Дэлхий дахинд

Беларусийн цагдаагийн 1,000 офицерын хувийн мэдээллийг хакерджээ

Нийтэлсэн

4 жил өмнө

2020-09-21

Нийтэлч

Сонгуулийн дараах иргэдийн тэмцлийг нухчин дарж буй Лукашенкогийн дэглэмээс өшөөгөө авах зорилгоор Беларусийн цагдаагийн 1,000 офицерын хувийн мэдээллийг хэсэг хакерууд ил болгожээ.

“Баривчилгаа үргэлжлэх тусам бид их хэмжээний мэдээллийг ил болгосоор байх болно. Нүүрэндээ баг зүүгээд ч нэмэр болохгүй” гэж нэрээ нууцалсан хакерууд сошиал сүлжээгээр мэдэгдсэн байна. Цагдаа нарын дэлгэрэнгүй мэдээлэл Бямба гарагийн оройноос интернэтэд тарж эхэлжээ.

Беларусийн засгийн газар мэдээлэл хулгайлж тараасан этгээдийг олж, хариуцлага хүлээлгэхээ амласан байна.

Ням гарагт Минск хотод хэдэн арван мянган хүн оролцсон эсэргүүцлийн жагсаал зохион байгуулагджээ. Бямба гарагт цагдаа нар жагсаалд оролцсон 390 орчим эмэгтэйг баривчилсныг иргэд эсэргүүцсэн юм. Баривчлагдсан эмэгтэйчүүдийн ихэнх нь сүүлд суллагджээ.

Наймдугаар сарын эхээр болсон сонгуулийн дараа Беларусийн том хотуудад иргэдийн эсэргүүцлийн жагсаал зогсохгүй байгаа. Нүүрэндээ баг зүүсэн цагдаа, хууль сахиулагчид жагсаалыг хүчээр тарааж, мянга мянган хүнийг баривчлаад байна. Сүүлийн үед жагсагчид цагдаа нарын нүүрний багийг хуулж, царайг нь ил гаргах тэмцлийн арга хэрэглэх болжээ.

Лукашенкогийн дэглэмийн эсрэг шинэ хориг зарлахаар бэлдэж буй Европын Холбооны улсуудын гадаад хэргийн сайд нар сөрөг хүчний нэр дэвшигч Светлана Тихановскаяг хүлээж авч уулзахаар болсон тухай мэдээ Бямба гарагт цацагдсан юм.

ОХУ-ын гадаад хэргийн яамны хэвлэлийн төлөөлөгч Мария Захарова үүнийг шүүмжилж, Брюсселийн эрх баригчид “Беларусийн нөхцөл байдлыг улам дордуулахыг хичээж байна” хэмээн буруутгажээ.

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

24 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...