Нийгэм
POSCO групп технологийн түүхий эд болсон литийг сонирхов
Шинэ үеийн технологи болох зөөврийн хэрэгсэл, цахилгаан автомашины үйлдвэрлэл нэмэгдэхийн хэрээр цэнэг хураах гойд шинж чанартай литийн эрэлт дэлхийн зах зээл дээр эрчимтэй өсөн нэмэгдэж буй. Эрэлт хэрэгцээ нэмэгдэхийн хэрээс газрын ховор элемент болох литийн дэлхийн зах зээл дээрх үнэ өсөж, 99.5 хувийн агуулгатай Li2O3 батарейн химийн найрлагатай литийн үнэ энэ сарын 21-ний байдлаар тонн тутамдаа 11 мянган долларт хэлбэлзэж байна.
Тэгвэл дэлхийн томоохон үйлдвэрлэгч компаниудын тэргүүн эгнээнд багтдаг БНСУ-ын POSCO групп Монгол Улсын литийн нөөцийг сонирхож эхэллээ. Тус группийн охин компани болох POSCO Daewoo-гийн гүйцэтгэх захирал Ким Ёон Сан “Эрдэнэс Монгол” ХХК-ийн Стратеги, төлөвлөлт хариуцсан дэд захирал О.Одбаяртай уулзалт хийж, газрын ховор элемент болох литигийн хайгуулын ажилд хамтран ажиллах хүсэлтэй байгаагаа дуулгалаа.
Өнөөдрийн байдлаар Монгол Улсад технологийн түүхий эд болсон литийг олборлож байгаа уурхай байхгүй бөгөөд хэд хэдэн компани хайгуулын ажил хийж буй. Тиймээс хайгуулын ажилд хөрөнгө оруулалт хийх боломжтой гэдгийг “Эрдэнэс Монгол” компанийн дэд захирал О.Одбаяр онцоллоо. Хоёр тал ойрын хугацаанд өргөтгөсөн уулзалт хийж, хөрөнгө оруулалтын нөхцөл болон боломжийн талаар ярилцахаар боллоо.
POSCO Daewoo компани нь гадаад худалдаа болон хөрөнгө оруулалтын чиглэлээр дэлхийн 51 оронд 80 гаруй салбартайгаар үйл ажиллагаа явуулдаг. Тус компани газрын ховор элемент болох литийг Өмнөд Солонгосын зах зээлд анх удаагаа эдийн засгийн эргэлтэд оруулахаар бэлтгэл ажлаа хангаж байна.
Өнөөдрийн байдлаар тус компани литийн хайгуулын чиглэлд Аргентин болон Австрали улсад хөрөнгө оруулалт хийгээд байгаа аж. Өнгөрсөн оны байдлаар POSCO Daewoo компанийн үйл ажиллагааны орлого 401.3 тэрбум вонд хүрсэн бол борлуулалтын хэмжээ 22.5 их наяд воноор хэмжигдэж байна.
Боловсруулсан: Б.Даваатогтох
Нийгэм
ЦЕГ: 350 хэргийг шүүхэд шилжүүлэх саналтай прокурорт хүргүүллээ
Нийгэм
Замын-Үүд сумын ойн барилдаанд Б.Орхонбаяр арслан түрүүллээ
Нийгэм
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
Боловсрол, соёл шинжлэх ухааны сайд Л.Энх-Амгалан энэ сарын 17-ны өдөр “Манба Дацан” Монголын уламжлалт эмнэлэг сургалтын төвийн үйл ажиллагаатай танилцлаа.
Уламжлалт анагаах ухааны сургалтын үйл ажиллагаа эрхэлдэг дээд боловсролын сургалтын байгууллагын хөтөлбөрийн чанарыг сайжруулах, түүнд ажиллаж буй хүний нөөцийн чадавхыг бэхжүүлэх төлөвлөгөө боловсруулах Ажлын хэсгийг салбарын сайдын тушаалаар байгуулсан. Ажлын хэсгийн ахлагчаар “Оточ Манрамба” их сургуулийн ректор Д.Нацагдорж, төрийн өмчийн болон төрийн бус өмчийн 7 их сургуулийн төлөөлөл, төрийн бус байгууллага, ажил олгогч, эрдэм шинжилгээний хүрээлэнгийн ажилтан зэрэг 23 гишүүний бүрэлдэхүүнтэй ажиллаж байна.
Ажлын хэсгийн ахлагч, хүний гавьяат эмч Д.Нацагдорж уламжлалт анагаах ухааны салбарыг хөгжүүлэхэд анхаарч ажиллаж буй сайд Л.Энх-Амгалан, БШУЯ-ны Дээд боловсролын бодлогын зохицуулалтын газрын Х.Тамир нарт ажлын хэсгийн өмнөөс талархлаа илэрхийлж ажлын явцаас танилцуулсан.
Уулзалтын үеэр ажлын хэсгийн гишүүн, АШУҮИС-ийн Монгол анагаах ухааны олон улсын сургуулийн захирал, анагаах ухааны доктор, профессор Д.Цэнд-Аюуш “Бид эмч мэргэжилтэн бэлтгэх сургалтын чанарыг сайжруулах чиглэлээр 2027 ба түүнээс цааш онд хэрэгжүүлэх үйл ажиллагааны төлөвлөгөө боловсруулаад байна. Мөн бидний хийсэн гол ажил бол 7 их сургууль 192 кредитээр цөм төлөвлөгөөгөө нэгдсэн байдлаар тогтлоо. Монгол улсад уламжлалт анагаах ухааны 5 чиглэлээр, уламжлалт анагаах ухааны их эмч, зүү төөнийн их эмч, уламжлалт анагаах ухааны засалч, уламжлалт анагаах ухааны сувилагчаас гадна ХААИС-тай хамтран уламжлалт анагаах ухааны эмийн ургамал судлалын чиглэлээр мэргэжилтэн бэлтгэж байна” хэмээн ярьсан юм.
БШУ-ны сайд Л.Энх-Амгалан “Оточ Манрамба” их сургуулийн оюутнуудтай мөн уулзсан. Тэрээр “Уламжлалт анагаах ухааны их эмч мэргэжил эрэлттэй мэргэжлийн жагсаалтад орсноор Боловсролын зээлийн сангаас хөнгөлөлттэй зээл, тэтгэлэг авах нөхцөл үүснэ. Зөвхөн бакалавр бус магистр, докторын хөтөлбөрт ч зээл авах боломж бүрдэж байгаа” талаар хэллээ хэмээн БШУЯ-аас мэдээллээ.
-
Нийгэм2 цаг өмнө
Аюулт үзэгдэл, ослын 99 удаагийн дуудлагаар үүрэг гүйцэтгэжээ
-
Нийгэм2 цаг өмнө
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
-
Нийгэм2 цаг өмнө
ОХУ-аас ирүүлсэн хүмүүнлэгийн тусламжийн үр тарианы тэжээлийг хүлээн авч, орон нутагт олголоо
-
Нийгэм2 цаг өмнө
Замын-Үүд сумын ойн барилдаанд Б.Орхонбаяр арслан түрүүллээ
-
Нийгэм11 мин өмнө
ЦЕГ: 350 хэргийг шүүхэд шилжүүлэх саналтай прокурорт хүргүүллээ