Дэлхий дахинд

Цахим сүлжээ охидын сэтгэлзүйд нөлөөлдөг

Нийтэлсэн

6 жил өмнө

2019-01-10

Нийтэлч

Admin

Эрдэмтэд цахим хэрэглээтэй холбоотой сэтгэл санааны тогтворгүй байдал охидод илүү илэрдгийг тогтоожээ. Их Британийн

“EclinicalMedicine” сэтгүүлд бичсэнээр, Лондоны их сургуулиас өсвөр насныхны дунд хийсэн судалгаагаар өдөрт таваас илүү цагийг нийгмийн сүлжээнд өнгөрөөдөг охидын 40 хувь нь ямар нэг байдлаар сэтгэл гутралтай болсныг тогтоосон байна. Харин хөвгүүдийн хувьд энэ нь 15 хувьтай байжээ. Судлаачдын үзэж буйгаар охид цахим дайралт, хэл аманд өртөх нь элбэг, төрх царай, харагдах байдлаараа бусдад гоочлогдох нь хөвгүүдээс хэд дахин илүү байдаг тул энэ нь тун бодит үзүүлэлт юм.

Судалгаанд хамрагдсан охидын тавны хоёр нь нийгмийн сүлжээн дэх таагүй зүйлсээс болж ичиж эмээж, айж түгшиж, бүр нойргүйдэж байсан гэж хариулжээ. Энэ мэт цахим орчинд донтох насанд хүрээгүйчүүдийн тоог хязгаарлах бодлогыг улс орнууд баримталж эхэллээ. Тухайлбал, Хятадын Боловсролын яам шат шатны боловсролын байгууллагуудтай хамтран сурагчдын гар утас, ухаалаг төхөөрөмж дээрх аппликейшнүүдэд хяналт тавих, садар самуун, хүчирхийлэл, элдэв зар сурталчилгаа, тоглоом зэргийг агуулсан аппликейшнүүдийг хориглох шийдвэр гаргажээ. Шинэ журамд зааснаар, сургуулийн байранд татаж, ашиглаж болох аппликейшнд яамнаас хяналт тавьж, тухай бүрт нь албаны зөвшөөрөл шаардахаар болсон байна. Албаны хяналт, зөвшөөрөл шаардах аппликейшнд сурагчдад илүү ачаалал, дарамт болж мэдэх сургалтын аппликейшнүүд мөн багтсан байна. Сурагчдын хувийн мэдээллийг хамгаапахын тулд багш нар болон сургуулийн захиргаа сурагчийн дүн, хичээлийн хуваарь зэрэг мэдээллийг ямар нэг аппликейшнээр дамжуулахыг дээрх журмаар давхар хоригложээ.

Эх сурвалж: “Монголын үнэн” сонин

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...