймгийн алдар цолтой 256 бөхийн барилдаан 2025 оны дөрөвдүгээр сарын 19-ны өдөр Монгол бөхийн өргөөнд зохион байгуулагдана.
Үзэгчдээс супер азтан тодруулж автомашин бэлэглэнэ. Урт гарт хэмээн алдаршсан Монгол улсын арслан Маамын Лхагва нь 1931 оны улсын баяр наадмаар 9 давж үзүүрлэн улсын заан, 1933 онд 10 давж түрүүлэн улсын арслан цол мөн 1939 онд 512 бөхөөс 8 даван үзүүрлэсэн хүчтэн байв.
Тэрбээр 1929-1946 онуудад Улсын баяр наадамд 11 удаа шөвгөрсөн бөгөөд 1039 оны 11 сард хилс хэргээр баригдан хоригдож 1946 онд Улс хувьсгалын 25 жилийн ойн наадмын өмнө суллагдан барилдаж 5 даван шөвгөрч байжээ.
Энтертайнмент
Б.Отгонтуяа БНСУ-ын бөхийг цэвэр яллаа

Энтертайнмент
Монгол Улсын арслан М.Лхагвын нэрэмжит 256 бөхийн барилдаан болно

МҮБХ ба “Эвт Монгол” клубээс санаачлан Завхан аймгийн Идэр сумын Улаанбаатар хот дахь нутгийн зөвлөл, Завхан аймгийн Засаг даргын тамгын газар, Идэр сумын Засаг даргын тамгын газар хамтран түмэн олноо “Хамбын бор”, “Урт гарт” хэмээн алдаршсан Монгол Улсын арслан Маамын Лхагвын нэрэмжит улс, аймгийн алдар цолтой 256 бөхийн барилдааныг 2025.04.19-ний өдөр Монгол бөхийн өргөөнд зохион байгуулахаар товлолоо.
Урт гарт хэмээн алдаршсан Монгол улсын арслан Маамын Лхагва нь 1931 оны улсын баяр наадмаар 9 давж үзүүрлэн улсын заан, 1933 онд 10 давж түрүүлэн улсын арслан цол мөн 1939 онд 512 бөхөөс 8 даван үзүүрлэсэн хүчтэн байв.
Тус барилдааныг зохион байгуулагчдын зүгээс үзэгчдэд зориулж олон гэнэтийн бэлэг бэлдэж байгаагийн дотор супер азтан тодруулж автомашин бэлэглэхээр болжээ.
-
Нийгэм7 цаг өмнө
Жендэрт суурилсан хүчирхийлэлтэй тэмцэх төсөлд хамтран ажиллана
-
Нийгэм3 цаг өмнө
Онлайн худалдаа хийх нэрийдлээр иргэдийг залилж байна
-
Нийгэм9 цаг өмнө
“Магнит Импорт” компанийн хуурай хольцын үйлдвэрийг нүүлгэн шилжүүлнэ
-
Нийгэм8 цаг өмнө
ОХУ-ын “Эконива” компанийн төлөөлөлтэй уулзлаа
-
Нийгэм4 цаг өмнө
Нөөцийн махны өргөтгөсөн худалдаа болно
-
Нийгэм8 цаг өмнө
Энхийг сахиулагчдын оролцоог 3 дахин нэмэгдүүлэх асуудлаар санал солилцлоо
-
Нийгэм8 цаг өмнө
Хамтран ажиллах “санамж бичиг”-т гарын үсэг зурлаа
-
Нийгэм8 цаг өмнө
Төрийн албаны шинэчлэлийг эрчимжүүлнэ