Дэлхий дахинд

АНУ махны хомсдолд орно

Нийтэлсэн

5 жил өмнө

2020-05-27

Нийтэлч

АНУ-д мах боловсруулах үйлдвэрлэл эргэн сэргэхэд урт хугацаа шаардлагатай болж байна. Ерөнхийлөгч Дональд Трамп халдварын голомт болцгоож байсан мах боловсруулах үйлдвэрүүдийг нээлттэй хэвээр байлгах, дахин нээхийг дэмжсэнээс хойш бараг нэг сар өнгөрч байна. Гэвч өвчний тархалт үйлдвэрүүдийг хэвийн үйл ажиллагаа явуулахад ихэд саад болж байгаа нь цаашлаад олон сарын турш махны хомсдол үүсгэж магадгүй болсныг Вашингтон Пост мэдээлжээ.

АНУ-ын хэмжээнд чухам хичнээн мал нядалгаа, мах боловсруулах үйлдвэрийн ажилчид халдвар авсныг тоолох боломжгүй ч умард Каролинагийн жишээн дээрээс байдал хэр муу байгааг харж болохоор байна. Тэндхийн Тайсон фүүдс тахианы мах боловсруулах үйлдвэрт өмнө нь нийт 2200 ажилтан халдвар авсан нь тогтоогдож, түүнээс хойш энэ тоо өсч байгаа гэнэ. Жишээлбэл өнгөрсөн долоо хоногт тус үйлдвэрийн дахин 570 ажилтан халдвар авсан нь илэрчээ. Улмаар үйлдвэрийн зарим хэсгийг хаан, цэвэрлэн, халдваргүйжүүлж байгаа гэнэ. Ийнхүү үйлдвэрийг хэсэгчлэн хаах явдал анх удаа тохиолдож буй тул үр дагаварт нь хичнээн хэмжээний бүтээгдэхүүний хохирол учрах нь тооцоход бэрх байгаа гэнэ. Мэргэжилтнүүдийн үзэж буйгаар бол дээрх явдлаас болж умард Каролинагийн фермерүүд дор хаяж, 1.5 сая тахиаг устгах шаардлагатай болж байгаа аж.

Энэ мэтээр АНУ-ын мах боловсруулах үйлдвэрүүд цар тахлын голомт болцгоосон тул их хэмжээний хохирол амсч байгаа гэнэ. Халдварт өвчин хянах, сэргийлэх төвийн зүгээс дөрөвдүгээр сарын сүүл үе гэхэд дор хаяж 5000 ажилтан халдвар авсан хэмээн тооцоолсон ч зарим мэргэжилтнүүд энэ тоог 17 мянгаас илүү байгаа хэмээн мэдээлсэн юм. Иймд үйлдвэрүүдийн үйл ажиллагаа нь доголдож, зарим нь бүр хаагдсаны уршгаар АНУ-д ирэх хэдэн сарын турш махны хомсдол үүсэх асуудал тулгараад байна.

Эх сурвалж: THE WEEK

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

15 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...