Дэлхий дахинд

ХХ зууны хамгийн нууцлаг цуврал алуурчин хэн болохыг тогтоов

Нийтэлсэн

3 жил өмнө

2021-10-08

Нийтэлч

АНУ-ын ХХ зууны хамгийн нууцлаг цуврал алуурчин хэн болохыг тогтоосон тухай “Fox News” мэдээлжээ.

1960-аад онд Zodiac хочоор алдаршсан алуурчны жинхэнэ нэрийг Гэри Фрэнсис Пост гэдэг байжээ. “The Case Breakers” мөрдөгчдийн багийн олж тогтоосноор, эл этгээд будагчин байсан бөгөөд 2018 онд нас баржээ.

Олон жилийн турш явуулсан мөрдлөгийн явцад шинжээчид гэрэл зураг зэрэг шинэ нотлох баримтууд илрүүлжээ. Гэрэл зурагт алуурчны духан дээр гарсан сорви Zodiac-ын ам зурагтай тохирч байгаа аж. Үүнээс гадна түүний захидлын кодыг тайлснаар алуурчныг хэн болохыг тогтооход дөхөм болсон байна. Гэмт хэргийн газарт олдсон будагны ул мөр үлдсэн бугуйн цагийг алуурчин зүүдэг байсан гэж таамаглаж байна.

Мэдээллээс үзвэл, Гэри Пост 40 гаруй жилийн турш будагчин хийдэг байжээ. Тэрээр 1960-70-аад онд Хойд Калифорни мужид цуврал аллага үйлджээ. Тэр Сан Франциско хотын “San Francisco Chronicle” сонины редакцад янз бүрийн тэмдгээр бичсэн захиа явуулдаг байснаараа танигдсан байна. Эдгээр захидлын далд утгыг тайлснаар цуврал алуурчныг илрүүлэх боломжтой байсан ч олон жилийн турш цагдаагийнхан захидлын далд агуулгыг тайл чадаагүй байна.

Мөрдөн байцаагчдын мэдээллээр, түүнийг таван аллагатай холбоотой гэж үздэг ч өөрөө 37 хүний аминд хүрсэн гэж ярьж байжээ.

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

9 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...