Дэлхий дахинд

ЖО БАЙДЕНААС БОЛЖ АНУ-ЫН АЮУЛГҮЙ БАЙДАЛД ЗАНАЛХИЙЛЭЛ УЧИРЛАА ГЭВ

Нийтэлсэн

4 жил өмнө

2021-03-22

Нийтэлч

АНУ-ын Ерөнхийлөгч асан Доналд Трампын зөвлөх байсан Стивен Миллер одоогийн Ерөнхийлөгч Жо Байдены үг Америкийн үндэсний аюулгүй байдалд заналхийлэл учрууллаа гэв.

Тэрбээр “Fox News” телевизэд ярихдаа “АНУ-ын дайснууд аятайхан ярилцлага өгчих чадваргүй, шатаар өгсөхдөө гурван ч удаа унасан Ерөнхийлөгч Жо Байден руу анхаарлаа хандуулаад эхэлсэн” гэжээ.

Стивен Миллер өөрөө уг шатаар нэг биш удаа өгсөж байснаа хэлээд гулгаж унахаар шат биш байсныг онцолсон байна.

АНУ-ын Ерөнхийлөгчийн зөвлөх асны бодлоор бусад орнууд АНУ-руу дайрч магадгүй гэнэ. “Одоо бид том аюулд байна” гэж Стивен Миллер ярьжээ.

Жо Байден Жоржиа муж руу нисэхээр Ерөнхийлөгчийн онгоцны шатаар өгсөж явахдаа гурван удаа бүдэрч унасан юм. Цагаан ордноос уг явдлын талаар “Онгоцны шатан дээр бүдэрсэн Ерөнхийлөгч Байденд эмнэлгийн тусламж шаардагдаагүй” гэж мэдэгджээ. Гадаа маш салхитай байснаас болж Жо Байден онгоцны шатаар өгсөж байхдаа унах шахсан гэжээ. АНУ-ын Ерөнхийлөгч маш түргэн босож, шатаар гараад цэргийнхэнд ёслон онгоцондоо орсон байна.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

19 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...