Дэлхий дахинд

Forbes Америкийн хамгийн баян алдартнуудыг тодруулав

Нийтэлсэн

6 жил өмнө

2018-12-19

Нийтэлч

Admin

Америкийн кино найруулагч Жорж Лукас 5.4 тэрбум ам.доллараар үнэлэгдэх хөрөнгөөрөө “Forbes” сэтгүүлийн хамгийн баян алдартнуудын жагсаалтыг дахин тэргүүлжээ.

Жагсаалтын эхний гуравт найруулагч Стивен Спилберг болон телевизийн хөтлөгч Опра Уинфри багтжээ. Хамгийн чинээлэг алдартнуудын жагсаалтад нийт 10 хүн орсон бөгөөд тэдний нийт хөрөнгийн хэмжээ 18.7 тэрбум ам.доллар болж байгаа нь өнгөрсөн оныхоос 4 хувиар өссөн үзүүлэлт аж.

“Forbes” сэтгүүлд мэдээлснээр, Спилбергийн хөрөнгө 3.7 тэрбум ам.доллараар үнэлэгдсэн бол Опра 2.8 тэрбум ам.долларын хөрөнгөтэй байна. Жагсаалтын дөрөвдүгээрт, домогт сагсчин Майкл Жордан 1.7 тэрбум ам.долларын хөрөнгөөрөө бичигджээ. Сүүлийн жилүүдэд түүний хөрөнгийн хэмжээ 400 сая ам.доллараар өссөн байна.

Баян алдартнуудын жагсаалтад мөн загвар өмсөгч Кайли Женнер /900 сая ам.доллар/, рэпер Jay-Z /900 сая ам.доллар/ болон Diddy /825 сая ам.доллар/, илбэчин Дэвид Копперфильд /875 сая ам.доллар/, гольфчин Тайгер Вүүдс /800 сая ам.доллар/, детектив зохиолч Жеймс Паттерсон /800 сая ам.доллар/ нар багтжээ.

Жорж Лукас 5.5 тэрбум ам.долларын хөрөнгөөрөө өнгөрсөн оны жагсаалтыг тэргүүлж байв.

Америкийн чинээлэг алдартнуудын жагсаалтыг гаргахдаа, эзэмшил компаниудынх нь орлого, үл хөдлөх хөрөнгө, урлаг бүтээлүүдийнх өртгийг харгалздаг байна. Гол шалгуур нь “өөрийн хүч хөдөлмөрөөр хөрөнгөө бий болгосон байх, мөн АНУ-ын иргэн байх ёстой аж”.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

1 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...