Дэлхий дахинд

МЕКСИКИЙН КОНГРЕСС КАННАБИСЫН ХЭРЭГЛЭЭГ ХУУЛЬЧЛАХ ЭХНИЙ АЛХМЫГ ХИЙЛЭЭ

Нийтэлсэн

4 жил өмнө

2021-03-11

Нийтэлч

Өчигдөр Мексик улсын конгрессын доод танхим каннабисыг зугаа цэнгээн, эмчилгээ, шинжлэх ухааны зорилгоор хэрэглэхийг зөвшөөрөх хуулийн төслийг хэлэлцэж, дэмжлээ.

Ингэснээр дэлхийн томоохон эдийн засагтай улсуудын нэг каннабисын зах зээлд хаалгаа нээхэд нэг алхам ойртож байна.

Ялангуяа хар тамхитай холбоотой гэмт хэрэг, хүчирхийлэл өндөр байдаг тус улсад энэ нь чухал алхам болох юм.

Хууль тогтоогчдын 316 нь шинэ хуулийн төслийг дэмжиж, 127 нь эсэргүүцжээ. Одоо конгрессын дээд танхим сенат төслийг хэлэлцэж, батлах юм.

Хэрвээ хууль батлагдвал каннабисын салбарт ажилладаг гадаадын компаниудад 127 сая хүн амтай том зах зээл нээгдэнэ.

Хуулийн дагуу каннабисыг тариалах, тээвэрлэх, борлуулах, судалгаанд ашиглах, экспортлох, импортлохтой холбоотой нийт таван лиценз бий болно. Зөвхөн 18-аас дээш насны тусгай зөвшөөрөлтэй иргэд каннабисыг хэрэглэх боломжтой байх ажээ.

Хуулийг санаачилсан ерөнхийлөгч Лопез Обрадорын эрх баригч Морена нам конгрессын хоёр танхимд олонх болдог тул батлагдах нь тодорхой байна. 2013 оны сүүлээр Уругвай улс каннабисын хэрэглээг хуульчилсан дэлхийн анхны улс болж байжээ.

Уругвайтай нэг бүс нутгийн Аргентин, Чили, Колумби, Перу улсуудад каннабисыг эмчилгээнд хэрэглэхийг зөвшөөрдөг юм. 2018 онд Канад улс мөн каннабисын хэрэглээг хуульчилсан бол АНУ-ын хэд хэдэн муж зарим хэрэглээг нь хуулиар зөвшөөрөөд байна.

Эх сурвалж: Reuters

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

20 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...