Дэлхий дахинд

Трамп руу хортой илгээмж илгээсэн бүсгүйг баривчилжээ

Нийтэлсэн

4 жил өмнө

2020-09-22

Нийтэлч

АНУ-ын Ерөнхийлөгчийн ордонд өнгөрсөн Бямба гариг (2020.09.19)-т хортой бодис бүхий илгээмж ирснийг аюулгүй болгосон талаар тус улсын хэвлэлүүд мэдээлжээ. Канадаас илгээсэн “Ricin” гэгддэг хортой бодис хийсэн дугтуйг Цагаан ордны бичиг хэргийн албанд хүрэхээс өмнө илрүүлсэн байна.

Уг илгээмжийг илгээсэн байж болзошгүй бүсгүйг Канадаас АНУ руу нэвтрэх гэж байхад нь АНУ-ын хууль хяналтынхан баривчлан саатуулжээ. Одоогоор хэргийг шалгаж байгаа ба сэжигтэн эмэгтэй баривчлагдах үедээ биедээ галт зэвсэгтэй явсан байна. Канадын тал АНУ-ын хууль хүчнийхэнтэй дээрх хэрэг дээр хамтарч ажиллахаа мэдэгджээ.

“Ricin” хэмээх бодис нь нэг төрлийн ургамлаас тос гаргаж авах явцад үүсдэг бодис бөгөөд хүний биед нэвтэрвэл эсүүдийн ажиллагааг доголдуулж, маш богино хугацаанд үхэлд хүргэх аюултай аж. Ердөө 500 микрограмм буюу зүүний сүвэгч шиг хэмжээний “Ricin” насанд хүрсэн хүнийг үхэлд хүргэх боломжтой юм байна.

Үүнээс өмнө 2014 онд Ерөнхийлөгч Барак Обама руу “Ricin” бодистой дугтуй илгээсэн Миссиссиппи мужийн иргэн 25 жилийн хорих ял сонсож байжээ. Мөн 2018 онд АНУ-ын тэнгисийн цэрэгт алба хааж байсан нэг этгээд “Ricin” бодисыг Дональд Трамп, Батлан хамгаалахын сайд Жэймс Мэттис, Тагнуулын төв газрын захирал Жина Хаспел, Холбооны мөрдөх товчооны захирал Кристофер Врэй нарт илгээхээр завдаад баригдаж байсан билээ.

Эх сурвалж: CNN

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

24 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...