Дэлхий дахинд

ГАЗЫН ЗУРВАСТ ГАЛ ЗОГСЛОО

Нийтэлсэн

4 жил өмнө

2021-05-21

Нийтэлч

Израил, Палестины “ХАМАС” бүлэглэлийн хооронд тогтсон гал зогсоох дэглэм баасан гарагт орон нутгийн цагаар 02:00 цагаас (Улаанбаатарын цагаар 07:00 цаг) үйлчилж эхэллээ.

Зэвсэгт ажиллагаа үргэлжилсэн 11 хоногт 200 гаруй хүний амь үрэгджээ. Тэдний ихэнх нь Газын зурваст амиа алдсан байна.

Үүнээс өмнө Израилийн Засгийн газар эвлэрэх тухай шийдвэр гаргаж, 11 хоногийн цэргийн ажиллагааны үеэр “Томоохон үр дүнд” хүрсэн гэж мэдэгджээ.

НҮБ-ын Ерөнхий нарийн бичгийн дарга Антонио Гутерреш энэхүү шийдвэрийг сайшааж, талуудыг гал зогсоох дэглэмийг хатуу мөрдөхийг уриалсан бол АНУ-ын Ерөнхийлөгч Жозеф Байден Израилийн Ерөнхий сайд Бенжамин Нетаньяхуд талархал илэрхийлж, НҮБ-тай хамтран Газын зурваст хүмүүнлэгийн тусламж яаралтай үзүүлэх тал дээр ажиллана гэж мэдэгджээ.

11 хоног үргэлжилсэн зэвсэгт мөргөлдөөний үеэр буюу Палестины талын мэдээлснээр дор хаяж 232 энгийн иргэн, тэр дундаа 100 орчим эмэгтэйчүүд болон хүүхэд амиа алджээ. Израилийн талын мэдээлснаар, амь үрэгдсэн хүмүүсийн 150 орчим нь ХАМАС бүлэглэлийн босогчид байсан гэнэ.

Израилд пуужингийн цохилтын улмаас 12 хүн амиа алдсаны хоёр нь хүүхэд байжээ. Петах Тиква, Ашдод, Ашкелон зэрэг хотуудад гэр оронгүй болсон хүмүүс хорогдох байранд байрлаж байна

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

15 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...