Дэлхий дахинд

ОХУ-ын Гадаад хэргийн яам Японы Элчин сайдыг дууджээ

Нийтэлсэн

6 жил өмнө

2019-01-11

Нийтэлч

Admin

МОСКВА. /РИА Новости/. Оросын эрх баригчидтай энхийн гэрээ байгуулах асуудлаархи Японы эрх баригчдын сүүлд хийсэн

албан ёсны мэдэгдэлтэй холбоотойгоор ОХУ-ын Гадаад хэргийн яам Япон улсаас Орос улсад суугаа Элчин сайд Тоёхиса Козукийг дууджээ.

“Японы эрх баригчид өмнөд Курилын арлуудыг эзэмших бодолтой байгаа хэдий ч тэнд оршин сууж буй Оросуудыг өөр газар руу шилжүүлэн суурьшуулах бодолгүй байна” гэж Японы Ерөнхий сайд Шинзо Абэ “Асахи” телевизэд ярилцлага өгөх үеэрээ өмнө нь мэдэгдсэн юм.

“Иймэрхүү мэдэгдлүүд нь ЗХУ болон Япон хооронд 1956 онд баталсан хамтарсан тунхаг бичигт тулгуурлан яриа хэлэлцээ хийх үйл явцыг хурдасгах талаархи хоёр улсын удирдагчдын хэлэлцээнүүдийн утга учрыг бүдүүлгээр гажуудуулж, олон нийтийг төөрөгдөлд оруулж байна” гэж уулзалтын үеэр ОХУ-ын Гадаад хэргийн дэд сайд Игорь Моргулов Японы Элчин сайдад мэдэгдсэн байна.

“Орос улс энэ асуудлаар тууштай байр суурьтай хэвээр байгаа. Энхийн гэрээний асуудлыг Орос Японы харилцааны шинэ уур амьсгал бүрэлдэн тогтож буй нөхцөлд л шийдвэрлэх боломжтой. Шийдвэрийг хоёр улсын ард иргэд дэмжих ёстой” хэмээн И.Моргулов онцлон тэмдэглэжээ.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

1 өдөр өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...