Дэлхий дахинд

Трамп: NBA улс төрийн байгууллага болж байна

Нийтэлсэн

4 жил өмнө

2020-08-28

Нийтэлч

Хойд Америкийн үндэсний сагсан бөмбөгийн холбоо буюу NBA-ийн тамирчид Жэкоб Блейкийн төлөө шударга ёсыг шаардаж, өчигдрөөс эхлэн ажил хаялт зарлаад байсан билээ. Тэгвэл өнөөдөр/2020.08.28/ тус лигийн тоглогчид зөвшилцөлд хүрч, плей-оффын тоглолтуудаа үргэлжлүүлэхээр болсон тухай эх суравалжууд мэдээлж байна. NBA-ийн зүгээс ч “Ирэх Баасан эсвэл Бямба гаригт тоглолтууд үргэлжилнэ гэж найдаж байна” гэж мэдээлсэн.

Тоглогчдын холбооны хуралтай зэрэгцэн багийн эздийн хурал явагдсан. Багийн эздийн хурлын үеэр Шарлотт Хорнетс багийн эзэн Майкл Жордан “Одоогийн үүсэд буй нөхцөл байдал дээр ярих нь бус сонсох илүү үр дүнтэй” гэдгийг багийн эздэд ойлгуулжээ.

Тоглогчдын холбооны тэргүүн Крис Пол болон Рассель Уэстбрук хоёртой Жордан хурлын өмнө ярьж, санал солилцжээ.

Доналд Трамп ч NBA-ийг улс төрийн байгууллага болж байна хэмээн шүүмжлээд амжив. Тэрбээр “Би NBA-д өрнөөд буй эсэргүүцлийн талаар сайн мэдэхгүй юм. Би ганцхан тэдний рейтинг иргэдийн дунд муу байгааг л мэдэж байна. Учир нь хүмүүс NBA-ээс жоохон залхаж байгаа. Нээрээ шүү. Тэд улам л улс төрийн байгууллага шиг болж байна. Энэ нь сайн зүйл биш. Улс эх оронд ч тэр, спортод ч тэр энэ нь сайн зүйл гэж бодохгүй байна” хэмээн Холбооны Онцгой байдлын ерөнхий газрын хурал дээр ярьжээ.

Харин Леброн Жэймс өөрийн твиттер хуудаснаа “Зүгээр яриад байвал өөрчлөлт гарахгүй шүү дээ. Арга хэмжээ авч байж, одоо л хийх хэрэгтэй байна. АНУ-д өөрчлөлт хийх цаг нь ирсэн. Хамтдаа. Ийм учраас саналаа өгөх хэрэгтэй” гэж жиргэжээ.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

19 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...