Коронавирусийн халдвараар амиа алдсан Америкчуудын тоо Вьетнамын дайны хохирлыг давлаа

Нийтэлсэн

5 жил өмнө

2020-04-29

Нийтэлч

Өчигдөр буюу Мягмар гарагт коронавирусийн халдвараар нас барсан АНУ-ын иргэдийн тоо Вьетнамын дайны хохирлын хэмжээг давсан байна.

Өчигдрийн байдлаар 58,220 хүн АНУ-д Covid-19 өвчнөөр нас барсан бол Вьетнамын дайнд 58,209 америк цэрэг амь үрэгдэж байжээ.

Мягмар гарагт бас АНУ-ын батлагдсан халдварын тоо нэг саяын босгыг давсан юм.

Тус улсын коронавирусийн халдварын тоо 18 хоногийн дотор хоёр дахин нэмэгдэж, дэлхий даяар бүртгэгдсэн нийт тохиолдлын гуравны нэгийг эзэлжээ.

Эдгээрийн 30 орчим хувь тахлын төв Нью Йорк мужид оногдож байна. Хамгийн олон халдвар бүртгэгдсэн дэлхийн 20 орны дотроос хүн амын тоотой нь харьцуулсан үзүүлэлтээр АНУ тавдугаарт бичигдэж байгаа юм.

Испани улс 10,000 хүн тутамд 48 тохиолдолтой тэргүүлж, араас нь Бельги, Швейцарь, Итали удаалж байгаа бол АНУ 30 тохиолдолтой эдгээр улсуудын дараа бичигдэж байна.

Түүхээс харвал 1967 онд дэгдсэн ханиад томууны үеэр 100,000 орчим америк хүн нас барж байсан бол 1918 оны Испани ханиадны тахлын үеэр 675,000 хүн амиа алдаж байжээ.

Хамгийн сүүлд 2017-2018 оны улирлын ханиад томуугаар АНУ-д 61,000 хүн нас барсан нь одоогоор коронавирусийн эндэгдлийн тооноос өндөр үзүүлэлт юм.

Мягмар гарагт ОХУ-д бүртгэгдсэн халдварын тоо (93,558) Иран улсын тооноос (92,584) илүү гарснаар дэлхийд найм дугаарт бичигдэх болжээ.

Өмнөх өдөр нь тус улсын халдварын тоо Хятад улсын тооноос даваад байсан юм.

Өчигдөр бас Бразил улсад Covid-19 өвчнөөр нас барсан хүний тоо 5,000-ыг давснаар Хятад улсын эндэгдлийн тооноос илүү гарсан байна.

Ингээд коронавирусийн батлагдсан халдварын хамгийн олон тохиолдолтой дэлхийн 10 улсын тоо баримтыг сүүлийн байдлаар харуулж байна.

	Улсууд	Халдварын тохиолдол	Эндэгдэл	Харьцаа
1	АНУ	1,004,908	58,220	6%
2	Испани	232,128	23,822	10%
3	Итали	201,505	27,359	14%
4	Франц	166,036	23,327	14%
5	Герман	159,038	6,161	4%
6	Их Британи	158,353	21,158	13%
7	Турк	114,653	2,992	3%
8	Орос	93,558	867	1%
9	Иран	92,584	5,877	6%
10	Хятад	83,833	4,633	6%

Эх сурвалж: Reuters, AFP

Сэдвүүд:онцлох

Дэлгэрэнгүй ...

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

11 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...