Дэлхий дахинд

Ангарагийн хөрсөн дор давсархаг устай нуур нуугдаж байж болзошгүйг тогтоожээ

Нийтэлсэн

4 жил өмнө

2020-09-29

Нийтэлч

Италийн хэсэг эрдэмтэд хоёр жилийн судалгааны үр дүнд Ангараг гарагийн хөрсөн дор давсархаг устай нуур байж болзошгүй гэж дүгнэснээ Даваа гарагт “Nature Astronomy” сэтгүүлд мэдээлжээ.

Тэдний таамаглалаар Ангараг гарагийн өмнөд туйлд 20-30 км өргөнтэй нуур гадаргаас 1.5 км-ын гүнд оршиж байгаа гэнэ.

Энэ нуурын ойр орчимд хоорондоо холбоотой гурван жижиг цөөрөм байгааг мөн тогтоожээ. Ангараг нь дөрвөн тэрбум жилийн өмнө манай дэлхий шиг дулаан, ус чийгтэй гараг байсан гэдэг.

Италийн Рома Трэ их сургуулийн судлаач Себастян Эманэул Лаурогийн удирдсан баг манай дэлхийн умард ба өмнөд туйлуудын хөрсөн дор нуугдсан нууруудыг олж илрүүлдэг аргыг Ангарагт хэрэглэжээ.

Ингэхдээ тэд 2003 онд дэлхийгээс хөөргөсөн Mars Express станцаас 2010-2019 оны хооронд илгээсэн мэдээллүүдийг боловсруулж, шинжилсэн байна. Эрдэмтдийн дүгнэлтээр Ангарагийн нуурын усанд бичил микробууд амьдарч байж болзошгүй гэнэ.

Давсны агууламж өндөр тул ус хөлдөхгүй байгаа гэж үзсэн байна. Ангарагийн өмнөд туйл орчмын хөрсөн дээр температур Цельсийн -113 хэм орчим байдаг. Харин хөрсний гүн рүүгээ доошлох тусам аажмаар дулаардаг байна.

Ангарагт илгээх дараагийн судалгааны станцуудыг өмнөд туйлд ажиллуулж, илүү дэлгэрэнгүй мэдээлэл цуглуулах шаардлагатайг Италийн эрдэмтэд тайландаа бичжээ.

Эх сурвалж: Associated Press

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

23 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...