“Барилга, дэд бүтцийн салбарын стандартын хэрэгжилт хяналт шалгалтын тогтолцоо” хэлэлцүүлэг эхэллээ. Уг хэлэлцүүлгээр барилга, дэд бүтцийн салбарын хууль, норм ба дүрэм, стандартын хэрэгжилт, ажлын гүйцэтгэлд тавих хяналтын тогтолцоог боловсронгуй болгох, төрийн байгууллагаас олгодог барилгын үе шатны зөвшөөрөл олголт, дараалал, хугацаа, хүндрэл чирэгдэл, тулгамдаж буй асуудлыг хэлэлцэж, санал, зөвлөмж гаргах юм.

Хэлэлцүүлэгт Нийслэлийн гэмт хэргээс урьдчилан сэргийлэх салбар зөвлөл, нутгийн захиргааны байгууллагууд, барилгын зураг төсөл зохиогчид, захиалагч, гүйцэтгэгч аж ахуй нэгж, мэргэжлийн холбоод, салбарын эрдэмтэн судлаачид оролцож байна.

Монгол Улс 2022-2023 оны хичээлийн жилээс Финландын Туркугийн их сургуулийн эрдэмтдийн хөгжүүлсэн Эдүтэн цахим системийг 2022-2023 оны хичээлийн жилд туршиж, 2023-2024 оны хичээлийн жилд 3-4 дүгээр анги, 2024-2025 оны хичээлийн жилд 1-5 дугаар ангид хэрэгжүүлж байгаа билээ.

Цахим системийн шинэчлэлийн хүрээнд мобайл аппликейшн, багшид зориулсан арга зүйн удирдамжийг танилцуулах зорилгоор Эдүтэний Олон улсын хамтын ажиллагааны албаны дарга Макке Леппанен, программист Тээмү Ражала нар Монгол Улсад ажиллаж байна.

Боловсролын ерөнхий газрын дарга Т.Ням-Очир өнөөдөр Макке Леппанен, Тээмү Ражала нарыг хүлээн авч уулзлаа.

Цахим системийн шинэчлэл хийгдсэнээр хэрэгжилтийн явцад тулгамдаж буй асуудлыг шийдэхэд дэмжлэг үзүүлж, интернэтгүй орчинд ажиллах, багш нар олон улсын математикийн сургалтын арга зүйгээс суралцах, хэрэгжүүлэх боломжтой юм.

Нийтийн эзэмшлийн гудамж, талбай болон явган хүний зорчих хэсэгт саад учруулж буй ТҮЦ-үүдийг нүүлгэх ажил үргэлжилж байна.

Тухайлбал, Сүхбаатар дүүргийн холбогдох албаныхан энэ сарын 15-16-нд шилжих шөнө 35 ТҮЦ-ийг нүүлгэн шилжүүлж, ул суурийг цэвэрлэн ариутгалаа.

Дүүргийн хэмжээнд нийт 91 ТҮЦ-ийг нүүлгээд байна.

• 3 дугаар хороо Авлигатай тэмцэх газрын урд талд -1 ширхэг
• 6 дугаар хороо МУИС-ийн номын сангийн автобусны буудал-3 ширхэг
• 6 дугаар хороо МУИС-ийн урд талд -2 ширхэг
• 6 дугаар хороо Өргөө кино театрын хойд талд -2 ширхэг
• 6 дугаар хороо Залуучууд зочид буудлын урд -2 ширхэг
• 6 дугаар хороо Герман элчингийн зүүн талд -2 ширхэг
• 6 дугаар хороо Новотел зочид буудлын эсрэг талд -1 ширхэг
• 6 дугаар хороо Дашчойлин хийд орчим -5 ширхэг
• 7 дугаар хороо 11-р хорооллын автобусны буудал -2 ширхэг
• 7 дугаар хороо Хөгжим бүжгийн автобусны буудал -3 ширхэг
• 8 дугаар хороо МУБИС-ийн баруун талд -1 ширхэг
• 8 дугаар хороо Спорт төв ордон -2 ширхэг
• 8 дугаар хороо МУИС-ийн Эдийн засгийн сургууль урд талд -3 ширхэг
• 8 дугаар хороо Логарифм сургуулийн баруун талд -5 ширхэг
• 8 дугаар хороо Багшийн дээдийн хойд автобусны буудал -1 ширхэг