Бусад

105 настай Андрей Вороны эрүүл, урт наслах талаар зөвлөсөн сургамж

Нийтэлсэн

6 жил өмнө

2019-02-13

Нийтэлч

1. Эргэн тойрныхоо, өвс, мод, амьтад, газар орон, тэнгэр, бүхнийг анхааралтай, сайнаар харж сураарай. Номонд ч байдаггүй олон сайхан зүйлийг та, өөртөө нээх бөгөөд та, мөн өөрөө шинэчлэгдэх болно.

2. Аль болох газар шороон дээр хөл нүцгэх зогсох.

3. Гол, усны дэргэд мөн зогсох суух нь ядаргааг тайлж, бодол санааг цэвэрлэдэг.

4. Ам цангаагүй байсан ч, цэвэр ус ууж бай. Энэ бол хамгийн сайн “анхны” эм бөгөөд савласан чихэрлэг, эсвэл давсархаг рашаан, ундаа бүү ууж бай. Эхнийх нь, элгийг чинь “идчихнэ”, харин нөгөөх нь судаснуудыг бөглөнө

5. Өдөр бүр ширээн дээр чинь, нараар тэтгэгдэж, нар шингэсэн тэжээллэг хүнсний ногоо дүүрэн байх ёстой. Үүнээс, хүрэн манжин шиг ашигтай ногоо дэлхий дээр байхгүй гэдгийг санаж яв.

6. Мах бага ид, бараг идэхгүй байсан ч болно. Бид араатан амьтад биш.

7. Хиам, шарсан төмс, жигнэмэг, амттангууд, консерв, дарсан зүйлс бол муу хоол. Махан хүнсээр цатгалдсан араатан залхууран мөлхөж, хөрвөөж байдаг, харин овъёос иддэг морь өдөржин ачлага уналгад ядрахгүй зүтгэж байдаг.

8. Ямар ч зүйлийг бага багаар идэж байгаарай. Бага идэхийн тулд ус уудаг. Би 4-дөхийн оройноос 5 –дахын орой хүртэл долоо хоногт нэг өдөр юм иддэггүй. Мацаг маш сайн зүйл. Мацаг шиг эрүүл мэндийг тэтгэдэг, залуужуулдаг зүйл үгүй. Бие шувуу шиг хөнгөрч, зүрх хөгжин залуу хүнийх шиг болдог. Урт мацаг бүрээр би залуужиж буйгаа мэдэрдэг.

9. Нар зөвхөн чиний төлөө мандаж шингэж байдаг. нар мандахад ажлаа хийж, орой нь тархиа амрааж байх хэрэгтэй. Өдөр 30 минут унтахад цус, толгой нүүрийг сэргээдэг. Юм идсэний дараа унтах нь цус өтгөрүүлж, мөн судсанд муу.

10. Бага суу харин ханатал унт.

11. Аль болох задгай тэнгэр дор удаан байхыг хичээж байгаарай. Мөн сэрүүн орчинд амьдар. Хөл гараа дулаалж толгойгоо сэрүүн байлга. Халуун дулаан газар бие ялзардаг.

12. Ядарч сульдсан биеийг атга хатаасан өвсний хандаар эмчилж байх хэрэгтэй. Өвөлдөө үүнээс сайн эмчилгээ үгүй.

13. Өдөр бүр самар ид. Эсвэл нэг халбага самрын тосоор орлуулж болно. Тархинд маш сайн.

14. Хүмүүст сайн хандаж бай.

15. Чамд зориулагдсан зүйл өгөгднө. Өөрт байхгүй бусдын зүйлд бүү атаарх.

16. Мэргэ, зурхай зурлагад тэгтлээ бүү итгэ. Сэтгэл зүрхээ л ариун байлга.

17. Сэтгэл санаа сайнгүй байхад явган алхах сайн. Сэтгэл санааны эм бол мацаг, мөргөл, биеийн хүчний ажил байдаг.

18. Их хөдөл. Би нэг ч удаа амралтанд амарч үзээгүй. Бүтэн сайн өдөрч амарч хэвтдэггүй. Миний гар тархи хоёр сэлгэн ажиллаж байдаг.

19. Хэт ашиг битгий хөөцөлд, өөртөө ашигтай байхад болно.

20. Хэтрүүлэн битгий ид. Өлсгөлөн араатан, цатгалан хүнээс илүү шаламгай байдаг. Атга хасарваань, аяга дарсаар хооллосон римийн легионерууд, 20 километр гүйн, тулааны талбарт ирж өдөржин тулалдах чадалтай байдаг байсан бол, римийн язгууртнуудын хэт идэлт, завхайрал, тансаглалаас Рим унасан түүхтэй юм.

21. Хоолны өмнө ч, хоолны дараа ч юм бүү уу.

22. Хүүхдээ эмнэлгээр явуулдаг байхгүйн тулд багаас нь газар шороон дээгүүр хөл нүцгэн гүйлгэ, наранд түлэгдэг, зөгий шоргоолжинд хазуулаг, халгайд түлэгдэг, хүйтэн горхинд орог, өргөст бутанд хатгуулаг энэ бүхэн хүүхдийг эрүүл, өлчир хүчтэй болгож өгдөг.

23. Хүнсний ногоог хутгаар хэрчихэд шинж чанараа алдаж байдаг. Би бүхлээр нь чанах юм уу, модон хавтгайгаар дарж жижиглэн бэлтгэж хэрэглэдэг.

24. Дэлгүүрийн цай би хэрэглэдэггүй. Өвс ургамлын хандаар орлуулдаг. Кофе, цай, ундаа пиво зүрхэнд муу.

25. Та ядарсан бол амар. Харин хоолоо нэг төрлийн болго. Нэг өдөр зөвхөн нэг төрөл, дараагийн өдөр өөр нэг төрөл, гэх мэт долоо хоног идэж бай. Мөн өдөрт 2-3 лууван ид. Хүч чинь сэргэнэ.

26. Урт насалж залуугаараа байхыг хүсвэл нэг өдрийг алим самраар хооллох өдөр болго. 8 алим, 8 самар бэлдээд 2 цаг тутам нэг нэгээр нь хэрэглэ.

27. Жимсний улиралд жимс ахиу хэрэглэ. Оддыг тэнгэрийн нүд гэдэг, харин жимс газрын нүд юм.

28. Өөрийгөө сэтгэл дотроо эрхлүүлж, мөн ганцаар аливааг бодох цаг гаргаж бай, юу сайн, юу мууг зүрх тань хэлж өгдөг. Хэзээ ч бүү уралд. Зүрх тань хайраар дүүрэн байхад айдас үгүй болдог. Үлгэр жишээ харагдахыг бүү хичээ.

29. Хамгийн хүчтэй эм бол эрүүл нойр. Гэхдээ энэ нойрыг ямар нэг ажил хийж, хүч гаргаж худалдан авдаг. Энэ нойр бол ердийн залхуурлын унталт биш эрүүл нойр юм.

30. Хүүхдийг хэзээ ч битгий зод, бүү хашгирч загина. Ингэж өсгөвөл хүүхэд “боол” шиг болж өсдөг.

Сэдвүүд:

Дэлгэрэнгүй ...

Сэтгэгдэл үлдээх

Бусад

Энэ жилээс нийслэлийн өдөр, даншиг наадмыг хамт зохион байгуулна

Нийтэлсэн

4 цаг өмнө

2025-06-17

Нийтэлч

24barimt

Монголчууд жилд албан ёсны болон өргөн дэлгэр 15-20 баяр тэмдэглэдэг. Тухайлбал, жил бүр аравдугаар сарын 29-нд нийслэлийн өдрийг тэмдэглэж ирсэн.

Мөн жил бүрийн наймдугаар сарын эхний долоо хоногийн амралтын өдрүүдэд Даншиг наадам зохион байгуулдаг байсан. Тэгвэл энэ жилээс нийслэлийн өдөр, даншиг наадмыг хамтад нь зургаадугаар сарын 28-29-ний өдрүүдэд Хүй долоон худагт зохион байгуулна.

Цаашид наймдугаар сард даншиг наадам, аравдугаар сард нийслэлийн өдрийг тэмдэглэхгүй. Нийслэлийн өдөр буюу нийслэлийн иргэдийн баярыг жил бүрийн зургаадугаар сарын сүүлийн долоо хоногийн амралтын өдөр тэмдэглэх Засгийн газрын тогтоол ч гарсан. Нийслэлийн иргэдийн баяр, даншиг наадмыг нэгтгэснээр цар хүрээ нь өргөжин тэлж, жуулчдыг татахад чухал ач холбогдолтой.

Энэ үеэр жуулчид болон иргэдэд зориулсан олон арга хэмжээг зохион байгуулна. Хүчит бөхийн барилдаан, хурдан морь болон жороо морины уралдаан, шагай, сур харвааны наадам, сээр цохих тэмцээн, жижиг, дунд бизнес эрхлэгчдийн үзэсгэлэн, Улаанбаатар хотын түүхэн гэрэл зургийн үзэсгэлэн, монгол хувцасны үзүүлбэр, есөн дүүргийн Ардын авьяастнуудын тоглолт, Улаанбаатар театрын “Монгол туургатан” уран бүтээлээ толилуулна.

Түүнчлэн цам харайх, лам нарын дунд ном хаялцах, мэтгэлцэх, балин тосон урлалын тэмцээн, сор залах, соёмбот туг залах, шашны сүлд дуулал эгшиглүүлэх зэрэг шашин, соёлын арга хэмжээг үзэж сонирхох боломжтой. Тухайлбал, энэ жил цам харайх үзүүлбэрт 120 гаруй цамчин оролцож өргөн хүрээг хамарч байна.

Зургаадугаар сарын 27-ны өдөр Улаанбаатар хотын тахилга шүтлэгт дөрвөн уул болох Богдхан, Сонгинохайрхан, Чингэлтэй хайрхан, Баянзүрх хайрханыг тахих ёслолоор нийслэлийн иргэдийн баяр “Хүрээ цам-Даншиг наадам 2025”-ын үйл ажиллагаа эхэлнэ. Энэ үеэр нийслэлийн хэмжээнд үйл ажиллагаа явуулдаг сүм хийдүүд цан хэнгэргээ дуугарган, ард иргэдийн сайн сайхны төлөөх хурал ном хурж, буян үйлдэн, сайн үйлсийн ажил зохион байгуулна.

Дэлгэрэнгүй ...

Бусад

Ерөнхийлөгчийн ивээл дор Нөмрөгийн дархан цаазат газарт тахь нутагшуулах төсөл хэрэгжүүлнэ

Нийтэлсэн

2 сар өмнө

2025-05-02

Нийтэлч

24barimt

Монгол Улсын Ерөнхийлөгч Ухнаагийн Хүрэлсүх Бүгд Найрамдах Чех Улсын Прага хотын амьтны хүрээлэнгийн захирал Мирослав Бобек болон Карлын их сургуулийн Монгол судлалын төвийн багш, монголч эрдэмтэн Вероника Каписовска нарыг хүлээн авч уулзлаа.

Уулзалтын үеэр Ерөнхийлөгч У.Хүрэлсүх Прага хотын амьтны хүрээлэн Монгол Улсад 30 гаруй жилийн турш зэрлэг амьтдыг хамгаалах, тэр дундаа тахийг сэргээн нутагшуулах, Говийн их дархан цаазат газрын хамгаалалтын захиргааны материаллаг баазыг бэхжүүлэх, боловсон хүчнийг чадавхжуулах, судалгаа шинжилгээний ажлыг эрчимжүүлэх чиглэлээр үнэтэй хувь нэмэр оруулж ирснийг онцлон тэмдэглэлээ.

Цаашид Монгол Улсын Ерөнхийлөгчийн ивээл дор Дорнод аймгийн Халх гол сумын нутагт орших Нөмрөгийн дархан цаазат газарт тахийг шинээр нутагшуулах төсөл хэрэгжүүлэхээр ярилцаж, говь, хуурай хээрийн бүсийн экосистемийн үнэлгээ хийх, экологийн хувьд онцгой ач холбогдолтой газар нутгийг тогтоож, тусгай хамгаалалтад авах, үүнд шаардлагатай мэргэжлийн зөвлөгөө, туслалцаа үзүүлэх чиглэлээр хамтран ажиллахаар болсонд Ерөнхийлөгч талархал илэрхийллээ.

Энэхүү уулзалт нь Монгол Улсын Ерөнхийлөгчийн 2025 оны гуравдугаар сард Бүгд Найрамдах Чех Улсад хийсэн төрийн айлчлалын мөрөөр хэрэгжүүлж буй ажлын нэг бөгөөд айлчлалын үеэр ярилцсан санал, санаачилгууд ийнхүү бодит ажил хэрэг болон хэрэгжиж байгаагийн илрэл юм.

Ерөнхийлөгч У.Хүрэлсүх төрийн айлчлалынхаа үеэр Прага хотын амьтны хүрээлэнд зочилж, шинээр төрсөн тахийн унаганд “Дагина” хэмээх нэр хайрлаж байсан юм.

Прага хотын амьтны хүрээлэн 2024 оны гуравдугаар сард “Монголын говь”-ийн байнгын үзмэр байгуулж, монгол гэр барин, тахь нутагшуулах төслийн үйл явц, үр дүнг харуулсан гэрэл зургийн үзэсгэлэнг олон нийтэд тогтмол толилуулж байна.

Мөн Бүгд Найрамдах Чех Улсын Ерөнхийлөгч Петр Павел Зэвсэгт хүчний Жанжин штабын даргаар ажиллаж байх хугацаандаа тахь нутагшуулах ажлын хүрээнд тахийг цэргийн онгоцоор тээвэрлэн Монгол Улсад авчрах шийдвэр гаргасан нь уг төслийн амжилтад чухал хувь нэмэр оруулсан юм. Үүний үр дүнд Хустайн нуруу, Хомын тал зэрэг бүс нутагт тахийн тоо толгой 1,000 гаруйд хүрээд байна.