Дэлхий дахинд

86 настай япон уулчин Өмнөд Америкийн ноён оргилд гарч чадалгүй буцжээ

Нийтэлсэн

6 жил өмнө

2019-01-21

Нийтэлч

Admin

Японы уулчин, мэргэжлийн цаначин, 86 настай Юичиро Миура далайн түвшнээс 6,959 метрийн өндөрт оршдог Өмнөд Америкийн хамгийн өндөр оргил Аконкагуагаас эмчийн шаардлагаар буух болсноо өнөөдөр мэдээлжээ.

“Би оргилд гарч чадна гэдэгтээ итгэлтэй байгаа ч эмчийн шаардлагыг хүлээж авахаар боллоо” гэж тэр хэлсэн байна. Миура 6,000 орчим метрийн өндөрт орших Плаза Колера уулчдын отогт хүрээд байсан юм.

Юичиро Миура нь 2013 онд 80 насандаа Эверестийн оройд гарч, дэлхийн ноён оргилд гарсан хамгийн өндөр настай хүн болж байжээ.

Тэрээр Аргентинд оршдог Аконкагуа уулын оройд 1985 онд гарч байсан юм.

Баасан гарагт Плаза Колерад хүрээд тохиромжтой цаг агаарыг хүлээж байсан ахмад уулчны биеийг эмч нь үзээд цааш авирвал зүрхний дутагдалд орох аюултай гэж дүгнэсэн байна.

Түүнтэй хамт явж байгаа эмч Казуэ Оширо “Энэ өндөр бол 86 настай хүний хувьд биологийн дээд хязгаар юм. Тиймээс түүнийг гэрт нь эсэн мэнд буцаахын тулд би ийм шийдвэр гаргалаа” гэж ярьжээ.

2003, 2008 онуудад далайн түвшнээс 8,848 метр өндөр Эверестийн оргилд гарсан Миура цанаар гулгаж байгаад авсан гэмтлээ эдгээж, зүрхний мэс засал хийлгэснийхээ дараа 2013 онд дахин гарч дэлхийн дээд амжилтыг тогтоож байв.

Эх сурвалж: Kyodo News

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...