Нийгэм

БӨӨРӨНХИЙ САЙДТАЙ БОЛОВСРОЛЫН САЛБАР 1200 ХҮҮХДИЙГ ХОХИРООГООД БАЙНА

Нийтэлсэн

6 жил өмнө

2019-06-20

Нийтэлч

Кембриджийн хөтөлбөрийг боловсролын яамны харьяалалтай хэрэгжүүлдэг “Шинэ эрин” дунд сургуулийн эцэг эхчүүд өнөөдөр дахин хэвлэлийн хурал зохион байгууллаа. Эцэг эхчүүдийн төлөөлөл хоёр вариантын шалгалтыг дахин явуулахыг шаардаж байгаа юм. Бид энэ талаар БСШУС-ын сайд Ё.Баатарбилэгээс тодруулахад бөөрөнхийлсөн хариултыг өгч байна. Шинэ эрин сургуулийн захирал н.Амартүвшин гэх хүн тайлбар өгөхийг хүсэхгүй бултсаар байгаа юм.

Мэдээллийг эргэн сануулахад “Шинэ эрин” сургуульд элсэж орохын тулд 1251 хүүхэд бүртгүүлсэн байдаг бөгөөд 1230 гаруй тавдугаар ангиа төгссөн сурагчид тус шалгалтыг өгсөн байдаг. Гэвч “А” вариантын 28,40 “B” вариантын 18,40 дүгээр бодлого алдаатай байсныгг шалгалт өгсөн хүүхдүүд гэрчилсэн бөгөөд сургуулийн захиргаанаас шалгалтын тестээ веб сайтдаа байршуулснаар эцэг эхчүүд эсэргүүцэж эхлээд байна. Учир нь дээрх хоёр вариантын хоёр, хоёр бодлого зөв хариултгүй алдаатай байгаа юм. Шинэ эрин сургууль нь 6-12 дугаар ангийн сургалттай бөгөөд Монголд БСШУСЯ-ны харъяа Кембриджийн хөтөлбөрийг хэрэгжүүлдэг гурван сургуулийн нэг. Эцэг эхчүүдийн төлөөлөл шалгалтыг Шинэ Эрин сургуулиас албаар будлиантуулсан байж болзошгүй гэж үзэж байна.

Харамсалтай нь энэ асуудалд хэн хариуцлага хүлээх нь тодорхойгүй хэвээр үлдэж байна.Кембриджээс ирдэг шалгалтын материалыг БСШУСЯ хянах эрхгүй гэх утгатай тайлбарыг өгч БСШУСЯ уснаас хуурай үлдэж байна.

Сэдвүүд:

Дэлгэрэнгүй ...

Сэтгэгдэл үлдээх

Нийгэм

Увс аймгийн нэгдсэн эмнэлгийн эмч нар ходоодны хорт хавдрын мэс заслыг бие даан амжилттай гүйцэтгэжээ

Нийтэлсэн

36 минут өмнө

2025-05-02

Нийтэлч

24barimt

“Бүсчилсэн хөгжлийг дэмжиж төвлөрлийг сааруулах бодлого”-ын хүрээнд Увс аймгийн нэгдсэн эмнэлэг нь баруун бүсийн элэг, ходоод, улаан хоолойн хорт хавдрын мэс заслын төв болох юм. Энэхүү ажлын хүрээнд Увс аймгийн нэгдсэн эмнэлгийн баг “Ходоодны хорт хавдрын мэс засал”-ыг орон нутагтаа бие дааж 2 дахь удаагаа амжилттай хийж гүйцэтгэлээ.

Тухайн үйлчлүүлэгчийн хувьд эрт илрүүлгийн үзлэг оношилгоогоор ходоодны амсар хэсэгт байрлах том хэмжээний хортой хавдартай байсан нь оношлогдож улмаар тухайн үйлчлүүлэгчид ходоодыг бүрэн тайрах, улаан хоолойг нарийн гэдэстэй залгах мэс заслыг амжилттай хийлээ.

Эх сурвалж: Увс Аймгийн Нэгдсэн Эмнэлэг

Дэлгэрэнгүй ...

Нийгэм

ХСҮТ-ийн Ерөнхий захирлаар М.Адилсайханыг томиллоо

Нийтэлсэн

39 минут өмнө

2025-05-02

Нийтэлч

24barimt

ХСҮТ-ийн Ерөнхий захирлаар Анагаах ухааны доктор М.Адилсайханыг томиллоо. Тэрбээр тэргүүлэх зэрэгтэй хавдар судлаач эмч, элэг цөс, нойр булчирхайн мэс заслын эмч бөгөөд ЭМЯ-ны Хавдар судлалын мэргэжлийн салбар зөвлөлийн нарийн бичгийн дарга, Япон улсын Айчигийн АУИС-д Анагаах ухааны докторын зэрэг хамгаалсан, Япон улсын Айчи Анагаах ухааны их сургуульд хоол боловсруулах мэс заслын тэнхим мэс заслын эмч, гадаад судлаачаар ажиллаж байсан туршлагатай юм.

I. Боловсрол
1. 2000 он Бүрэн дунд боловсрол, ЕБС 52-р сургууль
2. 2007он Хүний их эмч, ОХУ-ын Эрхүүгийн УАУИС
3. 2010 Мэс заслын эмч, ЭМШУҮИС, Мэргэжил дээшлүүлэх институт
4. 2014 он Анагаах ухааны доктор, Япон улс, Айчигийн АУИС
5. 2015 Элэг цөс нойр булчирхайн хавдрын мэс засалч, ХСҮТ, ЭМХҮТ
II. Ажлын туршлага
1. 2007он Их эмч “Амгалан Өрх” ӨЭМТ
2. 2007-2009 он дадлагажигч багш, Физиологийн тэнхим, Био-АС, ЭМШУИС
3. 2010-2014 Мэс заслын эмч, гадаад судлаач Хоол боловсруулах мэс заслын тэнхим Айчи Анагаах ухааны их сургууль
4. 2014-2021он дадлагажигч багш, багш, ахлах багш, тэнхмийн эрхлэгч, Хавдар судлалын тэнхим, АУС, АШУҮИС
5. 2014-2021 Элэг цөс нойр булчирхайн мэс заслын тасаг, гэрээт эмч, Хавдар судлалын үндэсний төв
6. 2021-2025 АШУҮИС-ийн Монгол Японы эмнэлгийн захирал
III. Сонгуульт ажил
1. 2016-2025 Эрдмийн зөвлөлийн гишүүн, АУС, АШУҮИС
2. 2016-2021 Хавдар судлалын мэргэжлийн салбар зөвлөлийн нарийн бичгийн дарга, ЭМЯ
3. 2017-2022 Судалгааны ёс зүйн хяналтын хорооны гишүүн, АШУҮИС

Дэлгэрэнгүй ...

Нийгэм

“Олимпын боловсрол ба бие бялдрын хүмүүжил” аянд 12,821 сурагч хамрагдлаа

Нийтэлсэн

2 цаг өмнө

2025-05-02

Нийтэлч

24barimt

Биеийн тамир, спортын улсын хороо, МҮОХ, Монголын үндэсний академи хамран “Олимпын боловсрол ба бие бялдрын хүмүүжил” сэдэвт зорилтот аяныг улс даяар байгуулж, өнөөдөр дүнг танилцууллаа. Арга хэмжээнд БТСУХ-ны Төрийн захиргааны удирдлагын газрын дарга О.Баттулга, МҮОХ-ны тэргүүн дэд ерөнхийлөгч Ч.Наранбаатар, Спортын төв сургуулийн захирал Ч.Зоригтбаатар болон аянд оролцсон сургуулийн удирдлага, багш нар оролцов.

Аяны хүрээнд 10 дугаар ангийн 80 сурагчдын дунд онолын болон бие бялдрын сорилын хэлбэрээр уралдаан зохион явуулахад 69 дүгээр сургууль тэргүүлж, “Эрдмийн ундраа”, 67 дугаар сургууль удаалжээ.

Түүнчлэн багш, дасгалжуулагчдын дунд сурган хүмүүжүүлэх илтгэл, Монгол бичгийн уралдаан зохион байгуулсан ба Монгол бичгийн уралдаанд Эрдмийн хөтөч сургуулийн биеийн тамирын багш О.Анхзаяа түрүүлж, сурган хүмүүжүүлэх илтгэлийн уралдаанд Налайх дүүргийн 109 дүгээр сургуулийн биеийн тамирын багш Б.Цэрэннадмид тэргүүн байр эзэлсэн байна.

“Боловсрол-Бие бялдрын хүмүүжил-Олимпизм” аяны хүрээнд кросс гүйлтийн УАШТ-нд 20 багийн 300 орчим тамирчин өрсөлдөхөд Дархан-Уул аймгийн 4 дүгээр сургууль тэргүүлсэн бол багийн дүнгээр Дархан-Уул аймгийн 4 дүгээр сургууль түрүүлж, 122 дугаар сургууль, Өмнөговь аймгийн 4 дүгээр сургууль удаах байр оржээ.

“Боловсрол-бие бялдрын хүмүүжил-Олимпизм” аянд 10 сургуулийн нийн 12,821 сургач хамрагдсан нь үр дүнтэй ажил болохыг оролцоч талууд өгүүлж байна. Мөн хамрагдсан сургууль бүр Олимпын танхимаа шинэчлэн засварлаж, урлаг спортын олон арга хэмжээг зохион байгуулсан нь онцлог ажил юм.

Дэлгэрэнгүй ...