Дэлхий дахинд

Оросууд карт ашиглах нь багасч байгааг Төв банк мэдээлэв

Нийтэлсэн

4 жил өмнө

2020-09-10

Нийтэлч

2020 оны хоёрдугаар улирлын байдлаар банкны карт хэрэглэгчдийн тоо буурсан талаар ОХУ-ын Төв банк мэдээллээ. Энэ байдал депозит болон кредит картын аль алин дээр ажиглагдсан байна. Хоёрдугаар улиралд хэрэглэхээс татгалзсан картны тоо 2,3 хувиар буюу 4,5 сая болсон нь сүүлийн таван жилд үзэгдээгүй өндөр үзүүлэлт болохыг Төв банк онцолсон байна. Ингэснээр карт хэрэглэгчийн тоо 190,3 сая болсон нь 2015 оны үзүүлэлттэй дөхөж очсон гэсэн үг юм.

Карт хэрэглэгчийн тоо ийнхүү буурсан нь коронавирусийн цар тахлын улмаас эдийн засаг хумигдсан учраас банкууд карт олгох шалгуураа чангатгасантай холбоотой хэмээн шинжээчид тайлбарлаж байгаа ч өөр шалтгаан бас байгаа гэж зарим шинжээч үзэж байна. Тухайлбал, хэрэглэгчид картаар хахсан гэж үзэх шинжээч байгаа ажээ.

Нэг хүн дунджаар гурван карт хэрэглэж байгаа бөгөөд нэг нь үндсэн гол хэрэглээнд байдаг бол нөгөө хоёрыг нь хэрэгтэй үед хэрэглэх нөөц маягаар ашигладаг хэмээн зээлийн түүхийн судалгааны “Эквифакс” товчооны захирал Олег Лагуткин хэллээ. Санхүүгийн шинжилгээний “БКС” компанийн захирал Егор Дахтлер “Олон карттай байх моодноос гарч, нэг юм уу хоёр карт байхад хангалттайг хэрэглэгчид ойлгосон” гэжээ.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

21 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...