Дэлхий дахинд

Дэлхийн хамгийн том аюул Цаг уурын өөрчлөлт, дараа нь Исламын улс, Кибер халдлага…

Нийтэлсэн

6 жил өмнө

2019-02-12

Нийтэлч

Admin

АНУ-ын Вашингтонд төвтэй Pew Research Center судалгааны байгууллага дэлхийн 26 орны иргэдийн дунд хүн төрөлхтний өмнө тулгараад байгаа хамгийн том аюул заналыг тодруулах санал асуулга зохион байгуулжээ.

Ингэхэд 13 орны иргэд дэлхийн хамгийн том аюул нь цаг уурын өөрчлөлт гэж хариулсан байна.

Үүний дараа Орос, Франц, Индонез, Нигери зэрэг найман орны иргэд хамгийн том аюулыг Исламын улс террорист байгууллага гэж хариулжээ. Харин Япон, АНУ тэргүүтэй дөрвөн орны иргэд нэгдүгээр зэргийн аюул заналыг кибер халдлага гэж дүгнэсэн байна.

Ганцхан Польш улсын иргэд Оросын хүч нөлөө нэмэгдэх нь хамгийн том аюул гэж үзэж байгаагаа илэрхийлжээ.

Үүнээс гадна энэ удаагийн судалгаагаар АНУ-ын дэлхий дахинд үзүүлэх нөлөөлөлд том өөрчлөлт гарсныг харуулжээ. Нийтдээ 10 орны судалгаанд оролцсон иргэдийн талаас дээш хувь нь АНУ-ыг өөрийнх нь улс үндэстний хамгийн том аюул гэж дүгнэсэн байна.

Тухайлбал Мексикийн иргэдийн 64 хувь Америкийн нөлөөнд санаа зовж байгаагаа илэрхийлсэн нь Дональд Трампын засаг захиргааны бодлоготой холбоотой гэдэг нь илэрхий юм. Уламжлалт холбоотнууд болох Герман, Францын иргэдийн 49 хувь нь Вашингтоны эрх баригчдыг улс оронд нь аюул учруулж байна гэж хариулсан байна.

2013 онд Барак Обамагийн засаг захиргааны үед уг судалгаанд оролцсон нийт 22 орны дөрөвний нэг орчим нь л Америкийн аюул заналаас хамгийн их айж байгаагаа илэрхийлж байжээ.

Судалгаанд оролцогчдын цөөнх нь Умард Солонгосын цөмийн зэвсэг, Хятадын нөлөө, дэлхийн эдийн засгийн хямралаас болгоомжилж байгаагаа илэрхийлсэн ч тэргүүлэх зэргийн аюулд тооцоогүй байна.

Эх сурвалж: Pew Research Center

Сэдвүүд:онцлох

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...