Дэлхий дахинд

Испани улс хүүхэдгүй болох гэж байна

Нийтэлсэн

6 жил өмнө

2018-12-21

Нийтэлч

Admin

-Испанийн 1960-аад оны бэби-бум өнөөдөр “death boom” болон солигджээ-

2018 оны эхний хагас жилд Испанид сүүлийн хэдэн арван жилд байгаагүйгээр шинээр төрсөн хүүхдийн тоо бага гарчээ. Бэби-бумын үе ийнхүү өнгөрсөн үе болон хоцорч, өдгөө энэ үе эргэн ирэх магадлал багассан байна. Харин үүний оронд нас баралт буюу “death boom” эрс нэмэгдсэн талаар АВС сонинд нийтэлжээ.

Испани улс хүүхэдгүй болох гэж байна. Жил ирэх тусам 1960-аад оны бэби-бум давтагдах магадлал улам багассаар байгаа аж. 2018 оны эхний хагас жилд 180 мянга орчим хүүхэд шинээр мэндэлсэн нь 1941 оноос хойш буюу албан ёсны статистик гаргаж эхэлсэн үеэс хойших хамгийн муу үзүүлэлт болжээ. 2017 оны мөн үетэй харьцуулбал шинээр мэндэлсэн хүүхдийн тоо 5,8 хувиар буурсан байна. Үүн дээр төрөх насны испани эмэгтэйчүүдийн хүүхдийн тоо 7 хувиар буурчээ.

image Испани улс хүүхэдгүй болох гэж байна.

Эхчүүд дунджаар 32 насандаа төрж байна гэж Үндэсний статискийн хүрээлэнгээс мэдээлжээ. Үүний зэрэгцээ судлаачид төрөлтийн тоог багассан үзэгдлийг 1941 онтой харьцуулах нь утгагүй гэжээ.

“Ер нь Исданид XVIII зуунаас хойш ийм бага төрөлт болж байсан түүх үгүй байх” хэмээн Хүн амын сэргэлтийн сангийн захирал Алехандро Макаррон мэдэгджээ. Макарроны хэлж буйгаар тус улсын “бэби-бум” “death boom”-ээр солигдож байгаа нь улс төрийн намуудын хөндөж чадахгүй байгаа “хэцүү үнэн” болсон гэнэ.

Тус улсад оны эхний хагас жилд нас баралтын тоо 2,1 хувиар нэмэгдсэн байна. Ялангуяа жилийн хамгийн хүйтэн үе буюу нэгдүгээр сард нас баралт эрс өссөн байна. 2018 оны эхний хагас жилд нас барсан хүмүүсийн тоо 226 мянга гаруйд хүрсэн нь шинээр мэндэлсэн хүүхдийн тооноос 46 мянгаар илүү байна гэсэн үг юм. Энэхүү таагүй үзэгдэл Испанид дөрвөн жил дараалан үргэлжилж байгаа гэж АВС-д тэмдэглэжээ.

Эх сурвалж: АВС

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

1 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...