Нийгэм
Азийн хөгжлийн банкны төлөөллийг хүлээн авч уулзлаа
“Эрдэнэс Монгол” ХХК, Азийн хөгжлийн банк хооронд “Компанийн үйл ажиллагааг сайжруулах, менежментийн чадавхийг бэхжүүлэх” төслийн зээлийн гэрээг 2016 оны дөрөвдүгээр сард байгуулж, энэ хугацаанд “Санхүү, нягтлан бодох бүртгэлийн нэгдсэн бодлогын баримт бичиг”, “Хүний нөөцийн бодлогын баримт бичиг”-ийг боловсруулан нэгдлийн хэмжээнд мөрдөж байна. Мөн хууль, мэдээллийн технологи болон татвар, үнийн шилжүүлгийн чиглэлийн ажлыг төслийн хүрээнд хийж гүйцэтгэжээ.
Азийн хөгжлийн банкны Зүүн Азийн газрын ахлах мэргэжилтэн Сеүн Мин, “Эрдэнэс Монгол” ХХК-ийн гүйцэтгэх захирал П.Ганхүү нар өнөөдөр /2018.09.13/ уулзаж, төслийн хэрэгжилтийн явц, цаашид авах арга хэмжээний талаар санал солилцлоо. “Эрдэнэс таван толгой” компанийн төрийн эзэмшлийн хувьцаа эзэмшигчийн эрхийг Уул уурхай, хүнд үйлдвэрийн яаманд шилжүүлэх Засгийн газрын тогтоол гарч, компанийн бүтцэд өөрчлөлт орсон ч, төслийг цаашид тогтвортой үргэлжлүүлнэ гэдгийг Гүйцэтгэх захирал П.Ганхүү уулзалтын эхэнд тодотгов. Түүнчлэн “Эрдэнэс Тавантолгой” ХК олон улсын хөрөнгийн зах зээлд IPO гаргах бэлтгэлээ хангаж буй бөгөөд үүнд төслийн үр өгөөж томоохон хувь нэмэр оруулна гэдэгт итгэлтэй байгаагаа илэрхийллээ.
Нийт 35 сая ам.долларын санхүүжилтээр хэрэгжих уг төслийн зөвлөх үйлчилгээ, худалдан авах ажиллагаа зэрэгт одоогийн байдлаар 6 сая ам.доллар зарцуулаад байгааг Азийн хөгжлийн банкны Зүүн Азийн газрын ахлах мэргэжилтэн Сеүн Мин онцлоод цаашид төслийн баримт бичигт өөрчлөлт оруулах боломжтойг дурьдсан. Мөн Монгол Улсын Засгийн газрын шийдвэр зэргээс шалтгаалж цаг хугацааны хувьд тодорхой өөрчлөлт гарсан ч, төсөл амжилттай хэрэгжиж байгааг үнэлэв.
“Эрдэнэс Монгол” ХХК-ийн зүгээс уг төслийг богино хугацаанд, үр өгөөжтэй хэрэгжүүлэхийг зорьж байгаагаа танилцууллаа.
Боловсруулсан Д.Доржмаа
Нийгэм
Замын-Үүд сумын ойн барилдаанд Б.Орхонбаяр арслан түрүүллээ
Нийгэм
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
Боловсрол, соёл шинжлэх ухааны сайд Л.Энх-Амгалан энэ сарын 17-ны өдөр “Манба Дацан” Монголын уламжлалт эмнэлэг сургалтын төвийн үйл ажиллагаатай танилцлаа.
Уламжлалт анагаах ухааны сургалтын үйл ажиллагаа эрхэлдэг дээд боловсролын сургалтын байгууллагын хөтөлбөрийн чанарыг сайжруулах, түүнд ажиллаж буй хүний нөөцийн чадавхыг бэхжүүлэх төлөвлөгөө боловсруулах Ажлын хэсгийг салбарын сайдын тушаалаар байгуулсан. Ажлын хэсгийн ахлагчаар “Оточ Манрамба” их сургуулийн ректор Д.Нацагдорж, төрийн өмчийн болон төрийн бус өмчийн 7 их сургуулийн төлөөлөл, төрийн бус байгууллага, ажил олгогч, эрдэм шинжилгээний хүрээлэнгийн ажилтан зэрэг 23 гишүүний бүрэлдэхүүнтэй ажиллаж байна.
Ажлын хэсгийн ахлагч, хүний гавьяат эмч Д.Нацагдорж уламжлалт анагаах ухааны салбарыг хөгжүүлэхэд анхаарч ажиллаж буй сайд Л.Энх-Амгалан, БШУЯ-ны Дээд боловсролын бодлогын зохицуулалтын газрын Х.Тамир нарт ажлын хэсгийн өмнөөс талархлаа илэрхийлж ажлын явцаас танилцуулсан.
Уулзалтын үеэр ажлын хэсгийн гишүүн, АШУҮИС-ийн Монгол анагаах ухааны олон улсын сургуулийн захирал, анагаах ухааны доктор, профессор Д.Цэнд-Аюуш “Бид эмч мэргэжилтэн бэлтгэх сургалтын чанарыг сайжруулах чиглэлээр 2027 ба түүнээс цааш онд хэрэгжүүлэх үйл ажиллагааны төлөвлөгөө боловсруулаад байна. Мөн бидний хийсэн гол ажил бол 7 их сургууль 192 кредитээр цөм төлөвлөгөөгөө нэгдсэн байдлаар тогтлоо. Монгол улсад уламжлалт анагаах ухааны 5 чиглэлээр, уламжлалт анагаах ухааны их эмч, зүү төөнийн их эмч, уламжлалт анагаах ухааны засалч, уламжлалт анагаах ухааны сувилагчаас гадна ХААИС-тай хамтран уламжлалт анагаах ухааны эмийн ургамал судлалын чиглэлээр мэргэжилтэн бэлтгэж байна” хэмээн ярьсан юм.
БШУ-ны сайд Л.Энх-Амгалан “Оточ Манрамба” их сургуулийн оюутнуудтай мөн уулзсан. Тэрээр “Уламжлалт анагаах ухааны их эмч мэргэжил эрэлттэй мэргэжлийн жагсаалтад орсноор Боловсролын зээлийн сангаас хөнгөлөлттэй зээл, тэтгэлэг авах нөхцөл үүснэ. Зөвхөн бакалавр бус магистр, докторын хөтөлбөрт ч зээл авах боломж бүрдэж байгаа” талаар хэллээ хэмээн БШУЯ-аас мэдээллээ.
Нийгэм
ОХУ-аас ирүүлсэн хүмүүнлэгийн тусламжийн үр тарианы тэжээлийг хүлээн авч, орон нутагт олголоо
ОХУ-ын Бүгд Найрамдах Буриад улсын Засгийн газраас 2023-2024 оны өвөлжилт, хаваржилтын хүндрэлийг даван туулахад дэмжлэг үзүүлэх зорилгоор 8500 тонн үр тарианы тэжээлийг тусламжаар олгосон.
Тус тусламжийг ОХУ-аас татан авах, аймгуудад хүлээлгэн өгөх, удирдлага зохицуулалтаар хангах арга хэмжээг УОК-ын Шуурхай штабаас зохион байгуулж, өвөлжилт, хаваржилт хүндэрсэн 12 аймаг, нийслэлийн 3 дүүрэгт хүлээлгэн өглөө.
Тусламжийн үр тарианы тэжээлийг хүлээлгэн өгөх арга хэмжээ ОХУ-ын Бүгд Найрамдах Буриад Улсын Улаан-Үүд хотноо болж, тусламжийн үр тарианы тэжээлийг хүлээлгэн өгсөн, хүлээн авсан тухай актад гарын үсэг зурсан юм.
Арга хэмжээнд ОБЕГ-ын дэд дарга, УОК-ын Шуурхай штабын дарга, бригадын генерал Б.Ууганбаяраар ахлуулсан ажлын хэсэг, ОХУ-ын Бүгд Найрамдах Буриад Улсын ерөнхийлөгч, Засгийн газрын дарга ЦЫДЕНОВ Алексей Самбуевич, Бүгд Найрамдах Буриад Улсын Засгийн газрын орлогч дарга, Хүнс, хөдөө аж ахуйн сайд ДАРЕЕВ Галсан Евгеньевич, Бүгд Найрамдах Буриад Улсын Засгийн газрын орлогч дарга, Эдийн засгийн сайд КОЧЕТОВА Екатерина Николаевна болон бусад холбогдох албан тушаалтнууд оролцлоо гэж ОБЕГ-аас мэдээллээ.
-
Нийгэм2 цаг өмнө
Аюулт үзэгдэл, ослын 99 удаагийн дуудлагаар үүрэг гүйцэтгэжээ
-
Нийгэм2 цаг өмнө
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
-
Нийгэм2 цаг өмнө
ОХУ-аас ирүүлсэн хүмүүнлэгийн тусламжийн үр тарианы тэжээлийг хүлээн авч, орон нутагт олголоо
-
Нийгэм2 цаг өмнө
Замын-Үүд сумын ойн барилдаанд Б.Орхонбаяр арслан түрүүллээ