Бусад
Өдөр тутмын амьдрал болоод сэтгэл санааг эмх цэгцтэй байлгахад туслах Мари Кондогийн зарим зөвлөгөөнөөс
“Өөрт хэрэгтэй зүйлээ олж мэдэх хамгийн шилдэг арга бол хэрэггүй зүйлсээсээ салж, татгалзах явдал юм”
хэмээн Япон улсын цэгцлэх урлагийн мэргэжилтэн Мари Кондо хэлсэн байдаг.
Шинэ он гарсны дараахан, амьдралаа эмх цэгцтэйгээр шинээр эхлүүл гэж буй дохио мэт цэгцлэх урлагийн хамгийн алдартай, Тайм сэтгүүлийн дэлхийн нөлөө бүхий 1,000 хүний нэг, 40 гаруй хэл дээр орчуулагдсан “Амьдралыг өөрчлөх эмх цэгц ба түүний гайхамшигт ид шид” номын зохиолчийн “Мари Кондотой эмхэлж цэгцэлцгээе” шоу Netflix-ээр цацагдаж эхэлсэн билээ.
Тэрбээр өөрийн гаргасан эмх цэгтэй, илүү аз жаргалтай амьдрахад чиглэсэн КонМари аргачлалыг бодит айл гэр, хүмүүс дээр үзүүлж, үр дүнг нь харуулдаг ба тухайн айлд үүсээд буй эмх цэгцгүй байдлыг арилгахад нь тусалдаг талаар гардаг.
Энэхүү баримтат цуврал цацагдаж эхэлсэн цагаас хойш дэлхий даяар ихэд шуугиан тарьж, олон хүний амьдралд өөрчлөлт авчраад буй талаар яригдаж байгаа юм.
Тэгвэл бид түүний саяхан гарсан энэхүү цуврал болон өмнө гарсан номоос түүвэрлэсэн эмх цэгцтэй, өөрийн амьдралд илүү чухал гэсэн зүйлсдээ анхаарлаа хандуулж амьдрахад туслах зөвлөмжүүдийг түүвэрлэн хүргэж байна.
1. Өөрчлөлтөөс бүү ай
Амьдралынхаа аливаа зүйлд өөрчлөлт оруулна гэдэг амаргүй. Гэвч өмнө байснаас илүү эерэг өөрчлөлтийг амьдралдаа авчиръя гэвэл ирж буй өөрчлөлтийг эерэг хандлагатайгаар хүлээн авч, түүнд өөрийгөө бэлдэх нь тэрхүү өөрчлөлтийн үндэс, суурийг тавина.
Цувралын анги бүрт гарч байсан оролцогчид өөрчлөлтийн өмнө бүгд ихэд эмээж хэрхэн үүний ард гарч, дасан зохицох талаар санаа зовниж байсан нь харагдаж байсан хэдий ч гэрээ цэгцэлсний дараагаар өөрчлөлтийг ихэд эерэгээр хүлээн авч, амьдралдаа түргэн нэвтрүүлэн, дасан зохицож байсан нь харагдсан юм.
Тийм учраас аливаа эерэг, сайн зүйлийн төлөө өөрчлөлт хийхээр шийдсэн бол түүндээ үнэнч, тууштай байж, өөрийгөө бэлдэх нь бүх өөрчлөлтийн үндэс юм.
2. Цэгцэлж эхэлсэн бол буцах зам үгүй
Хэрэв та нэгэнт амьдарч буй гэр, орчин тойрон болон амьдралаа цэгцлэхийг сэтгэл шулуудаж эхэлсэн бол буцах зам үгүй. Мэдээж эмх цэгцтэй болгохын тулд эхлээд бүх зүйлсээ гаргаж, ялгахын тулд эмх замбараагүй байдал үүсэх болно, үүнийг хараад хүмүүс ихэд цочирдож, шантрах сэтгэгдэл төрдөг аж.
Цэгцлэхийн тулд эхлээд бүх хувцас, ном, бичиг баримт гээд гэр ахуйн эд, хэрэгслийг төрөл төрлөөр нь гарган, нэг газар бөөгнөрүүлэн овоолоход хүмүүс ямар их хувцас, эд хогшилтой байснаа гайхаж, анзаардаг. Тийм учраас гэрт буй эд хогшлоо төрөл зүйлээр нь ангилан цэгцлэх нь илүү үр дүнтэй.
КонМаригийн эмхэлж цэгцлэх эд зүйлсийн дараалал:
- Хувцас,
- Ном,
- Бичиг баримт,
- Бусад жижиг, сажиг эд зүйлс,
- Дурсамж агуулсан зураг, захидал, зургийн цомог, CD гэх мэт… Энэхүү дарааллын дагуу тус бүрийн төрлийн эд зүйлсийг гаргаж ирж, овоолон таны сэтгэлд оч үүсгэж /Spark joy/, илүү нандин санагдаж буй эд зүйлсээ авч үлдэхийг Мари Кондо зөвлөж байна.
3. Хувцсаа зөв хадгалж сурах
Ихэнх хүн шүүгээнд хадгалж буй хувцсаа дээр дээрээс нь давхарлан эвхдэг бол КонМари аргачлалаар аливаа хувцсыг илүү жижиг болгон эвхэж, босоо маягаар хооронд нь наалдуулан хадгалах ондоо аргыг та бүхэнд санал болгодог.
Ингэснээр шүүгээнд буй бүх хувцас таны нүдэнд ил харагдаж, зарим хувцсыг хамгийн доор нь үлдээж мартахгүй байх болон хувцас авч, буцааж хийхэд илүү хялбар байх болно.
Хувцаснуудаа ялгахдаа гараараа барьж үзэн, үүнийг өмсөөд хэчнээн сайхан харагддаг тухайгаа бодож, баяр баясал болон сэтгэлд тань оч гарч ирвэл үлдээх нь зүйтэй юм. Харин өмсөхөд таны биед тийм ч тухтай биш, сайхан сэтгэгдэл төрүүлэхгүй байвал талархаад явуулах цаг нь болсон гэсэн үг. Энэ санаа зөвхөн хувцсан дээр биш бусад гэр ахуйн бүхий л эд хогшлыг ангилж, ялгахад хамааралтай
4. Өрөө болгоноор бус эд хогшлыг төрөл зүйлээр нь ангилж эмхлэхийг зөвлөж байна
Өнөөдөр би том өрөөг, маргааш хүүхдийн өрөөг цэвэрлэнэ гэж хүмүүс ангилдаг. Харин Мари ингэхийн оронд аливаа эд хогшлын төрөл зүйлээр нь ангилж эмхлэхийг санал болголоо.
Тухайлбал, таны гэрт ном зөвхөн нэг өрөөнд бус олон өрөөнд байж болно. Тийм учраас өнөөдөр номнуудыг ангилж эмхэлье гэх маягаар эмхэлснээр илүү амар бөгөөд дэс дараалалтай санагдах болно.
5. Хаяхыг хүсэхгүй байгаа зүйлээ заавал хаях гэж хичээх хэрэггүй
Дурсамж дүүрэн, нандин мэдрэмж төрүүлэхүйц эд зүйлсийг ангилах үед хүмүүсийн сэтгэл хөдөлж, баяр, гунигийн хосолсон мэдрэмжүүд төрдөг аж. Тэгвэл цэгцлэх урлагийн мэргэжилтэн танд ийм төрлийн эд зүйлсээ шууд хаяж, сэтгэл шулуудахын оронд амархан хүрч, харж болохуйц хайрцаганд хийж хадгалахыг зөвлөж байна. Ингэснээр та энэхүү эд зүйлсэд ойр ойр хүрч, дурсамжаа сэргээхээс гадна магадгүй хаях болсон цагийг нь аажмаар ухаарах юм.
6. Өөрт байгаа эд зүйлдээ үргэлж сэтгэл хангалуун байж, талархах нь чухал
КонМари аргачлалаар сэтгэлийн үзүүрт оч үүсгэж буй хувцас, эд зүйлсээ авч үлдсэний дараагаар хэрэггүй болсон, хагацах шаардлагатай эд зүйлстэй та нүүр тулгарах болно. Энэ үед хаяхаар ангилсан бүхий л эд зүйлдээ талархаж, өнгөрсөн хугацаанд өөртэй тань хамт байсанд нь баярлаж, харин тантай үлдэж буй эд зүйлсдээ сэтгэл хангалуун байх нь ирээдүйн сэтгэл санааны хувьд ч тэр, таны орон гэрийн уур амьсгалын хувьд ч мөн эерэг уур амьсгалыг бүрдүүлэх болно.
КонМари аргачлалаар эмхэлсэн өмнө болон дараах зургууд:
Хэрэв та нэгэнт эд зүйлсээ ангилж, эмхлэхээр сэтгэл шулуудсан бол дээрх энгийн хэрнээ эерэг үр дүн авчрах алхмуудыг дагаж, хэрэгжүүлснээр танд илүү хялбар, үр дүнтэй байх болно.
Бусад
АБГББХ: Төрийн тусгай хамгаалалтын тухай хуулийн шинэчилсэн найруулгын төслийг хэлэлцэхийг дэмжин, бусад дөрвөн асуудлыг хэлэлцлээ
Улсын Их Хурлын Аюулгүй байдал, гадаад бодлогын байнгын хорооны 2024 оны 05 дугаар сарын 14ний хуралдаанаар Төрийн тусгай хамгаалалтын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн хэлэлцэх эсэх асуудлыг хэлэлцлээ.
Хуулийн төслийн талаар Монгол Улсын Шадар сайд С.Амарсайхан танилцуулав.
Монгол Улсын Их Хурлаас 1995 онд баталсан Төрийн тусгай хамгаалалтын тухай хуулиар төрийн тусгай хамгаалалт, түүнийг хэрэгжүүлэх байгууллагын эрх зүйн үндсийг анх удаа хуульчлан тогтоосноос хойш өнөөдрийг хүртэлх хугацаанд улс орны эдийн засаг, нийгэм, эрх зүйн болон гадаад харилцаанд томоохон хөгжил, шинэчлэл, өөрчлөлтүүд гарсан тул энэхүү хуулийг шинэчлэн боловсруулах зайлшгүй шаардлага үүсч байна хэмээлээ.
Төрийн тусгай хамгаалалтын тухай хуулийн хэрэгжилтийн үр дагаварт судалгаагаар дараах нөхцөл байдлууд тогтоогдсон байна. Үүнд:
-төрийн тусгай хамгаалалтын зорилгыг хэт ерөнхий тогтоож өгснөөс бусад төрийн хамгаалалтаас ялгамжтай байдал тодорхой бус;
-хуулиар төрийн тусгай хамгаалалтад байх албан тушаалтан, иргэний шалгуур үзүүлэлтийг тогтоогоогүйгээс холбогдох зохицуулалтыг хэрэгжүүлэхэд хүндрэл учирдаг;
-обьектыг төрийн тусгай хамгаалалтад авах шалгуур үзүүлэлтийг тогтоогоогүйгээс төрийн тусгай хамгаалалтад байгаа обьектын хүрээ хэт өргөжиж, хамгаалалтын иж бүрэн байх зарчим алдагдсан;
-төрийн тусгай хамгаалалтыг хэрэгжүүлэх арга хэлбэрийг хуулиар хатуу тогтоож өгсөн нь хамгаалалтын арга, тактикийг өөрчлөх, олон нийт болон хамгаалуулагч нараас тавьж буй шаардлагад нийцүүлж уян хатан байх боломжийг хязгаарласан;
-төрийн тусгай хамгаалалтын бүс, дэглэм тогтоох үйл ажиллагаа нь хуулиар тодорхой бус
-Төрийн тусгай хамгаалалтын тухай хуулиар тогтоосон төрийн тусгай хамгаалалтын үйл ажиллагааг бусад хуулиар өргөжүүлэн тогтоодог хуулийн гажуудал бий болсон;
-төрийн тусгай хамгаалалтын алба хаагчид тавих шаардлага, эрх зүйн байдал, эрх зүй, нийгмийн баталгаатай холбоотой зохицуулалт нь төрийн албаны болон бусад тусгай чиг үүрэг бүхий салбарын эрх зүйн шинэчлэлээс хоцорсон, эрх зүйн байдал нь хийдэлтэй, эрх зүй, нийгмийн баталгаа нь сул.
-төрийн тусгай хамгаалалтад албадлага хэрэглэх үндэслэл, журмыг хүний эрхийг хүндэтгэх зарчимд нийцүүлээгүй нь тодорхой болжээ.
Иймд хуулийн хэрэгжилттэй холбоотой хүндрэл бэрхшээлийг арилгах, төрийн тусгай хамгаалалтын зорилго, хамрах хүрээг Монгол Улсын Үндсэн хууль болон Үндэсний аюулгүй байдлын тухай хуульд нийцүүлэн оновчтой тогтоож, төрийн тусгай хамгаалалтын байгууллагын чиг үүрэг, удирдлага, зохион байгуулалтыг эрх зүйн зохицуулалтыг шинэчилж, албан хаагчдын хариуцлагыг өндөржүүлэх, эрх зүйн баталгааг бүрдүүлэх чиглэлээр Төрийн тусгай хамгаалалтын тухай хуулийн төслийг шинэчлэн боловсруулсан байна.
Төрийн тусгай хамгаалалтын тухай хуулийн шинэчилсэн найруулгын төслийг 7 бүлэг 60 зүйлтэй боловсруулж, хуулийн төсөлд хуулийн зүйл, заалтын давхардал, хийдэл, зөрчлийг арилгах, хуулийн зарим, зүйл, хэсэг, заалтын хэл зүй, найруулгыг ойлгомжтой, тодорхой болгох үүднээс найруулгын шинжтэй зарим өөрчлөлтүүдийг хийжээ.
Төрийн тусгай хамгаалалтын тухай хуулийн шинэчилсэн найруулгын төсөл батлагдсанаар дараах эерэг үр дүнд хүрнэ гэж үзжээ.
- Төрийн тусгай хамгаалалтын зорилго хуульчлан тодорхойлогдож төрийн бусад хамгаалалтаас ялгамжтай байдал тодорхой болно.
- Төрийн тусгай хамгаалалтын хамрах хүрээ, үйл ажиллагааг бусад хуулиар өргөжүүлэн тогтоодог байсан гажуудал арилна.
- Төрийн тусгай хамгаалалт нь аюулгүй байдлын эрсдлийн үнэлгээнд үндэслэдэг бөгөөд шинжлэх ухааны хөгжил, техник технологийн дэвшлийг хүний хүчин зүйлтэй хослуулсан, цаг үедээ нийцсэн, уян хатан хамгаалалтын арга, хэлбэр, тактикаар хэрэгжинэ.
- Төрийн тусгай хамгаалалтын алба мэргэшсэн, чадварлаг, шилдэг албан хаагчид бүхий тусгай алба байх эрх зүй, нийгмийн баталгаа бүрдэнэ.
- Төрийн тусгай хамгаалалтын үйл ажиллагаа улс төрөөс болон гүйцэтгэх ажил явуулах эрх бүхий байгууллагуудын үйл ажиллагаанаас ангид байна.
- Төрийн тусгай хамгаалалтын үйл ажиллагаанд хүний эрхийг хүндэтгэх зарчим хэрэгжиж, хүний эрхийг зөрчих боломж хязгаарлагдана хэмээн төсөл санаачлагчид үзжээ.
Хуулийн төсөлтэй холбогдуулан асуулт асууж, санал хэлэх гишүүн гараагүй бөгөөд хуралдаанд оролцсон гишүүдийн олонх төслийг үзэл баримтлалын хүрээнд хэлэлцэхийг дэмжиж, Байнгын хорооны санал, дүгнэлтийг чуулганы нэгдсэн хуралдаанд танилцуулахаар тогтлоо.
Мөн хуралдаанаар Энхийг дэмжих ажиллагаанд оролцох тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн анхны хэлэлцүүлгийг явуулав.
Байнгын хороо Монгол Улсын Их Хурлын чуулганы хуралдааны дэгийн тухай хуулийн 39 дүгээр зүйлд заасны дагуу төслийн зүйл бүрээр нь хэлэлцэж, УИХ-ын гишүүн Б.Энх-Амгалангаас гаргасан зарчмын зөрүүтэй саналын томьёоллуудаар санал хураалт явуулав.
Тухайлбал, төслийн 3 дугаар зүйлийн 3.1.3 дахь заалтыг “цэргийн болон цагдаагийн баг” гэж НҮБ-аас тогтоосон бүтэц, орон тооны дагуу бие бүрэлдэхүүн болон зэвсэглэл, техник, тоног төхөөрөмж, эд хэрэгслээр хангагдсан энхийг дэмжих ажиллагаанд үүрэг гүйцэтгэх нэгжийг гэж” өөрчлөх санал олонхын дэмжлэг авсан. Мөн дээрх хуулийн төслийн хамт өргөн мэдүүлсэн хуулийн төслүүдийг зүйл бүрээр нь хэлэлцэн Байнгын хорооны санал, дүгнэлтийг чуулганы нэгдсэн хуралдаанд хүргүүлэхээр тогтов.
Дараа нь Цэргийн алба хаагчийн эрх зүйн байдлын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийлээ. Хуулийн төслүүдийг Монгол Улсын Их Хурлын чуулганы хуралдааны дэгийн тухай хуульд заасны дагуу зүйл бүрээр нь хэлэлцэж, УИХ-ын гишүүн Б.Энх-Амгалангаас гаргасан зарчмын зөрүүтэй болон найруулгын санал тус бүрээр санал хураалт явуулан Байнгын хорооны санал, дүгнэлтийг чуулганы нэгдсэн хуралдаанд танилцуулахаар боллоо.
Энэ өдрийн хуралдаанаар хэлэлцсэн дараагийн асуудал нь Төрлөөр устгах гэмт хэрэг, хүн төрөлхтний эсрэг гэмт хэрэг, дайны гэмт хэрэг болон олон улсын бусад гэмт хэргийг мөрдөн шалгах, хянан шийдвэрлэх асуудлаар олон улсад хамтран ажиллах тухай Любляна-Гаагийн конвенцын төслийг зөвшилцөх тухай байлаа.
Төслийн талаар Гадаад харилцааны сайд Б.Батцэцэг танилцуулав.
Тэрбээр, Төрлөөр устгах гэмт хэрэг, хүн төрөлхтний эсрэг гэмт хэрэг, дайны гэмт хэрэг нь олон улсын эрүүгийн эрх зүйд хамгийн ноцтой гэмт хэргийн төрөлд тооцогддог. Эдгээр гэмт хэргийг мөрдөн шалгах, хянан шийдвэрлэх, гэмт этгээдийг шийтгэх, улс хоорондын эрх зүйн туслалцааны хамтын ажиллагааг сайжруулах, гэмт этгээдийг шилжүүлэн өгөх олон талт эрх зүйн баримт бичиг байгуулах ажлыг Монгол Улс 2017 оноос идэвхтэй дэмжиж ирсэн. Бельги, Нидерланд, Словени, Аргентин, Сенегал Улсын хамт конвенцын санаачилгыг урагшлуулах зорилготой Үндсэн бүлгийн 7 гишүүн улсын нэгээр ажиллаж байгаа гэлээ. Үндсэн бүлгийн эдгээр гишүүн улсын төлөөлөгчид төрлөөр устгах гэмт хэрэг, хүн төрөлхтний эсрэг гэмт хэрэг, дайны гэмт хэрэг болон олон улсын бусад гэмт хэргийг мөрдөн шалгах хянан шийдвэрлэх асуудлаар олон улсын хамтран ажиллах тухай Любляна-Гаагийн конвенцын төслийг боловсруулж 2019 оноос эхлэн төслийн хэлэлцүүлгийг өрнүүлжээ. Ийнхүү 2023 оны 05 дугаар сарын 15-26-ны өдрүүдэд Любляна хотноо болсон Бага хурлаар конвенцын эх бичвэрийг баталсан байна.
Энэхүү конвенц нь “Үндэстэн дамнасан зохион байгуулалттай гэмт хэргийн эсрэг НҮБ-ын конвенц”, “Эрүүдэн шүүх болон бусад хэлбэрээр хэрцгий, хүнлэг бусаар буюу хүний нэр төрийг доромжлон харьцаж, шийтгэхийн эсрэг конвенц”, “Төрлөөр устгах, гэмт хэргээс урьдчилан сэргийлэх, энэ төрлийн гэмт хэрэг үйлдэгчдийг шийтгэх тухай конвенц” зэрэг уг салбарт хамаарах олон талт механизмууд байдаг хэдий ч төрлөөр устгах гэмт хэрэг, хүн төрөлхтний эсрэг гэмт хэрэг, дайны гэмт хэргийг хянан шийдвэрлэх зохицуулалтыг агуулсан анхны баримт бичиг болох юм байна. Энэ хүрээнд уг санаачилгыг өдгөө 80 гаруй улс дэмжиж байгаагаа илэрхийлсэн хэмээн Гадаад харилцааны сайд Б.Батцэцэг танилцуулсан.
Тус конвенцод гарын үсэг зурах ёслолын арга хэмжээг Нидерланд Улсын Гааг хотноо 2024 оны 02 дугаар сарын 14-15-ны өдрүүдэд зохион байгуулж, нийт 33 улс гарын үсэг зурсан байна. Монгол Улсын Их Хурлын чуулганы хуралдааны дэгийн тухай хуулийн 75 дугаар зүйлийн 75.4 дэх хэсэгт заасны дагуу уг конвенцод гарын үсэг зурах асуудлыг зөвшилцөхөөр уг асуудлыг Байнгын хороонд танилцуулж буйгаа Гадаад харилцааны сайд илэрхийлсэн.
Төрлөөр устгах гэмт хэрэг, хүн төрөлхтний эсрэг гэмт хэрэг, дайны гэмт хэрэг болон олон улсын бусад гэмт хэргийг мөрдөн шалгах хянан шийдвэрлэх асуудлаар олон улсад хамтран ажиллах тухай Любляна-Гаагийн конвенцын төслийг зөвшилцөх асуудлыг Хууль зүйн байнгын хороо 2024 оны 05 дугаар сарын 14-ний өдрийн хуралдаанаараа хэлэлцээд хуралдаанд оролцсон гишүүдийн олонх зөвшилцөхийг дэмжсэн хэмээн УИХ-ын гишүүн Г.Амартүвшин танилцуулав.
Хэлэлцэж буй асуудалтай холбогдуулан асуулт асууж, үг хэлэх гишүүн гараагүй бөгөөд зөвшилцөхийг хуралдаан оролцсон гишүүдийн олонх дэмжсэн тул уг асуудлыг хэлэлцсэн талаарх байнгын хорооны хуралдааны тэмдэглэлийг санал, дүгнэлтийн хамт Засгийн газарт хүргүүлэхээр тогтлоо.
Дараа нь Эрүүгийн хэрэгт эрх зүйн туслалцаа үзүүлэх тухай Европын конвенцыг соёрхон батлах тухай хуулийн төслийг хэлэлцэв.
Хуулийн төслийн талаар Хууль зүй, дотоод хэргийн сайд Б.Энхбаяр танилцуулсан юм.
Тэрбээр, Монгол Улсын иргэд олноор зорчдог гадаад улстай эрх зүйн харилцан туслалцаа үзүүлэх эрх зүйн орчныг бүрдүүлэх зорилгоор Монгол Улсаас Эрүүгийн хэрэгт эрх зүйн харилцан туслалцаа үзүүлэх тухай Европын 1959 оны конвенцод нэгдэн орох тухай хүсэлтийг Европын Зөвлөлийн Сайд нарын хороонд гаргажээ. Тус хороо нь орлогч сайд нарын 2019 оны хурлаар хэлэлцэн дэмжээд, урилга ирүүлсэн гэлээ.
Монгол Улс гадаадын 24 улстай байгуулсан 39 хоёр талт гэрээний үндсэн дээр эрх зүйн харилцан туслалцаа үзүүлэх, гэмт этгээд ялтан шилжүүлэх эрх зүйн үндэс бүрджээ. Үүнд ихэнх нь Зүүн Европ болон Азийн улсууд багтаж байгаа аж. Харин баруун Европын ихэнх улстай олон улсын конвенцуудад заасан, тодорхой төрлийн гэмт хэргээс бусад гэмт хэргийн асуудлаар хэрэг хянан шийдвэрлэх ажиллагаанд эрх зүйн харилцан туслалцаа үзүүлэх асуудлаар харилцах боломжгүй байдаг аж. Эрүүгийн хэрэгт эрх зүйн харилцан туслалцаа үзүүлэх тухай Европын конвенцод Европын зөвлөлийн 48 гишүүн улс, Европын зөвлөлийн гишүүн бус 5 улс нэгдэн орсон бөгөөд тус конвенцын гишүүн улсын тоонд Монгол Улсын иргэд суралцах, ажиллах, бизнес болон аяллын зорилгоор олноор зорчдог, оршин суудаг Англи, Герман, Бельги, Ирланд, Швед зэрэг улс багтаж байгааг тэмдэглэв. Энэхүү конвенцод нэгдэн орсноор манай улсын хуулийн байгууллагууд нотлох баримт албажуулж авах, мөрдөн шалгах ажиллагаанд холбогдох этгээдийг байлцуулах, гэмт хэргийн улмаас олдсон эд зүйл хэрэгслийг хураан авах зэрэг тодорхой төрлийн ажиллагааг конвенцын гишүүн улсуудын нутаг дэвсгэрт гүйцэтгүүлж, туслалцаа авах зэрэг эрүүгийн хэрэг хянан шийдвэрлэхтэй холбоотой зарим ажиллагааг гүйцэтгэх боломжтой болно хэмээн Б.Энхбаяр сайд танилцууллаа.
Дээрх хуулийн төслийг Хууль зүйн байнгын хорооны 2024 оны 05 дугаар сарын 14-ний өдрийн хуралдаанаар хэлэлцээд соёрхон батлахыг дэмжсэн хэмээн УИХ-ын гишүүн Ц.Сэргэлэн танилцуулсан юм.
Хэлэлцэж буй асуудалтай холбогдуулан асуулт асууж, үг хэлэх гишүүн гараагүй бөгөөд хуралдаанд оролцсон гишүүдийн олонх хуулийн төслийг соёрхон батлахыг дэмжлээ хэмээн Улсын Их хурлын Хэвлэл мэдээлэл, олон нийттэй харилцах газраас мэдээллээ.
Бусад
Булган аймгийн Дашинчилэн сумын ойд улсын начин Б.Түмэндэмбэрэл түрүүллээ
Бусад
Катарын “Нүүдэл” үзэсгэлэн дэглэгдлээ
Катарын Үндэсний музейн “Нүүдэл” (On the Move) тусгай үзэсгэлэн 5 дугаар сарын 02-ны өдөр Монголын Үндэсний музейн үзэсгэлэнгийн танхимд нээгдлээ.
Монгол Улс, Катар улсын хооронд дипломат харилцаа тогтоосны 25-н жилийн ойг 2023 онд тэмдэглэн өнгөрүүлсэн. Ойн арга хэмжээний хүрээнд Соёлын сайд Ч.Номин Катарын Үндэсний музейн захирал Эрхэмсэг ноён Шейх Абдулазиз Аль Таниг хүлээн авч уулзах үеэр Катарын соёл уламжлалыг харуулсан үзэсгэлэнг 2024 онд Монгол Улсад дэлгэн толилуулахаар төлөвлөсний дагуу энэхүү үзэсгэлэн зохион байгуулагдаж байна.
Үзэсгэлэнд Катар улсын цөл нутгийн нүүдэлчин малчин ардын өдөр тутмын амьдралд хэрэглэгддэг зүйлс, катар эмэгтэйчүүдийн чимэг зүүсгэл, тэмээ маллагаа, шонхор шувууны эдлэл зэрэг Катарын үндэсний музейн 50 гаруй биет үзмэрийг дэлгэгдсэний сацуу катарын үндэсний баяр, шашин, хуримын зан үйл зэргийг харуулсан түүхэн гэрэл зураг, баримтат кино зэргийг багтаасан 6 дэд сэдвийн хүрээнд Катарын уламжлалт ахуй, соёлыг цогц байдлаар илэрхийлэн харуулсан байна.
“Нүүдэл” тусгай үзэсгэлэн 5 дугаар сарын 02-ны өдрөөс 8 дугаар сарын 11-ний өдрийг хүртэл Монголын Үндэсний музейн үзэсгэлэнгийн танхимд олон нийтэд нээлттэй, үнэ төлбөргүй үзүүлж байна.
Энэхүү үзэсгэлэнгээр дамжуулан байгалийн асар баян нөөц баялагтай, түүнийгээ хүн ардынхаа сайн сайхан амьдралд зориулж сүүлийн 40 орчим жилийн дотор хөгжлийн өндөр түвшинд хүрч, хүний хөгжлийн индексээрээ дэлхийд тэргүүлэгч орны нэг болсон Катар улсын уламжлалт ахуй соёл, зан заншилтай бодитойгоор танилцах ховор боломж олдож байгаа юм.
-
Улс төр9 цаг өмнө
ХЗБХ: Хууль, тогтоолын төслүүдийн анхны хэлэлцүүлгийг хийлээ
-
Улс төр3 цаг өмнө
“Хөгжлийн бэрхшээлтэй иргэний нийгмийн хамгааллын тухай” хуулийн шинэчилсэн найруулгын төслийг УИХ-д өргөн мэдүүлнэ
-
Улс төр2 цаг өмнө
Гурван ээлжээр хичээллэх эрсдэл үүссэн сургуулиудын барилгыг өргөтгөх хөрөнгө оруулалт хийнэ
-
Нийгэм7 цаг өмнө
Эрээнээр нэвтэрсэн Хятад-Европын ачааны галт тэрэгний ачааны хэмжээ 1.7 сая тонн болжээ
-
Энтертайнмент6 цаг өмнө
Г.Мөнхзаяа: Өглөө эрт босчихоод өчигдөр зурснаа шинжиж харах шиг жаргал үгүй
-
Нийгэм3 цаг өмнө
Нийтийн зориулалттай орон сууцны байшингийн дундын өмчлөлийн эд хөрөнгийн тухай хуулийн шинэчилсэн найруулгын төслийг УИХ-д өргөн мэдүүлнэ
-
Нийгэм9 цаг өмнө
Ойн улаан хачгийн тархалтын шинэ цэг илрүүллээ
-
Нийгэм9 цаг өмнө
“Улаанбаатар марафон”-нд 140 гаруй хүн гэр бүлээрээ гүйхээр бүртгүүлжээ