Дэлхий дахинд

ХОЙД СОЛОНГОС “ТАЙВАН НОЙРСОХ”-ЫН ТУЛД ТЭНЭГ ЗҮЙЛ ХИЙХГҮЙ БАЙХЫГ АНУ-Д САНУУЛАВ

Нийтэлсэн

4 жил өмнө

2021-03-16

Нийтэлч

БНАСАУ-ын удирдагч Ким Жон Уны охин дүү, Солонгосын хөдөлмөрийн намын Төв хорооны хэлтсийн орлогч дарга Ким Ё Жон БНСУ, АНУ-ын хамтарсан цэргийн хээрийн сургуулилтыг эрс буруутгаж, ойрын дөрвөн жилд тайван нойрноос нь салгах зүйл хийхгүй байхыг Вашингтонд зөвлөсөн байна.

Түүний бүхэлдээ Өмнөд Солонгосын эрх баригчдыг шүүмжилсэн, үр дагаврын талаар сануулсан мэдэгдлийг Солонгосын мэдээллийн төв агентлаг (KCNA) нийтэлжээ.

Ким Ё Жон мэдэгдэлдээ Пёньян Сөүлийн үйл хөдлөлийг ажиглах болно гээд Өмнөд Солонгостой харилцах асуудал эрхэлсэн бүх яам, газрыг татан буулгахаас гадна 2018 онд Умард, Өмнөдийн дээд хэмжээний уулзалтын мөрөөр байгуулсан цэргийн хэлэлцээрийг цуцалж чадна гэж сүрдүүлсэн байна.

Мэдэгдлийнхээ төгсгөлд Ким Ё Жон АНУ-ын талаар дурдахдаа “Ташрамд дурдахад, өөрийнхөө нутаг дэвсгэр дээгүүр дарь үнэртэхийг бүх хүчээр чармайж буй АНУ-ын шинэ захиргаанд нэг зүйл зөвлөе. Хэрэв та нар ирэх дөрвөн жилд тухтай унтахыг хүсвэл нойрноос нь салгах зүйл эхнээсээ хийхгүй байх нь дээр” гэж онцолжээ.

Тэрбээр 2018 оны хаврынх нь дулаан харилцаанд буцаж очих нь “эзнийхээ зарлигийн” дагуу Өмнөд Солонгосын эрх баригчид цаашид хэрхэн биеэ авч явахаас үл хамааран амаргүй байх болно гэжээ.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

20 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...