Дэлхий дахинд

Дональд Трамп: АНУ-д илэрсэн Covid-19 халдварын тохиолдлуудын дийлэнх нь “хамрын ханиад”

Нийтэлсэн

4 жил өмнө

2020-07-20

Нийтэлч

Өчигдөр АНУ-ын ерөнхийлөгч Дональд Трамп “Fox News Sunday” нэвтрүүлэгт оролцохдоо бас коронавирусийн цар тахлын нөхцөл байдлын талаар ярьжээ.

Тэрбээр энэ үеэр АНУ-д хамгийн олон халдварын тохиолдол илэрч байгаа нь оношилгоог их хэмжээгээр хийж буйтай шууд холбоотой гэж тайлбарласан юм.

Дэлхийн аль ч улс орноос хол илүү тооны хүн оношилж чадаж байгаа нь Америкчуудын амжилт гэж тэр ярьжээ.

Харин хөтлөгч Крис Уоллос өнгөрсөн хугацаанд оношилгооны тоо 37 хувиар нэмэгдсэн ч халдварын тоо Америк даяар 194 хувиар өссөн гэх тоо баримтыг сануулахад Трамп “Эдгээр тохиолдлуудын дийлэнх нь хамрын ханиад байгаа. Ханид хүрсэн залуус өдөртөө эдгэрч байна. Миний тооцоолж байгаагаар нийт тохиолдлуудын 99.7 хувь нь тэр дороо эдгэрч байгаа” гэж тайлбарласан байна.

Гэхдээ мэргэжлийн байгууллагуудын тоо баримт Трампын ярьсныг няцааж байгаа юм.

Тухайлбал өнгөрсөн нэг сарын хугацаанд өдөрт илэрдэг байсан халдварын тоо 25,000-аас 66,000 болж нэмэгджээ. Үүнд оношилгооны тоо хэмжээ хамааралгүй нь харагдаж байгаа юм.

Сүүлийн хоёр долоо хоногийн хугацаанд өдөрт нас барсан хүний тоо 473-аас 768 болж нэмэгдсэн байна.

Өнөөдрийн байдлаар АНУ даяар коронавирусийн халдварын нийт 3.7 сая тохиолдол бүртгэгдэж, 140,000 гаруй хүн нас бараад байна.

Эх сурвалж: Fox News

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

19 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...