Дэлхий дахинд

2018 оны онцлох хосууд

Нийтэлсэн

6 жил өмнө

2018-12-20

Нийтэлч

Admin

Өнгөрч буй 2018 онд Холливудын ертөнцөд олон шинэ хосууд төрөн гарч, зарим нь амьдралаа холбосон билээ. Тэгвэл энэ оны хамгийн онцлох хосууд хэн байв? Мэдээж энэ дунд Жастин Бибер – Хейли Болдуин, Приянка Чопра – Ник Жонас, Крис Пратт – Катеринь Шварцнеггер нарыг нэрлэж болно.

Холливудын нэрт жүжигчин Крис Пратт сүүлийн жилүүдэд “Jurassic Park” киноны шинэ ангиуд, “The Guardians of The Galaxy” зэрэг кинонуудад гол дүр бүтээж, уран бүтээлийн олз омог дүүрэн байгаа билээ. Тэрбээр 2017 онд 8 жил ханилсан эхнэр, жүжигчин Анна Фарисаас гэр бүлээ цуцлуулсан бөгөөд 2018 оны зунаас хойш Катеринь Шварцнеггертэй үерхэж байна. Овгийг нь сонсоод манайхан аль хэдийн гадарласан болов уу. Тулаант киноны амьд домог болсон “Терминатор” хочит Арнольд Шварцнеггерын том охин Катеринь (28 настай), Крис Пратт (39 настай) хоёр болзож эхлээд хэдхэн сар болж байгаа ч, сүй тавих талаар яригдаж эхэлсэн гэнэ. Хосууд хоорондоо 11 насны зөрүүтэй бөгөөд тэдний анх танилцсан газар нь сүм ажээ.

Image may contain: 3 people, people smiling

Тэгвэл Канадын алдарт дуучин Жастин Бибер өнгөрч буй 2018 онд Майами хотын далайн эрэг дээр найз бүсгүй Хейли Болдиунд гэрлэх санал тавьсан юм. Улмаар Жастин, Хейли нарыг Нью-Йорк хотноо гэрлэлтээ бүртгүүлсэн хэмээн эх сурвалж баталдаг. 24 настай Жастин Бибер, 22 настай Хейли нар өмнө үерхэж байгаад салсан ч, удалгүй хэдэн сарын эргээд нийлж, өдгөө гэр бүл болжээ.

Image may contain: 3 people, people smiling, people sitting and outdoor

Өнгөрсөн 2 дугаар сард радиод ярилцлага өгөх үеэрээ “Би одоогоор хүнтэй үерхээгүй байгаа. Би секс хийгээгүй нилээд удсан гэдгээ шулуухан хэлчихье” гэж байсан АНУ-ын жүжигчин Женнифер Лоуренс 2018 онд хостой болсон. Өнөө цагийн хамгийн шилдэг эмэгтэй жүжигчин гэгддэг Женнифер нь уран зургийн галлерейн найруулагч Күүк Маронитой үерхэж байна. Хосууд үерхэж эхлээд удаагүй ч, Парис болон Ромоор аялж, харьцаа нь улам бүр дотноссон гэсэн мэдээ бий.

Image may contain: 2 people, people smiling

Энэтхэгийн нэрт жүжигчин, дуучин, Дэлхийн Мисс тэмцээний 2000 оны ялагч Приянка Чопра өнгөрөгч онд шинэ найз залуу, сүйт залуу, улмаар нөхөртэй болж амжлаа. Приянка, Ник Жонас нарын хурим 5-н өдрийн турш сүрлэг зохион байгуулагдаж, барууны болон дорны соёлыг нэгтгэсэн арга хэмжээ болж өнгөрсөн. Дэлхийн хамгийн сайхан бүсгүйчүүдийн нэг гэгддэг Приянка Чопра нь нөхөр, дуучин Ник Жонасаас 10 насаар эгч.

Image may contain: 2 people, people smiling, people standing

Image may contain: 2 people, people smiling, people standing, wedding and suit

Хамгийн сүүлд онцолж буй хос нь Виктория Секретийн супермодель, зар сурталчилгааны ертөнцийн томоохон нүүр царай болох Кендалл Женнер болон Австралийн сагсанбөмбөгийн супер од Бен Симмонс нар юм. 2018 оны эхээр үерхэж эхэлсэн тэд оны дундуур 2 тийш болсон ч, намар нь эргээд нийлсэн тухай Холливудын хэвлэлүүд хангалттай бичсэн.

Түүнчлэн 2018 онд дуучин Камила Кабелло – Маттью Хуссей, жүжигчин Чаннинг Татум – дуучин Жесси Жей гээд олон шинэ хосууд төрсөн.

Эх сурвалж: Jagaa Damdin

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

1 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...