Дэлхий дахинд

ЗСБНХУ задарсны шалтгаан нь Афганистаны дайн гэв

Нийтэлсэн

6 жил өмнө

2019-01-05

Нийтэлч

Admin

ВАШИНГТОН. /Lenta/. Зөвлөлт Социалист Бүгд Найрамдах Холбоот Улс /ЗСБНХУ/ задарсан нь Афганистанд явуулсан дайнтай холбоотой гэж АНУ-ын Ерөнхийлөгч Дональд Трамп лхагва гарагт телевизийн “Fox News” сувгаар мэдэгджээ.

“Орос улс Зөвлөлт Холбоот Улс байсан. Афганистан тус улсыг ОХУ болгосон. Учир нь тэд Афганистанд тулалдаж, хоосорч дампуурсан” гэж Америкийн удирдагч онцлон дурдсан байна.

Талибуудын учруулж буй террорист аюул заналтай холбоотойгоор цэргийн энэ кампанит ажлыг эхлүүлснээр Москва зөв алхам хийсэн гэж Трамп нэмж хэлжээ. Тэрбээр мөн Афганистаны байдлыг зохицуулахад АНУ-аас гадна ОХУ, Энэтхэг болон Пакистан улс оролцож байгаа гэдгийг цохон тэмдэглэсэн байна.

Албан ёсны мэдээллээр, 1979-1989 он хүртэл 10 жил үргэлжилсэн энэ дайнд Зөвлөлтийн 15 мянга гаруй цэрэг амь үрэгдэж, 53 мянга гаруй цэрэг шархдаж гэмтсэний 10 мянга гаруй нь насан туршдаа хөгжлийн бэрхшээлтэй болжээ. Афганистаны иргэний дайнаас Зөвлөлтийн цэргүүд гарсны дараа ч үргэлжилсэн билээ.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...