Дэлхий дахинд

Эмэгтэйчүүдийг тагнах аппликейшныг устгахыг шаардлаа

Нийтэлсэн

6 жил өмнө

2019-02-14

Нийтэлч

Саудын Арабын эрчүүдэд эхнэр, охидоо тагнах бололцоо олгодог “Absher” хэмээх аппликейшнийг платформоосоо хасахыг “Apple”, “Google” компаниас хүний эрхийн идэвхтнүүд, мөн “Эмнести” тэргүүтэй хүний эрхийн байгууллагууд шаарджээ. Тус аппликейшн нь Саудын төрийн мэдэлд байдаг адил нэртэй порталыг дэмжиж ажилладаг бөгөөд эрчүүдэд эмэгтэйчүүдийн алхам бүрийг нь мөрдөж мөшгөх бололцоо олгож байна хэмээн тэд үзэж байгаа юм

“Саудын хаант засаглал, исламын хатуу хуулийн дагуу эмэгтэйчүүд наад захын эрхээ ч эдэлж чадахгүй байхад хүний эрхийн тухай хамгийн ихээр ярьдаг АНУ-ын компаниуд үүнийг өөгшүүлээд байгаа нь утгагүй хэрэг” хэмээн “Google”, “Apple”-ийн захиргаанд өргөдөл явуулсан нэгэн хүн бичжээ.

Тус аппликейшн нь “Apple”-ийн төхөөрөмжүүдэд 2015 оноос Андроид үйлдлийн системд 2016 онд нэвтэрсэн бөгөөд өдгөө зургаан сая гаруй хэрэглэгчтэй. Саудын төрийн байгууллагын мэдэлд байдаг энэхүү аппликейш нь иргэдэд бичиг баримт авах, эрүүл мэнд, нийгмийн даатгал болон торгуулиа төлөх зэрэг төрийн үйлчилгээг хялбар аргаар авах бололцоо олгодог байна. Түүнчлэн нөхөр, аав буюу асран хамгаалагч нь эмэгтэйчүүдийг гадаад, дотоодоор аялахад нь зөвшөөрөл өгөх, хяналт тавих бололцоог тус үйлчилгээ олгодог нь эмэгтэйчүүдийн эрхийг зөрчиж байгаа хэрэг гэж хүмүүс үзжээ.

Саудын Арабын Асран хамгаалагчийн тухай хуулийн дагуу эмэгтэйчүүд “асран хамгаалагч” эр хүний зөвшөөрөлгүйгээр аялах боломжгүй байдаг аж. Асран хамгаалагч нь гэрлэсэн эмэгтэйчүүдийн хувьд нөхөр нь, харин залуу охидын хувьд аав буюу ах нь байна. Саудын Арабын Асран хамгаалагчийн тухай хуулийн зүйл заалтууд нь маш сонин. Тухайлбал, эмэгтэйчүүд хэн нэгэн эрэгтэй асран хамгаалагчийнхаа албан ёсны зөвшөөрөлгүйгээр гэрлэх, салах, ажилд орох, сонгуульд саналаа өгөх, аялах эрхгүй байдаг.

Исламын шашны хатуу дэг жаягаас болоод Саудын Араб улс дахь эмэгтэйчүүдийн эрх, тэдний нийгмийн оролцоо хязгаарлагдмал байсаар ирсэн билээ. Түүгээр ч барахгүй эмэгтэйчүүдийн эрхийн төлөө тэмцсэн олон мянган идэвхтнийг хорих, цаазаар авах зэрэг ялаар шийтгэсэн тухай мэдээлэл ихээр цацагдах болсон. Сүүлийн таван жилд тус улсын эмэгтэйчүүд жолоо барих, хөл бөмбөгийн тоглолт үзэх, сонгуульд саналаа өгөх, сонгогдох зэрэг эрхтэй болсон ч цаанаа тэдний эрхэнд халдсан маш олон зөрчил Саудын нийгэмд нуугдаж байгаа юм.

Эх сурвалж: Al Jazeera

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

БНСУ даяар галын нөхцөл байдал ноцтой түвшинд хүрснийг зарлалаа

Нийтэлсэн

2 долоо хоног өмнө

2025-03-26

Нийтэлч

24barimt

2025 оны гуравдугаар сарын 26-ны өглөөний 07:30 цагийн байдлаар БНСУ даяар галын нөхцөл байдал ноцтой түвшинд хүрсэн гэж зарласан бөгөөд энэ нь гал түймрийн хамгийн дээд түвшин юм.

Одоогийн байдлаар нас барсан хүмүүсийн тоо 18, түлэгдэж угаартсан хүмүүсийн тоо 19 болж, нийт 37 хүн амь нас, эрүүл мэндээрээ хохирсон байна.

Гал түймрийн гарал үүсэл нь тодорхой болж эхэлсэн бөгөөд салют буудуулах болон талийгаачийн булш эргэж байх үед гал алдсан нь гол шалтгаан болсон гэж үзэж байна.

Мөн аюултай нөхцөл байдал үүссэнтэй холбогдуулан нийт 27,000 орчим иргэнийг аюулгүй газар нүүлгэн шилжүүлж, 1,600 иргэнийг түр хоргодох байранд байрлуулжээ.

Гал сөнөөгчид болон цэргийн 5000 гаруй албан хаагч, 146 нисдэг тэрэг дайчлагдан ажиллаж байгаа ч хуурай салхи, хүнд нөхцөл байдлаас болж унтраахад хүндрэлтэй байна.

Гуравдугаар сарын 26-ны үдээс хойш хүчтэй салхи шуурах төлөвтэй байгаа тул иргэдийг аюултай нөхцөл байдлаас урьдчилан сэргийлж, хяналттай байхыг анхааруулж байна.

Консулын газар нь галын голомтын аюултай бүсэд оршин суугаа Монгол Улсын иргэддээ яаралтай үед холбогдох шуурхай утсыг ажиллуулж байна гэж Пусан хотод суугаа Консулын газраас мэдээллээ.

Дэлгэрэнгүй ...

Дэлхий дахинд

Сөүл хотод авто зам цөмөрч мотоциклтой иргэн унажээ

Нийтэлсэн

2 долоо хоног өмнө

2025-03-25

Нийтэлч

24barimt

Өчигдөр буюу даваа гарагт Сөүл хотод авто зам цөмөрч, мотоциклтой иргэн унасан байна. Одоогоор тус иргэнийг аврах ажиллагаа үргэлжилж байгаа аж.

Орон нутгийн цагаар өчигдөр орой 6 цагийн үед Гандун дүүрэг дэх бага сургуулийн ойролцоох авто зам цөмөрч, бараг 20 метрийн өргөнтэй нүх үүссэн байна.

Тус нүх зургаан эгнээтэй замын дөрвийг нь хамарч байгаа бөгөөд нэмж томрох эрсдэлтэй байгаа аж. Улмаар Сөүл хотын захирагч яаралтай арга хэмжээ авахыг үүрэгджээ.

Одоогоор зам цөмөрсөн шалтгааныг тодруулахаар ажиллаж байна.

Гэхдээ албаныхны урьдчилсан байдлаар үзэж буйгаар зам цөмөрсөн шалтгаан нь замын доорх ус дамжуулах хоолой хагарснаас үүдсэн байж болзошгүй гэв.

Осол гарсан замын доор метроны есдүгээр шугамын өргөтгөлийн ажил мөн хийгдэж байжээ.

Дэлгэрэнгүй ...

Дэлхий дахинд

Өмнөд Солонгос даяар 30 шахам ой хээрийн түймэр гарав

Нийтэлсэн

2 долоо хоног өмнө

2025-03-24

Нийтэлч

24barimt

Өмнөд Солонгосын зүүн өмнөд хэсэгт өнгөрсөн амралтын өдрүүдээр 30 шахам ой хээрийн түймэр гарчээ. Тодруулбал, 29 байршил гарсан гал түймрийн улмаас дор хаяж дөрвөн хүн амиа алдаж, зургаан хүн шархдаад байна. Мөн 19 км2 талбай шатсан бөгөөд галт тэрэг, зарим авто замын хөдөлгөөнд саад учирчээ.

Бямба гаригийн орой засгийн газар зарим бүс нутагт гамшгийн онц байдал зарлажээ. Харин Ням гаригийн өглөө ихэнх түймрийг унтрааж, зургаан газар л үлдсэн байна.

Гал унтраахад 1600 орчим гал сөнөөгч, 35 нисдэг тэрэг, олон арван галын машин дайчилжээ.

29 түймэр янз бүрийн шалтгаанаар гарсан бөгөөд тэдгээрээс дурдвал, Санчеон хотын түймэр л гэхэд тариачны зүлэг хадагч шатсанаас болжээ. Мөн Бусанаас холгүй орших Гимхэ хотод хог шатаах зуухнаас үүдэлтэй гал гарсан байна. Цаг агаар хуурай, салхитай байгаа тул гал түймэр амархан тархаж байгааг албаныхан анхааруулж байна. Гурав, дөрөв, тавдугаар сард Өмнөд Солонгос хамгийн хуурай цаг агаартай байдаг. Мөн гал түймэр гарсан зарим газар нь уулархаг бүс нутаг байгаа тул аврагчид хүрч очиход хүндрэлтэй байгаа аж.

Өмнөд Солонгосын ерөнхийлөгчийн үүрэг гүйцэтгэгч Чой Сан Мок галыг түргэн унтраахын тулд боломжит бүх техник хэрэгсэл, хүн хүчийг дайчлахыг тушаажээ.

Дэлгэрэнгүй ...