Энтертайнмент

А.Овечкин 14 улирал дараалан 30 гоол орууллаа

Нийтэлсэн

6 жил өмнө

2019-01-05

Нийтэлч

Admin

Вашингтон Капиталс багийн ахлагч А.Овечкин өнөөдөр Сент-Луис Блюс багийн эсрэг тоглолтонд гоол оруулсан. Тоглолтын эхний үед оруулсан А.Овечкины гоол түүний энэ улиралд оруулж буй 30 дахь гоол болсон юм. Өнөөдрийнх нь оруулсан гоол А.Овечкиныг ҮХЛ-н бас нэгэн түүхэн амжилттай зэрэгцлээ. Учир нь Орос залуу 14 улирал дараалан 30 болон түүнээс дээш гоол оруулж байгаа бөгөөд ҮХЛ-т энэ амжилтыг тогтоож буй 2 дахь тоглогч болж байна.

ҮХЛ-т тоглосон карьертаа 30 дээш гоол оруулсан олон тоглогчид бий. Гэхдээ 14 улирал дараалан 30-аас дээш гоол оруулсан ердөө 2 тоглогчтой болоод байна. Өмнө нь М.Гартнер 1979-1993 оны хооронд дараалан 30-аас дээш гоол оруулж байжээ. Мөн тэрээр нийт 17 улирал 30-аас дээш гоол оруулан ҮХЛ-н бүх-цаг үеийн амжилтыг эзэмшдэг.

А.ОВЕЧКИНЫ УЛИРАЛД ОРУУЛСАН ГООЛ:

2005-2006 он: 52 гоол
2006-2007 он: 46 гоол
2007-2008 он: 65 гоол
2008-2009 он: 56 гоол
2009-2010 он: 50 гоол
2010-2011 он: 32 гоол
2011-2012 он: 38 гоол
2012-2013 он: 32 гоол
2013-2014 он: 51 гоол
2014-2015 он: 53 гоол
2015-2016 он: 50 гоол
2016-2017 он: 33 гоол
2017-2018 он: 49 гоол
2018-2019 он: 30 гоол (улирал өндөрлөхөд дахиад 40 гаруй тоглолт дутуу)

Б.БЯМБАБАЯР

Сэдвүүд:

Дэлгэрэнгүй ...

Сэтгэгдэл үлдээх

Энтертайнмент

Монголын шатарчид багийн дэлхийн аварга боллоо

Нийтэлсэн

12 цаг өмнө

2025-06-16

Нийтэлч

24barimt

Английн нийслэл Лондон хотод шатрын багийн дэлхийн аварга шалгаруулах тэмцээн зургаадугаар сарын 10-15-нд болов. Тэмцээнд 64 орны 420 тамирчин өрсөлдсөн бөгөөд манай улсаас гурван баг өрсөлдөхөд “Монгол Б” баг 2400 хүртэл рейтингтэй багуудын түргэн тоглолтын төрөлд тэргүүн байр эзэлж, төрийн дуулалаа эгшиглүүллээ. Энэ тэмцээнд: GM 111, WGM 12, IM 61, WIM 6, FM 48, WFM 17, CM 17, WCM цолтой 7 тамирчин өрсөлдсөн байна. Дэлхийн аварга цолонд хүрсэн “Монгол Б” багт багийн ахлагч, Үндэсний шигшээ багийн дасгалжуулагч С.Билгүүн, С.Ган-Эрдэнэ, Б.Мөнгөнтуул, Б.Мөнгөнзул, Н.Содбилэгт, Г.Энхбаяр нар өрсөлдсөн юм.

Дэлгэрэнгүй ...

Энтертайнмент

“Ромео, Жульетта” эмгэнэлт драмын жүжгийг маргааш нээнэ

Нийтэлсэн

1 сар өмнө

2025-05-08

Нийтэлч

24barimt

Улсын Хүүхэд залуучуудын театр Уильям Шекспирийн зохиол “Ромео, Жульетта хоёр” эмгэнэлт драмын жүжгийг 59 жилийн дараа төрөлх театрынхаа тайзнаа дахин тоглоно.

Анх 1966 онд Ардын жүжигчин С.Гэндэнгийн найруулгаар Хүүхэд залуучуудын театрын тайзнаа тоглогдож байсан “Ромео, Жульетта хоёр” жүжгийг ирэх 5 дугаар сарын 9-ний өдөр нээх бөгөөд уг бүтээлд 100 гаруй уран бүтээлч, ажилтан оролцож байна.

Гол дүр болох Ромеогийн дүрд жүжигчин Б.Түвшинбаяр, Жульеттагийн дүрд жүжигчин М.Батгэрэл нар тоглох бөгөөд урилгаар Төрийн соёрхолт, УГЖ Ц.Төмөрбаатар, УГЖ Н.Нармандах, СТА Ж.Даваасамбуу нар оролцоно. Жүжгийн Ерөнхий найруулагчаар тус театрын найруулагч СТА Б.Энхээ ажиллаж байгаа бөгөөд Ерөнхий продюсероор УГЖ Н.Ариунболд, Ерөнхий зураачаар УГЗ Г.Ганбаатар нар ажиллаж байна.

74 жилийн түүхт Улсын Хүүхэд залуучуудын театр 27 жилийн дараа дахин хөшгөө нээгээд удаагүй ч “Арслан хүлэгт баатар” хүүхдийн жүжиг, “Хайрыг хайрла”, “18 дахь хаврын хайр” драмын жүжиг болон “Хүүхнүүдийн хаанчлал” инээдмийн водевиль жүжгүүдийг үзэгчдэдээ толилуулаад байсан бол энэ удаа сонгодог бүтээлийг ийнхүү тайзнаа амилуулахад бэлэн болжээ.

Улсын Хүүхэд залуучуудын театр дэлхийн болоод үндэсний хэмжээний бүх насныханд зориулсан тайзны урлагийн бүтээлээр дамжуулан урлаг гоо зүй, соёлын боловсролыг түгээсээр байна.

Дэлгэрэнгүй ...

Энтертайнмент

Улсын аварга О.Хангай бөхчүүдийн чансааг тэргүүлсээр байна

Нийтэлсэн

1 сар өмнө

2025-05-05

Нийтэлч

24barimt

Өнгөрсөн амралтын өдрүүдээр зохион байгуулагдсан “Чингэлтэй хайрханы хишиг”, Ховд аймгийн Чандмань сумын 100 жилийн ойд зориулсан, улсын начин Идэшийн Мөнхбаатарын нэрэмжит барилдаануудын дараа бөхчүүдийн чансаа шинэчлэгдлээ.

Улсын аварга О.Хангай тэргүүллээ хадгалсаар байгаа бол Улсын начин Э.Батмагнай хоёр барилдаан дараалан үзүүрлэсэн амжилтаараа чансааны хоёрдугаар байр руу дэвшлээ.